ໂຮງງານພູຄຳຂອງບໍລິສັດພູເບ້ຍມາຍນິ້ງໄດ້ເອົາໃຈໃສ່ຄວບຄຸມ ອ່າງເກັບຫາງແຮ່ (ອ່າງບຳບັດ) ຢ່າງເຂັ້ມງວດ, ໂດຍຄວບຄຸມກົດ-ດ່າງໃຫ້ຢູ່ໃນລະດັບ 7,5-8,5% ກ່ອນຈະປ່ອຍລົງສູ່ແຫຼ່ງນ້ຳທຳມະຊາດ.
ທ່ານຫຸມພັນວົງພະຈັນຮອງຜູ້ຈັດການອ່າງເກັບນໍ້າຫາງແຮ່ໂຮງງານພູຄຳບໍລິສັດພູເບຍມາຍນິ້ງຈຳກັດລາຍງານໃຫ້ຮູ້ວ່າ: ການປ່ອຍນ້ຳຈາກອ່າງຫາງແຮ່ລົງສູ່ແຫຼ່ງນ້ຳທຳມະຊາດ, ພວກເຮົາໄດ້ສົມທົບກັບພາກລັດໂດຍສະເພາະແມ່ນກະຊວງຊັບພະຍາກອນທຳມະຊາດແລະສິ່ງແວດລ້ອມ (ກຊສ) ແລະພະແນກ ຊສ ແຂວງໄຊສົມບູນມາຕິດຕາມກວດກາຢ່າງລະອຽດຊຶ່ງໂດຍສ່ວນໃຫຍ່ແລ້ວພວກເຮົາຈະປ່ອຍໃນລະດູຝົນເພາະວ່າອາໄສນ້ຳຝົນເຈືອປົນກັບນ້ຳໃນອ່າງ, ໃນຂະນະດຽວກັນກໍໄດ້ຄວບຄຸມກົດ-ດ່າງໃຫ້ຢູ່ໃນລະດັບ 7,5-8,5% ກ່ອນຈະປ່ອຍລົງສູ່ອ່າງຫຼືໜອງລ້ຽງປາຂອງບໍລິສັດ, ຫາກວ່າປາໃນໜອງດັ່ງກ່າວບໍ່ຕາຍກໍສາມາດປ່ອຍລົງສູ່ແຫຼ່ງນ້ຳທຳມະຊາດໄດ້ຊຶ່ງໃນໄລຍະຜ່ານມາການປ່ອຍນ້ຳຈາກອ່າງເກັບຫາງແຮ່ ລົງສູ່ແຫຼ່ງນ້ຳທຳມະຊາດກໍບໍ່ໄດ້ສົ່ງຜົນກະທົບໃດໆຕໍ່ສິ່ງແວດລ້ອມ.
ທ່ານຫຸມພັນວົງພະຈັນກ່າວອີກວ່າ: ອ່າງເກັບຫາງແຮ່ຂອງໂຮງງານມີຄວາມຍາວຂອງສັນເຂື່ອນ 1.900 ແມັດ,ສູງ 180 ແມັດ,ຄວາມກວ້າງດ້ານລຸ່ມ 140 ແມັດແລະຄວາມກວ້າງຂອງສັນເຂື່ອນ 25 ແມັດແລະບ່ອນແຄບສຸດ 12-13 ແມັດ,ສັນເຂື່ອນປະກອບມີ 3 ໂຄງສ້າງຫຼັກຄື: ຊັ້ນທີ່1 ແມ່ນຊັ້ນດິນໜຽວເຮັດໃຫ້ນໍ້າຊຶມຜ່ານໄດ້ຍາກທີ່ສຸດ, ຊັ້ນທີ2 ແມ່ນຊັ້ນກອງນໍ້າເພື່ອລະບາຍນໍ້າໃນເຂື່ອນແລະຮັບນໍ້າຝົນໃຫ້ເຂົ້າສູ່ລະບົບຂອງການລະບາຍນໍ້າແລະຊັ້ນທີ 3ແມ່ນເປັນຊັ້ນວັດສະດຸເພື່ອຄ້ຳດັນໂຕເຂື່ອນໃຫ້ມີຄວາມແຂງແກ່ນຊຶ່ງແຕ່ລະປີທີ່ສ້າງເຂື່ອນແມ່ນມີຮ່ອງລະບາຍນໍ້າໃຕ້ດິນໃນໂຕເຂື່ອນຕື່ມອີກເພື່ອຮັບຮອງນໍ້າໃຕ້ດິນໃຫ້ເຂົ້າກັບລະບົບຮ່ອງລະບາຍນໍ້າເພື່ອບໍ່ໃຫ້ນໍ້າໄຫຼໄປບ່ອນອື່ນ,ແນໃສ່ໃຫ້ນ້ຳໄຫຼອອກບ່ອນທີ່ໄດ້ກໍານົດໄວ້ຊຶ່ຶງແຕ່ລະມື້ໄດ້ມີການເຊັກເບິ່ງປະລິມານນໍ້າເປັນຢ່າງດີ.
ທ່ານກ່າວຕື່ມວ່າ: ໃນແຕ່ລະຈຸດຂອງໂຄງສ້າງເຂື່ອນແຕ່ລະໂຕໄດ້ມີການວັດແທກການເໜັງຕີງຂອງເຂື່ອນ,ເຊັກລະດັບນໍ້າໃຕ້ດິນຊຶ່ງແຕ່ລະຈຸດສາມາດຕິດຕາມຜ່ານລະບົບອອນລາຍ,ຖ້າຫາກເຂື່ອນມີການເໜັງຕີງຜິດປົກກະຕິແມ່ນຈະແຈ້ງອອກໃນຈໍຄອມພິເຕີແລະກໍຈະແຈ້ງໄປຫາພາກສ່ວນກ່ຽວຂ້ອງລົງໄປຕິດຕາມເບິ່ງ,ໃນການກໍ່ສ້າງເຂື່ອນແມ່ນສ້າງຕາມມາດຕະຖານການສ້າງເຂື່ອນໄຟຟ້າ,ໃນຂະທີ່ພວກເຮົາປ່ອຍແຮ່ອອກມາແມ່ນຈະຕ່ຳກວ່າສັນເຂື່ອນປະມານ 9-10 ແມັດ,ປັດຈຸບັນລະດັບສັນເຂື່ອນແມ່ນສາມາດຮອງຮັບໄດ້ຮອດປີ 2026, ສະເລ່ຍເດືອນໜຶ່ງນໍ້າຈະປອ່ຍອອກຈາກຫາງແຮ່ປະມານ 1 ລ້ານແມັດກ້ອນຫຼືບໍ່ໃຫ້ເກີນ 1 ແສນແມັດກ້ອນຕໍ່ວັນຊຶ່ງແຕ່ລະປີແມ່ນໄດ້ຍົກສັນເຂື່ອນຂຶ້ນປະມານ 2-3ແມັດ,ສ່ວນປີນີ້ໄດ້ຍົກລະດັນສັັນເຂື່ອນຂຶ້ນຫຼາຍເພື່ອໃຫ້ຮອງຮັບແຮ່ທີ່ອອກຈາກໂຮງງານໃຫ້ໄດ້ຮອດປີ 2026.
(ຂ່າວ-ພາບ:ສຳນານ)
ທ່ານຫຸມພັນວົງພະຈັນຮອງຜູ້ຈັດການອ່າງເກັບນໍ້າຫາງແຮ່ໂຮງງານພູຄຳບໍລິສັດພູເບຍມາຍນິ້ງຈຳກັດລາຍງານໃຫ້ຮູ້ວ່າ: ການປ່ອຍນ້ຳຈາກອ່າງຫາງແຮ່ລົງສູ່ແຫຼ່ງນ້ຳທຳມະຊາດ, ພວກເຮົາໄດ້ສົມທົບກັບພາກລັດໂດຍສະເພາະແມ່ນກະຊວງຊັບພະຍາກອນທຳມະຊາດແລະສິ່ງແວດລ້ອມ (ກຊສ) ແລະພະແນກ ຊສ ແຂວງໄຊສົມບູນມາຕິດຕາມກວດກາຢ່າງລະອຽດຊຶ່ງໂດຍສ່ວນໃຫຍ່ແລ້ວພວກເຮົາຈະປ່ອຍໃນລະດູຝົນເພາະວ່າອາໄສນ້ຳຝົນເຈືອປົນກັບນ້ຳໃນອ່າງ, ໃນຂະນະດຽວກັນກໍໄດ້ຄວບຄຸມກົດ-ດ່າງໃຫ້ຢູ່ໃນລະດັບ 7,5-8,5% ກ່ອນຈະປ່ອຍລົງສູ່ອ່າງຫຼືໜອງລ້ຽງປາຂອງບໍລິສັດ, ຫາກວ່າປາໃນໜອງດັ່ງກ່າວບໍ່ຕາຍກໍສາມາດປ່ອຍລົງສູ່ແຫຼ່ງນ້ຳທຳມະຊາດໄດ້ຊຶ່ງໃນໄລຍະຜ່ານມາການປ່ອຍນ້ຳຈາກອ່າງເກັບຫາງແຮ່ ລົງສູ່ແຫຼ່ງນ້ຳທຳມະຊາດກໍບໍ່ໄດ້ສົ່ງຜົນກະທົບໃດໆຕໍ່ສິ່ງແວດລ້ອມ.
ທ່ານຫຸມພັນວົງພະຈັນກ່າວອີກວ່າ: ອ່າງເກັບຫາງແຮ່ຂອງໂຮງງານມີຄວາມຍາວຂອງສັນເຂື່ອນ 1.900 ແມັດ,ສູງ 180 ແມັດ,ຄວາມກວ້າງດ້ານລຸ່ມ 140 ແມັດແລະຄວາມກວ້າງຂອງສັນເຂື່ອນ 25 ແມັດແລະບ່ອນແຄບສຸດ 12-13 ແມັດ,ສັນເຂື່ອນປະກອບມີ 3 ໂຄງສ້າງຫຼັກຄື: ຊັ້ນທີ່1 ແມ່ນຊັ້ນດິນໜຽວເຮັດໃຫ້ນໍ້າຊຶມຜ່ານໄດ້ຍາກທີ່ສຸດ, ຊັ້ນທີ2 ແມ່ນຊັ້ນກອງນໍ້າເພື່ອລະບາຍນໍ້າໃນເຂື່ອນແລະຮັບນໍ້າຝົນໃຫ້ເຂົ້າສູ່ລະບົບຂອງການລະບາຍນໍ້າແລະຊັ້ນທີ 3ແມ່ນເປັນຊັ້ນວັດສະດຸເພື່ອຄ້ຳດັນໂຕເຂື່ອນໃຫ້ມີຄວາມແຂງແກ່ນຊຶ່ງແຕ່ລະປີທີ່ສ້າງເຂື່ອນແມ່ນມີຮ່ອງລະບາຍນໍ້າໃຕ້ດິນໃນໂຕເຂື່ອນຕື່ມອີກເພື່ອຮັບຮອງນໍ້າໃຕ້ດິນໃຫ້ເຂົ້າກັບລະບົບຮ່ອງລະບາຍນໍ້າເພື່ອບໍ່ໃຫ້ນໍ້າໄຫຼໄປບ່ອນອື່ນ,ແນໃສ່ໃຫ້ນ້ຳໄຫຼອອກບ່ອນທີ່ໄດ້ກໍານົດໄວ້ຊຶ່ຶງແຕ່ລະມື້ໄດ້ມີການເຊັກເບິ່ງປະລິມານນໍ້າເປັນຢ່າງດີ.
ທ່ານກ່າວຕື່ມວ່າ: ໃນແຕ່ລະຈຸດຂອງໂຄງສ້າງເຂື່ອນແຕ່ລະໂຕໄດ້ມີການວັດແທກການເໜັງຕີງຂອງເຂື່ອນ,ເຊັກລະດັບນໍ້າໃຕ້ດິນຊຶ່ງແຕ່ລະຈຸດສາມາດຕິດຕາມຜ່ານລະບົບອອນລາຍ,ຖ້າຫາກເຂື່ອນມີການເໜັງຕີງຜິດປົກກະຕິແມ່ນຈະແຈ້ງອອກໃນຈໍຄອມພິເຕີແລະກໍຈະແຈ້ງໄປຫາພາກສ່ວນກ່ຽວຂ້ອງລົງໄປຕິດຕາມເບິ່ງ,ໃນການກໍ່ສ້າງເຂື່ອນແມ່ນສ້າງຕາມມາດຕະຖານການສ້າງເຂື່ອນໄຟຟ້າ,ໃນຂະທີ່ພວກເຮົາປ່ອຍແຮ່ອອກມາແມ່ນຈະຕ່ຳກວ່າສັນເຂື່ອນປະມານ 9-10 ແມັດ,ປັດຈຸບັນລະດັບສັນເຂື່ອນແມ່ນສາມາດຮອງຮັບໄດ້ຮອດປີ 2026, ສະເລ່ຍເດືອນໜຶ່ງນໍ້າຈະປອ່ຍອອກຈາກຫາງແຮ່ປະມານ 1 ລ້ານແມັດກ້ອນຫຼືບໍ່ໃຫ້ເກີນ 1 ແສນແມັດກ້ອນຕໍ່ວັນຊຶ່ງແຕ່ລະປີແມ່ນໄດ້ຍົກສັນເຂື່ອນຂຶ້ນປະມານ 2-3ແມັດ,ສ່ວນປີນີ້ໄດ້ຍົກລະດັນສັັນເຂື່ອນຂຶ້ນຫຼາຍເພື່ອໃຫ້ຮອງຮັບແຮ່ທີ່ອອກຈາກໂຮງງານໃຫ້ໄດ້ຮອດປີ 2026.
(ຂ່າວ-ພາບ:ສຳນານ)
ຄໍາເຫັນ