ບໍລິສັດບູຢອງລາວຈຳກັດໄດ້ຈັດພິທີມອບລົດເມຈຳນວນ 215 ຄັນໃຫ້ 8 ແຂວງພາກກາງ ແລະ ພາກໃຕ້ໃນວັນທີ 18 ກໍລະກົດຜ່ານມາ ທີ່ພະແນກໂຍທາທິການ ແລະ ຂົນສົ່ງ ( ຍທຂ ) ແຂວງສະຫວັນນະເຂດ ຊຶ່ງລົດເມຈຳ ນວນດັ່ງກ່າວໄດ້ຮັບການຊ່ວຍເຫຼືອຈາກບໍລິສັດບູຢອງລາວຈຳກັດ ມອບໃຫ້ບັນດາແຂວງຕ່າງໆ ເພື່ອນໍາໃຊ້ເຂົ້າໃນການບໍລິຫານວຽກງານຂອງພາກລັດໃນບັນດາແຂວງພາກກາງ ແລະ ພາກໃຕ້ ຊຶ່ງລວມມີ: ແຂວງໄຊສົມບູນ 20 ຄັນ, ບໍລິຄຳໄຊ 20 ຄັນ, ຄຳມ່ວນ 30 ຄັນ, ສະຫວັນນະເຂດ 45 ຄັນ, ສາລະວັນ 20 ຄັນ, ຈຳປາສັກ 40 ຄັນ, ເຊກອງ 20 ຄັນ ແລະ ແຂວງອັດຕະປື 20 ຄັນ. ຊຶ່ງເປັນລົດເມຂຽວ ໄດ້ຖືກແຈກຢາຍໃຫ້ແກ່ສຳນັກງານ-ພະແນກການ, ອົງການຂອງພາກລັດ. ໃນທົ່ວປະເທດໄດ້ຮັບລົດ 600 ຄັນມີມູນຄ່າ 12 ລ້ານໂດລາ. ຕາງໜ້າມອບຂອງທ່ານ ບຸນຕາ ອ່ອນນາວົງ ຫົວໜ້າກົມຂົນສົ່ງກະຊວງ ຍທຂ ແລະ ຕາງໜ້າກ່າວຮັບໂດຍທ່ານ ສຸພະສອນໄຊ ເພັດສີນໍລາດ ຮອງຫົວໜ້າພະແນກ ຍທຂ. ຈາກນັ້ນໄດ້ມອບຕໍ່ໃຫ້ 8 ແຂວງຢ່າງເປັນທາງການ. ຂ່າວ: ສະຫວັນນະເຂດ
ສະຫະພັນແມ່ຍິງ ທຫລ ຫວນຄືນມູນເຊື້ອວັນແມ່ຍິງສາກົນ
ສະຫະພັນແມ່ຍິງທະນະຄານແຫ່ງ ສປປ ລາວ (ທຫລ) ຈັດພິທີປາຖະກະຖາມູນເຊື້ອວັນແມ່ຍິງສາກົນ ຄົບຮອບ 116 ປີ (8 ມີນາ 1910 - 8 ມີນາ 2026) ຂຶ້ນໃນວັນທີ 3 ມີນາ ຜ່ານມາ ທີ່ ທຫລ ພາຍໃຕ້ຄໍາຂວັນ "ສິດທິ, ຄວາມຍຸຕິທໍາ, ການລົງມືປະຕິບັດເພື່ອແມ່ຍິງ ແລະ ເດັກຍິງທຸກຄົນ" ໂດຍການເປັນປະທານຮ່ວມຂອງ ທ່ານ ນາງ ທໍາມາ ເພັດວິໄຊ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ) ແລະ ທ່ານ ນາງ ວັດທະນາ ດາລາລອຍ ຮອງຜູ້ວ່າການ ທຫລ; ມີຄະນະບໍລິຫານງານສະຫະພັນແມ່ຍິງ ທຫລ, ຕາງໜ້າຄະນະບໍລິຫານງານພັກ, ກຳມະບານ, ຊາວໜຸ່ມ ແລະ ສະມາຊິກສະຫະພັນແມ່ຍິງເຂົ້າຮ່ວມ.
ຄໍາເຫັນ