ບໍລິສັດ ພູ​ເບ້ຍ ມາຍນິງ ຈັດກິດຈະກຳສະຫຼອງວັນອະນຸລັກສັດນ້ຳ-ສັດປ່າ ແລະ ວັນປ່ອຍປາແຫ່ງຊາດ

ກິດຈະກຳຂອງບໍລິສັດໃນວັນທີ 10 ກໍລະກົດ ໄດ້ຈັດຂຶ້ນເພື່ອສະຫຼອງເປັນເວລາສອງມື້ແມ່ນປະກອບມີຕາງໜ້າຈາກບໍລິສັດ ພູເບ້ຍ ມາຍນິງ, ອຳນາດການປົກຄອງແຂວງໄຊສົມບູນ, ຊຸມຊົນທ້ອງຖິ່ນ ແລະ ບ້ານນ້ຳໂມ້, ບ້ານນຳ້ຍອນ ແລະ ຕາແສງໄຊຊະນະ. ໃນໄລຍະການຈັດພິທີປ່ອຍປານັ້ນ, ໄດ້ມີການປ່ອຍລູກປາຈຳນວນ 5,000 ໂຕ ລົງສູ່ອ່າງນ້ຳງື່ມ 2 ຢູ່ທ່າເຮືອນາຕູ້ ຊຶ່ງເປັນຈຸດເຊື່ອມຕໍ່ທ່າເຮືອທີ່ສຳຄັນ ລະ

ຫວ່າງໂຄງການຂຸດຄົ້ນ-ປຸງແຕ່ງ ທອງ-ຄຳພູຄຳ ແລະ ໂຄງການຂຸດຄົ້ນ-ປຸງແຕ່ງ ຄຳ-ເງິນ ບ້ານຫ້ວຍຊາຍ.

ພາຍໃນປີນີ້, ທາງບໍລິສັດໄດ້ມີການສະໜັບສະໜູນມອບລູກປາເປັນຈຳນວນຫຼາຍກວ່າ 17,000 ໂຕ ໃຫ້ແກ່ພາກສ່ວນທີ່ກ່ຽວຂ້ອງຂອງອຳນາດການປົກຄອງແຂວງໄຊສົມບູນເຊັ່ນ: ລູກປາຈຳນວນກວ່າ 10,000 ໂຕ ໃຫ້ແກ່ເມືອງອະນຸວົງ 5,000 ໂຕ ໃຫ້ແກ່ເມືອງລ້ອງແຈ້ງ ແລະ 2,000 ໂຕ ໃຫ້ແກ່ກອງບັນຊາການທະຫານແຂວງໄຊສົມບູນ ເພື່ອເປັນການຮ່ວມສະເຫຼີມສະຫຼອງ ແລະ ນຳປາໄປປ່ອຍລົງສູ່ແຫຼ່ງນ້ຳຕ່າງໆ ອ້ອມຮອບແຂວງ. ນອກຈາກນັ້ນ, ຕາງໜ້າ ບໍລິສັດ ພູເບ້ຍ ມາຍນິງ ໄດ້ເຂົ້າຮ່ວມພິທີປ່ອຍປາໃນວັນທີ 13 ກໍລະກົດ ເພື່ອປ່ອຍລູກປາຫຼາຍກວ່າ 10,000 ໂຕລົງສູ່ນ້ຳຈັ້ງໃນເມືອງອະນຸວົງ.

ຕະຫຼອດໄລຍະການຈັດກິດຈະກຳປ່ອຍປາດັ່ງກ່າວນີ້, ຄວາມມຸ່ງໝັ້ນຂອງ ພູເບ້ຍ ມາຍນິງ ແມ່ນການສ້າງຈິດສຳນຶກໃຫ້ສັງຄົມເຫັນຄວາມສຳຄັນຂອງການປົກປັກຮັກສາສິ່ງແວດລ້ອມໃນໄລຍະຍາວ. ໃນຖານະເປັນບໍລິສັດບໍ່ແຮ່ລະດັບໂລກທີ່ດຳເນີນງານຢູ່ ສປປ ລາວ ແລະ ອາຊີຕາເວັນອອກສ່ຽງໃຕ້, ການດຳເນີນງານ ແລະ ພະນັກງານຂອງບໍລິສັດມີພັນທະດຳເນີນວຽກງານໄປຄຽງຄູ່ກັບການຫຼຸດຜ່ອນຜົນກະທົບຕໍ່ສິ່ງແວດລ້ອມ ໂດຍສະເພາະລະບົບນິເວດສັດນ້ຳ. ບໍລິສັດຍັງສືບຕໍ່ຈັດຕັ້ງປະຕິບັດແຜນງານຕິດຕາມກວດກາດ້ານສິ່ງແວດລ້ອມຢ່າງເຂັ້ມງວດ ເພື່ອ

ຕິດຕາມສະພາບລະບົບນິເວດສັດນ້ຳ, ຄວາມຫຼາກຫຼາຍທາງຊີວະນາໆພັນ ແລະ ຊະນິດພັນສັດນ້ຳທ້ອງຖິ່ນທົ່ວເຂດດຳເນີນງານຂອງຕົນ.

ທ່ານ ເດວິດ ຣີດ (David Reid) ຜູ້ອຳນວຍການໃຫຍ່ຂອງ ບໍລິສັດ ພູເບ້ຍ ມາຍນິງ ໄດ້ກ່າວ ເຖິງການສະໜັບສະໜູນຂອງ ບໍລິສັດຕໍ່ລັດຖະບານຂັ້ນສູນກາງ ແລະ ຂັ້ນແຂວງ ໃນການປົກປັກຮັກສາສັດນ້ຳ ແລະ ສັດປ່າ.

ທ່ານ ເດວິດ ກ່າວວ່າ: “ໃນທຸກຂັ້ນຕອນຂອງການດຳເນີນງານ ນັບແຕ່ການສຳຫຼວດ, ການພັດທະນາໄປຈົນເຖິງການຜະ ລິດ, ພວກເຮົາພະຍາຍາມຫຼຸດຜ່ອນຜົນກະທົບຕໍ່ສິ່ງແວດລ້ອມທຳມະຊາດ ແລະ ຊີວິດຂອງສັດ

ນ້ຳພັນພື້ນບ້ານທີ່ອາໄສຢູ່ໃກ້ກັບໂຄງການພູຄຳ ແລະ ໂຄງການ ບ້ານຫ້ວຍຊາຍ.

“ພວກເຮົາເຮັດວຽກຮ່ວມກັບອຳນາດການປົກຄອງແຂວງໄຊສົມບູນ ເພື່ອຊ່ວຍເຜີຍແຜ່ຂໍ້ຄວາມກ່ຽວກັບການປົກປັກຮັກສາສັດນ້ຳ ແລະ ສັດປ່າໃຫ້ແກ່ຊຸມຊົນທ້ອງຖິ່ນໃນແຂວງໄຊສົມບູນ ພ້ອມທັງສະໜັບສະໜູນໂຄງ ການແຫ່ງຊາດຂອງລັດຖະບານ ປີ 2026 ທີ່ມີເປົ້າໝາຍປ່ອຍລູກປາໃຫ້ໄດ້ຫຼາຍກວ່າ 72 ລ້ານໂຕ ລົງສູ່ແມ່ນ້ຳລຳເຊ. ຂໍຂອບໃຈທີມງານພະແນກສິ່ງແວດລ້ອມ ແລະ ພະນັກງານທຸກຄົນທີ່ສືບຕໍ່ຈັດຕັ້ງປະຕິບັດຄຸນນະທຳດ້ານ ການເບິ່ງແຍງຮັກສາສິ່ງແວດ ລ້ອມ ແລະ ສະໜັບສະໜູນ ໃນວຽກງານການອະນຸລັກທີ່ຊຸມຊົນເປັນເຈົ້າການ ເພື່ອຜົນປະ ໂຫຍດໄລຍະຍາວຂອງລະບົບນິເວດທ້ອງຖິ່ນໃນແຂວງໄຊສົມບູນ”.