ໂດຍບໍລິສັດຕາຂ່າຍໄຟຟ້າພາກໃຕ້ຈີນແມ່ນ້ຳຂອງ-ແມ່ນ້ຳລ້ານຊ້າງສາກົນຈຳກັດແລະ LCAE ໄດ້ຮ່ວມກັນຈຸດປະກາຍສະຫວ່າງແຫ່ງຄວາມຝັນທາງດ້ານສິລະປະຂອງເດັກນ້ອຍພິເສດໃນສປປລາວ.
ງານວາງສະແດງດັ່ງກ່າວໄດ້ຖືເອົາ "ຄວາມຫວັງ" ເປັນຫົວຂໍ້ຂອງຕົນ ແລະ ຄົ້ນຄ້ວາຫຼາຍບັນຫາຂອງສັງຄົມ, ວັດທະນະທຳ ແລະ ຄວາມຫວັງຢ່າງເລິກເຊິ່ງໂດຍຜ່ານຮູບແບບສິລະປະທີ່ຫຼາກຫຼາຍສີສັນ. ບໍລິສັດຕາຂ່າຍໄຟຟ້າພາກໃຕ້ຈີນແມ່ນ້ຳຂອງ-ແມ່ນ້ຳລ້ານຊ້າງສາກົນຈຳກັດໃນຖານະທີ່ເປັນຜູ້ສະໜັບສະໜູນຫຼັກ ແລະຄູ່ຮ່ວມງານພິເສດຂອງງານດັ່ງກ່າວ,ໄດ້ສະໜັບສະໜູນການສຶກສາຂອງສປປລາວຢ່າງຕັ້ງໜ້າ ແລະ ສົ່ງເສີມການພົບປະແລກປ່ຽນວັດທະນະທຳລະຫວ່າງລາວ-ຈີນ ມາເປັນເວລາຫຼາຍປີ.
ງານວາງສະແດງຄັ້ງນີ້ບໍ່ພຽງແຕ່ໄດ້ເຕົ້າໂຮມບັນດາກຳລັງແນວໜ້າດ້ານສິລະປະຍຸກສະໄໝຂອງລາວເທົ່ານັ້ນ,ແຕ່ຍັງສະແດງໃຫ້ເຫັນເຖິງຜົນງານການປະດິດສ້າງຂອງເດັກພິການຫູຈາກສູນການສຶກສາເດັກພິເສດ “ມືແຫ່ງຄວາມຫວັງ” ແລະ ບັນດານັກສິລະປິນໜຸ່ມທ້ອງຖິ່ນໃນນະຄອນຫຼວງວຽງຈັນ. ເຂົາເຈົ້ານຳໃຊ້ບັນດາຮູບແບບສີລະປະເຊັ່ນ: ສໍແຕ້ມຮູບ ແລະເຄື່ອງຫັດຖະກຳອື່ນໆ ເພື່ອຖ່າຍທອດຄວາມງົດງາມ ແລະ ຄວາມອ່ອນໂຍນໃນໃຈຂອງເຂົາເຈົ້າໃຫ້ແກ່ຜູ້ຊົມໂດຍຜ່ານກຣາບຟິກ ແລະ ສີສັນ. ຜົນງານເຫຼົ່ານີ້ແມ່ນເຕັມໄປດ້ວຍຄວາມໄຮ້ດຽງສາຂອງການເປັນເດັກແລະຄວາມຄິດສ້າງສັນ, ເປັນການສັງເກດແລະຈິນຕະນາການຂອງເດັກນ້ອຍທີ່ມີຕໍ່ໂລກ, ທັງເປັນຄວາມຄາດຫວັງຂອງພວກເຂົາໃນອະນາຄົດອີກດ້ວຍ.
ສູນການສຶກສາ "ມືແຫ່ງຄວາມຫວັງ" ສໍາລັບເດັກນ້ອຍພິເສດນີ້ແມ່ນບໍລິສັດຕາຂ່າຍໄຟຟ້າພາກໃຕ້ຈີນແມ່ນ້ຳຂອງ-ແມ່ນ້ຳລ້ານຊ້າງສາກົນຈຳກັດເປັນຫນ່ວຍງາສະໜັບສະໜູນຕົ້ນຕໍຂອງຂະບວນການການກຸສົນທີ່ມີຫົວຂໍ້ວ່າ: "ແສງສະຫວ່າງແຫ່ງຄວາມຫວັງ". ການເຄື່ອນໄຫວດັ່ງກ່າວແມ່ນແນໃສ່ເພື່ອການສະໜັບສະໜູນການສຶກສາຂອງສປປລາວ ແລະ ຊຸກຍູ້ການແລກປ່ຽນວັດທະນະທຳລະຫວ່າງລາວ-ຈີນ. ນັບຕັ້ງແຕ່ການເປີດຕົວໃນວັນທີ 14 ມັງກອນ ປີ2023 ເປັນຕົ້ນມາ, ກິດຈະກໍາດັ່ງກ່າວໄດ້ຈັດຂຶ້ນຢູ່ປະເທດລາວຢ່າງສໍາເລັດຜົນເຖິງ6 ຄັ້ງ, ເປັນການລວມເອົາກໍາລັງໃຈຈາກປະຊາຊົນທຸກຊັ້ນຄົນ ເພື່ອສະໜອງອຸປະກອນການສຶກສາ ແລະ ສົ່ງເສີມການຂະຫຍາຍຕົວໃຫ້ແກ່ໂຮງຮຽນ ແລະ ສະຖາບັນການສຶກສາພາຍໃນສາມແຫ່ງນີ້, ງານວາງສະແດງສິລະປະໃນຄັ້ງນີ້ເປັນສ່ວນໜຶ່ງທີ່ສໍາຄັນຂອງຊຸດກິດຈະກໍາເຫຼົ່ານີ້.
ຜູ້ຕາງໜ້າບໍລິສັດຕາຂ່າຍໄຟຟ້າພາກໃຕ້ຈີນແມ່ນ້ຳຂອງ-ແມ່ນ້ຳລ້ານຊ້າງສາກົນຈຳກັດກ່າວວ່າ: “ຜ່ານງານວາງສະແດງຄັ້ງນີ້,ພວກເຮົາຫວັງວ່າຈະສະແດງເຖິງຄວາມຮັກແລະຄວາມເປັນຫ່ວງເປັນໄຍຂອງພວກເຮົາຕໍ່ກັບເດັກນ້ອຍພິເສດນີ້, ນຳໃຊ້ພະລັງສິລະປະເພື່ອເສີມສ້າງຄວາມເຊື່ອໝັ້ນແລະຊ່ວຍເຫຼືອເຂົາເຈົ້າໃຫ້ດີຂຶ້ນ. ຊ່ວຍໃຫ້ພວກເຂົາເຊື່ອມໂຍງເຂົ້າກັບສັງຄົມໄດ້ດີຂຶ້ນ,ການປະດິດສ້າງຂອງງານວາງສະແດງແມ່ນຢູ່ໃນການຮວບຮວມຄວາມຄິດສ້າງສັນຂອງເດັກນ້ອຍພິເສດກັບການປະຕິບັດຄວາມຮັບຜິດຊອບຕໍ່ສັງຄົມຂອງບໍລິສັດ, ບັນລຸການພົວພັນຢ່າງກວ້າງຂວາງກັບສັງຄົມໂດຍຜ່ານສື່ມວນຊົນຮູບແບບໃໝ່ແລະຮູບແບບສິລະປະທີ່ຫຼາກຫຼາຍສີສັນ. ໃນອະນາຄົດ, ບໍລິສັດຈະສືບຕໍ່ມຸ່ງໜັ້ນທີ່ຈະສົ່ງເສີມການຮ່ວມມືແລະແລກປ່ຽນດ້ານວັດທະນະທຳລະຫວ່າງລາວ-ຈີນ, ພວກຂ້າພະເຈົ້າຫວັງວ່າຈະສ້າງການພົວພັນດ້ານມະນຸດສະທຳ, ສິລະປະແລະວັດທະນະທຳທີ່ເລິກເຊິ່ງກວ່າເກົ່າກັບທຸກລະດັບຂອງສັງຄົມລາວ, ເພື່ອປະກອບສ່ວນເຂົ້າໃນການພັດທະນາການສຶກສາແລະສິລະປະຢູ່ສປປລາວ.
ຄໍາເຫັນ