ບໍລີສັດ ຢຸນນານ ຈົງເຊິນມ່າຍນິ້ງລາວ ຈຳກັດຜູ້ດ່ຽວ ມອບເງິນຊ່ວຍເຫຼືອໃຫ້ແຂວງຜົ້ງສາລີ.

ງານບຸນຊ່ວງເຮືອ ປະຈໍາປີ 2025 ທີ່ເມືອງສາລະວັນ ໄດ້ຈັດຂຶ້ນໃນລະຫວ່າງວັນທີ 6-7 ກັນຍານີ້, ເປັນການແຂ່ງຂັນແບບເປີດກວ້າງ ມີເຮືອເຂົ້າຮ່ວມທັງພາຍໃນ ແລະ ຕ່າງເມືອງ, ຕ່າງແຂວງ, ມີທັງໝົດ 39 ລຳ, 64 ຄະນະ, ແບ່ງອອກເປັນ 2 ສາຍຄື: ເຮືອປະເພນີພາຍໃນເມືອງມີ: ເຮືອ 12 ສີພາຍ (ຊາຍ-ຍິງ) ແລະ 25-29 ສີພາຍ (ຊາຍ-ຍິງ), ສາຍເປີດກ້ວາງຕ່າງເມືອງພາຍໃນແຂວງ, ຕ່າງແຂວງ ແລະ ຕ່າງປະເທດມີ: ເຮືອ 12 ສີພາຍ (ຊາຍ-ຍິງ), 25-29 ສີພາຍ (ຊາຍ-ຍິງ) ແລະ ຮຸ່ນ 35 ສີພາຍຊາຍ. ໃນປີນີ້, ໄດ້ວາງເງິນລາງວັນສູງເຖີງ 300 ລ້ານກວ່າກີບ.

ຂປລ. ໃນຕອນເຊົ້າວັນທີ 8 ກັນຍາ ນີ້, ຄະນະຜູ້ແທນທີ່ຈະເຂົ້າຮ່ວມກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ IX ທີ່ຈະຈັດຂຶ້ນໃນລະຫວ່າງວັນທີ 8-10 ກັນຍາ 2025 ໄດ້ເຂົ້າວາງພວງມະລາ ຢູ່ອະນຸສາວະລີນັກຮົບນິລະນາມ (ດາວແດງ) ແລະ ວາງກະຕ່າດອກໄມ້ ຢູ່ຫໍພິພິທະພັນ ປະທານ ໄກສອນ ພົມວິຫານ ແລະ ຢູ່ອະນຸສອນສະຖານປະທານ ສຸພານຸວົງ ຊຶ່ງນຳໂດຍ ທ່ານ ນາງ ອາລີ ວົງໜໍ່ບຸນທໍາ ປະທານຄະນະບໍລິຫານງານສູນກາງສະຫະພັນແມ່ຍິງລາວ ພ້ອມຄະນະ.

ພິທີສະເຫຼີມສະຫຼອງວັນສາກົນແຫ່ງການຮູ້ໜັງສືຄົບຮອບ 59 ປີ (8 ກັນຍາ 1966 – 8 ກັນຍາ 2025) ໄດ້ຈັດຂຶ້ນໃນວັນທີ 8 ກັນຍານີ້ ທີ່ສູນພັດທະນາການສຶກສານອກໂຮງຮຽນ, ໂດຍໃຫ້ກຽດເຂົ້າ ຮ່ວມຂອງ ທ່ານ ນາງ ດາລາວອນ ກິດຕິພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ, ມີຜູ້ບໍລິຫານການສຶກສາ,​ ວິທະຍາສາດ ແລະ ກິລາ ແລະ ພາກສ່ວນກ່ຽວຂ້ອງເຂົ້າຮ່ວມ

ກຸ່ມສະມາຄົມລົດວິບາກ ເມືອງປາກລາຍ ແຂວງໄຊຍະບູລີ ໄດ້ສົມທົບກັບ ອົງການປົກຄອງເມືອງ ນຳເອົາເຄື່ອງຊ່ວຍເຫຼືອປະເພດອຸປະກອນການສຶກສາເຊັ່ນ: ປຶ້ມແບບຮຽນ, ເຄື່ອງກິລາ, ຊຸດນັກຮຽນ, ເຂົ້າໜົມ ພ້ອມດວ້ຍເງິນສົດຈາກກຸ່ມລົດວິບາກ ເມືອງແກ່ທ້າວຈໍານວນ 3 ລ້ານກີບ ມອບໃຫ້ກັບນ້ອງໆນັກຮຽນດຄູອາຈານ ໂຮງຮຽນປະຖົມສົມບູນນາຄານ ລວມມູນຄ່າ 10 ລ້ານກວ່າກີບ. ພ້ອມດຽວກັນນີ້ ກໍຍັງມີອົງການປົກຄອງເມືອງ ຮວ່ມກັບ ຫ້ອງການສຶກສາທິການ ແລະ ກິລາເມືອງ ໄດ້ມອບຄອມພິວເຕີ້ 1ຊຸດໃຫ້ໂຮງຮຽນດັ່ງກ່າວ ມູນຄ່າ 3,500,000 ກີບ, ຕາງໜ້າກ່າວມອບໂດຍ ທ່ານ ສີວິໄລ ສຸນາເຄນປະທານກຸ່ມສະມາຄົມລົດວິບາກ ເມືອງປາກລາຍ ແລະ ຕາງໜ້າກ່າວຮັບໂດຍ ທ່ານ ສະໄໝ ວິໄລພອນ ຜູ້ອຳນວຍການໂຮງຮຽນປະຖົມສົມບູນນາຄານ.

ເມືອງພຽງ ແຂວງໄຊຍະບູລີ ຈັດພິທີປະກາດການສ້າງຕັ້ງສູນບໍລິການຜ່ານປະຕູດຽວຂອງເມືອງຂຶ້ນໃນວັນທີ 5 ກັນຍານີ້ ທີ່ຫ້ອງປະຊຸມຂອງເມືອງໂດຍການເປັນປະທານຂອງທ່ານ ຄໍາພັນ ຄໍາພູບົວ ປະທານຄະນະກໍາມະການປົກຄອງເມືອງພຽງ.

ພິທີປະກາດອະນຸມັດນາຍຕຳຫຼວດຂັ້ນສູງອອກພັກການ-ຮັບອຸດໜູນບຳນານ ແລະ ແຕ່ງຕັ້ງນາຍຕຳຫຼວດຂັ້ນນຳພາ-ບັນຊາຂອງກະຊວງປ້ອງກັນຄວາມສະຫງົບ (ປກສ) ຈັດຂຶ້ນໃນວັນທີ 2 ກັນຍານີ້ ພາຍໃຕ້ການເປັນ ເປັນປະທານຂອງສະຫາຍ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງ ປກສ, ມີບັນດາຮອງລັດຖະມົນຕີ, ຄະນະປະຈໍາພັກ-ຄະນະພັກກະຊວງ ພ້ອມດ້ວຍພາກ ສ່ວນກ່ຽວຂ້ອງເຂົ້າຮ່ວມ.

ສານປະຊາຊົນສູງສຸດ(ສປສສ) ໄດ້ຈັດກອງປະຊຸມເຜີຍແຜ່ກົດໝາຍວ່າດ້ວຍການດຳເນີນຄະດີແພ່ງ ສະບັບປັບປຸງ ປີ2024 ໃນວັນທີ 2 ກັນຍາ 2025,ທີ ສປສສ ພາຍໃຕ້ການເປັນປະທານຂອງທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ຊຶ່ງມີ ບັນດາຫົວໜ້າຄະນະສານ ຜູ້ພິພາກສາ ຈ່າສານ ແລະ ພະນັກງານວິຊາການເຂົ້າຮ່ວມ.

ກອງປະຊຸມສະຫຼຸບການຈັດຕັ້ງປະຕິບັດວຽກງານສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ (3 ສ້າງ) ຂອງກະຊວງໂຍທາທິການ ແລະ ຂົນສົ່ງ (ຍທຂ) ປິດລົງໃນວັນທີ 2 ກັນຍານີ້ ທີ່ສູນການຮ່ວມມືສາກົນ ແລະ ການຝຶກອົບຮົມ ໂດຍການເປັນປະທານກ່າວປິດ ຂອງທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ຍທຂ, ມີຮອງລັດຖະມົນຕີ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໃນວັນທີ 2 ກັນຍາຜ່ານມາ ຢູ່ທີ່ຫ້ອງຮັບຮອງຫ້ອງວ່າການແຂວງໄຊສົມບູນ ບັນດາບໍລິສັດໄດ້ມອບເງິນສະໜັບສະໜູນ ກອງປະຊຸມໃຫຍ່ຂອງອົງຄະນະພັກ ແຂວງໄຊສົມບູນ ຄັ້ງທີ II ທີ່ຈະໄຂຂຶ້ນໃນມໍ່ໆນີ້, ໂດຍຕາງໜ້າມອບຈາກ 6 ບໍລິສັດກ່າວມອບ ແລະ ກ່າວຮັບໂດຍທ່ານ ພອຍຄໍາ ຮຸ່ງບຸນຍວງ ເຈົ້າແຂວງໄຊສົມບູນ ພ້ອມດ້ວຍ ພາກສ່ວນທີ່ກ່ຽວຂ້ອງເຂົ້າຮ່ວມ.

ພິທີວາງສີລາລືກໂຄງການກໍ່ສ້າງໂຮງໝໍທັນສະໄໝຂອງກະຊວງປ້ອງກັນຄວາມສະຫງົບ (ປກສ) ໄດ້ຈັດຂຶ້ນໃນວັນທີ 2 ກັນຍານີ້ ໂດຍມີທ່ານ ພົນເອກ ວິໄລ ຫຼ້າຄໍາຟອງ ຮອງນາຍົກລັດຖະມົນຕີ ລັດຖະມົນຕີກະຊວງ ປກສ, ທ່ານ ຈອງ ຢອງຊູ ເອກອັກຄະລັດຖະທູດ ສ ເກົາຫຼີ ປະຈໍາ ສປປ ລາວ, ມີການນໍາກະຊວງ, ຜູ້ຕາງໜ້າ EDCF ປະຈໍາລາວ, ຜູ້ຕາງໜ້າອົງການກອຍກ້າປະຈໍາລາວ, ກຸ່ມບໍລິສັດ BKYC ຜູ້ກໍ່ສ້າງໂຄງ ການ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.