ບໍ່ເຖິງ 20% ທີ່ນຳໃຊ້ປັນຍາປະດິດຊ່ວຍສ້າງ(Generative AI ຫຼືGen AI) ມາໃຊ້ໃນການດຳເນີນງານຂອງບໍລິສັດ, ໂດຍສາເຫດຫຼັກແມ່ນມາຈາກຄວາມກັງວົນວ່າບໍລິສັດຍັງບໍ່ມີຄວາມຊ່ຽວຊານໃນດ້ານເຕັກໂນໂລຊີນີ້ພຽງພໍ.
ຂໍ້ມູນລະບຸວ່າ: ຄວາມກັງວົນກ່ຽວກັບຄວາມໜ້າເຊື່ອຖືຂອງ Generative AI ເປັນອີກສາເຫດໜຶ່ງທີ່ເຮັດໃຫ້ບໍລິສັດຍີ່ປຸ່ນຫຼາຍແຫ່ງລັງເລທີ່ຈະນຳເຕັກໂນໂລຊີນີ້, ເຖິງແມ່ນວ່າປັນຍາປະດິດຊ່ວຍສ້າງ ເລີ່ມໄດ້ຮັບຄວາມສົນໃຈຫຼາຍຂຶ້ນໃນຖານະເຄື່ອງມືທີ່ຊ່ວຍປັບປຸງປະສິດທິພາບທາງທຸລະກິດກໍຕາມ.ຈາກການສຳຫຼວດບໍລິສັດຂະໜາດກາງ ແລະ ຂະໜາດນ້ອຍ 4.705 ແຫ່ງ ພົບວ່າມີພຽງ 17,3% ເທົ່ານັ້ນທີ່ນໍາໃຊ້ Generative AI ແລ້ວ, ຂະນະທີ່ 26,8% ກຳລັງພິຈາລະນານຳເຕັກໂນໂລຊີດັ່ງກ່າວມາໃຊ້, ແຕ່ 48,4% ຍັງບໍ່ມີແຜນຈະນຳໃຊ້.
ຜົນການສຳຫຼວດທີ່ເຮັດຜ່ານທາງອອນລາຍ ເປີດເຜີຍໃຫ້ຮູ້ວ່າ, ຜູ້ຕອບແບບສອບຖາມ 54,1% ລະບຸວ່າ: ບັນຫາຫຼັກໆຄືການຂາດບຸກຄະລາກອນທີ່ມີທັກສະ ແລະ ຄວາມຮູ້ດ້ານການປະຕິບັດງານ. ນອກຈາກນີ້, ຜູ້ຕອບແບບສອບຖາມ 41,1% ຍັງສະແດງຄວາມສົງໄສກ່ຽວກັບຄວາມຊັດເຈນຂອງເນື້ອຫາທີ່ສ້າງໂດຍ AI ແລະ 39,1% ບໍ່ແນ່ໃຈວ່າມີວຽກໃດແນ່ທີ່ຈະໄດ້ຮັບປະໂຫຍດຈາກການນຳໃຊ້ AI ມາລວມເຂົ້າກັບການເຮັດວຽກ.
ນອກຈາກນີ້, ບໍລິສັດຕ່າງໆ ຍັງລະບຸເຖິງຄວາມຈຳເປັນທີ່ຈະຕ້ອງກຳນົດກົດລະບຽບພາຍໃນເພື່ອຮັບຜິດຊອບກໍລະນີທີ່ AI ສ້າງບັນຫາ, ຂໍ້ກົດໝາຍເຊັ່ນ: ລິຂະສິດ ແລະ ການຄຸ້ມຄອງຄວາມເປັນສ່ວນຕົວ, ຕະຫຼອດຈົນຄວາມສ່ຽງທີ່ຈະເກີດການຮົ່ວໄຫຼຂອງຂໍ້ມູນ.ໃນບັນດາກຸ່ມທີ່ກຳລັງນໍາໃຊ້ປັນຍາປະດິດຊ່ວຍສ້າງ ໃນປັດຈຸບັນມີພຽງ 19,5% ເທົ່ານັ້ນທີ່ມີການກຳນົດແນວທາງການໃຊ້ວຽກທີ່ຊັດເຈນ ຊຶ່ງບົ່ງບອກວ່າຫຼາຍອົງການຍັງບໍ່ໄດ້ກຽມຄວາມພ້ອມຢ່າງເຕັມທີ່.
ທ່ານນາງ ແພທອງທານ ຊິນນະວັດ ໄດ້ຮັບການເລືອກຕັ້ງເປັນນາຍົກລັດຖະມົນຕີໄທ
ສຳນັກຂ່າວສານຫວຽດນາມ ປະຈຳ ບາງກອກ ລາຍງານເມື່ອບໍ່ດົນມານີ້ ວ່າ:ທ່ານ ວັນມູຫະ ໝັດ ນໍ ມະທາ ປະທານສະພາແຫ່ງຊາດໄທ ໄດ້ດຳເນີນກອງປະຊຸມຄົບຄະນະຂອງສະພາຜູ້ແທນຣາຊະດອນ 493 ຄົນ ເພື່ອເລືອກຕັ້ງນາຍົກລັດຖະມົນຕີຄົນໃໝ່.
ຂ່າວລະບຸວ່າ: ອີງຕາມກົດໝາຍວ່າດ້ວຍການເລືອກຕັ້ງຂອງໄທ, ທ່ານ ນາງ ແພທອງທານ ຊິນນະວັດ ຕ້ອງການຄະແນນສຽງສ່ວນຫຼາຍຂັ້ນຕ່ຳ ຫຼື 247 ສຽງ ເພື່ອຈະໄດ້ຮັບການເລືອກຕັ້ງເປັນນາຍົກລັດຖະມົນຕີ.
ໃນການລົງຄະແນນສຽງ, ທ່ານນາງ ແພທອງທານ ຊິນນະວັດ ໄດ້ຮັບ 319 ຄະແນນສຽງເຫັນດີ, 145 ສຽງຄັດຄ້ານ ແລະ 27 ສຽງຄັດຄ້ານ. ມີສະມາຊິກສະພາ 2 ທ່ານບໍ່ໄດ້ເຂົ້າຮ່ວມກອງປະຊຸມ. ດັ່ງນັ້ນ, ທ່ານນາງ ແພທອງທານ ຊິນນະວັດ ຈຶ່ງໄດ້ຮັບເລືອກຕັ້ງເປັນນາຍົກລັດຖະມົນຕີໄທ ຄົນທີ 31 ແລະ ເປັນນາຍົກລັດຖະມົນຕີທີ່ໜຸ່ມທີ່ສຸດໃນປະເທດໄທ.
ທ່ານຍັງເປັນນາຍົກລັດຖະມົນຕີຜູ້ຍິງຄົນທີສອງໃນປະຫວັດສາດຂອງໄທ ແລະ ເປັນສະມາຊິກຄົນທີສາມຂອງຄອບຄົວຊິນນະວັດທີ່ດຳລົງຕຳແໜ່ງນີ້, ຖັດຈາກພໍ່ (ທ່ານທັກສິນ ຊິນນະວັດ) ແລະ ອາ (ທ່ານນາງຍິ່ງລັກ ຊິນນະວັດ).
ຄໍາເຫັນ