ໃຫ້ປະຊາຊົນສ້າງເສດຖະກິດຄອບຄົວໃຫ້ກາຍເປັນສິນຄ້າ ດັ່ງຄໍາເວົ້າ ຂອງປະທານ ໄກສອນ ພົມວິຫານ ທີ່ວ່າ: ເສັ້ນທາງຂ້າມຜ່ານກ້າວຂຶ້ນສັງຄົມນິຍົມຂອງປະເທດເຮົາແມ່ນ ເລີ່ມຈາກເສດຖະກິດທຳມະຊາດ ຂຶ້ນສູ່ເສດຖະກິດສິນຄ້າ ທີ່ຂະຫຍາຍຕົວຢ່າງມີແຜນການ.,ເໝື່ອນດັ່ງຄອບຄົວ ທ້າວ ກຸ້ງ ປະຊາຊົນບ້ານຊຶງຕະມອງແມ່ນຄອບຄົວໜຶ່ງ ທີ່ເປັນຄອບຄົວຕົວແບບການປູກກ້ວຍ ແລະປູກພືດແບບປະສົມປະສານ ທ້າວ ກຸ້ງ ໄດ້ສ້າງຄອບຄົວກັບນາງ ປູມ ໃນປີ2011 ມີລູກນໍາກັນ 3 ຄົນ.
ທ້າວ ກຸ້ງ ໄດ້ລາຍງານຕໍ່ກອງປະຊຸມໃຫຍ່ຄັ້ງທີ XIII ຂອງອົງຄະນະພັກເມືອງ ຕະໂອ້ຍ ແຂວງສາລະວັນ ເມື່ອບໍ່ດົນມານີ້ວ່າ: ໃນເມື່ອກ່ອນຄອບຄົວຂອງລາວໄດ້ຢືດຖື ອາຊີບຖ່າງປ່າເຮັດໄຮ່ແບບເລື່ອນລອຍ ແລະປູກພືດແບບທຳມະຊາດດັ່ງເດີມພໍແຕ່ກຸ້ມກິນ,ຖານະເສດຖະກິດຄອບຄົວໄລຍະນັ້ນພົບຄວາມຫຍຸ້ງຍາກຫຼາຍດ້ານເປັນຕົ້ນ:ໃຊ້ຈ່າຍບໍ່ພຽງພໍກັບຄວາມຕ້ອງການ, ຊີວິດການເປັນຢູ່ຂາດໆເຂີນໆ.ຕະຫຼອດໄລຍະຜ່ານມາ ພັກ ແລະ ລັດຖະບານ ໄດ້ມີນະໂຍບາຍຊຸກຍູ້ສົ່ງເສີມ ປະຊາຊົນສ້າງເສດຖະກິດຄອບຄົວໃຫ້ກາຍເປັນສິນຄ້າ ໂດຍຖືເອົາການປູກພືດກະສິກໍາ ແລະລ້ຽງສັດ ກ່າຍເປັນສິນຄ້າ.
ພັກປະຊາຊົນ ປະຕິວັດລາວ ກໍໄດ້ເວົ້າວ່າ: “ພັດທະນາເສດຖະກິດ-ສັງຄົມ ໃຫ້ມີຄວາມສົມດຸນ ລະຫວ່າງ ການພັດທະນາເສດຖະກິດ-ສັງຄົມ ແລະສິ່ງແວດລ້ອມ, ສືບຕໍ່ຈັດຕັ້ງຜັນຂະຫຍາຍຍຸດທະສາດການເຕີບໂຕສີຂຽວແຫ່ງຊາດ ແລະ ປະຕິບັດເປົ້າໝາຍການພັດທະນາແບບຍືນຍົງ 2030 ໃຫ້ມີປະສິດທິຜົນສູງ. ດັ່ງນັ້ນ, ຕົນເອງຈຶ່ງໄດ້ຕັດສິນໃຈບຸກເບີກເນື້ອທີ່ສວນໃນປີທໍາອິດ (2015) ໃນເນື້ອທີ່ 0,65 ເຮັກຕາ ປູກໄດ້ 40-50 ຂຸມ ຕອນນັ້ນຍັງບໍ່ມີຕະຫຼາດຮອງຮັບເທື່ອ,ຕົກມາຮອດປີ 2019 ເປັນຕົ້ນມາ ຕົນເອງໄດ້ບຸກເບີກເນື້ອທີ່ຕື່ມອີກຈໍານວນ 0,65 ເຮັກຕາ ລວມເປັນ 1,3 ເຮັກຕາ. ຊຶ່ງສາມາດປູກໄດ້250-300 ຂຸມ,ມາຮອດປີ 2024 ຂ້າພະເຈົ້າກໍາລັງຂະຫຍາຍເນື້ອທີ່ການຜະລິດຕື່ມອີກ.ຄາດຄະເນວ່າອີກ 2 ປີຕໍ່ໜ້າ ຄອບຄົວຂ້າພະເຈົ້າຈະມີລາຍໄດ້ຈາກການຂາຍໝາກກ້ວຍບໍ່ຫຼຸດ 30 ລ້ານກວ່າກີບຕໍ່ປີ,ພ້ອມນັ້ນຍັງຈະໄດ້ຂະຫຍາຍເນື້ອທີ່ນາປູກເຂົ້າຕື່ມອີກຈໍານວນ 1 ເຮັກຕາ,ສວນມັນຕົ້ນຈໍານວນ 2 ເຮັກຕາ ແລະ ມີສັດລ້ຽງຈໍານວນໜຶ່ງເຊັນ: ຄວາຍ,ງົວ,ແບ້,ໜູ ແລະ ໜອງປາ ຊຶ່ງສາມາດມີລາຍຮັບເຂົ້າສູ່ຄອບຄົວເພີ່ມຂຶ້ນໃນທຸກໆປີ.
ທ້າວ ກຸ້ງ ກ່າວຕື່ມວ່າ: ພັກ ແລະ ລັດຖະບານ ໄດ້ວາງນະໂຍບາຍ ສົ່ງເສີມການຜະລິດໃຫ້ກາຍເປັນສິນຄ້າ ເພື່ອແກ້ໄຂຄວາມທຸກຍາກຂອງປະຊາຊົນ ດ້ວຍຫຼາຍຮູບການ ແລະ ໜຶ່ງໃນນັ້ນ ກໍແມ່ນການຊຸກຍູ້ສົ່ງເສີມໃຫ້ມີການປູກພືດໃຫ້ຫຼາຍເປັນສິນຄ້າ ຍ້ອນເຫດຜົນດັ່ງກ່າວ ຂ້າພະເຈົ້າຈຶ່ງ ຫັນປ່ຽນຈາກການຖ່າງປ່າເຮັດໄຮ່ຢ່າງດ່ຽວໃນເມື່ອກ່ອນ (ປີ ). ມາຮອດປັດຈຸບັນ ໄດ້ຂະຫຍາຍເນື້ອທີ່ປູກພຶດອອກຕື່ມອີກ.
ຜົນສໍາເລັດທີ່ກ່າວມານັ້ນ: ຍ້ອນແນວທາງຂອງພັກ-ລັດຖະບານ, ການນຳພາຂອງອົງຄະນະພັກອົງການປົກຄອງ, ຂະແໜງການແຕ່ລະຂັ້ນ ໃຫ້ການຊີ້ນຳ, ອຳນວຍຄວາມສະດວກ ແລະ ບວກໃສ່ຄວາມເປັນຈິດໜຶ່ງໃຈດຽວ, ຄວາມດຸໝັ່ນຂະຫຍັນພຽນ, ອົດທົນ, ອົດອອມ ໃຊ້ຈ່າຍຢ່າງມີແຜນການ ຂອງສະມາຊິກໃນຄອບຄົວຂອງພວກຂ້າພະເຈົ້າ.
(ຂ່າວ: ສີສະຫວາດ, ພາບ: ບຸນທົມ ສວນມະນີ)
ຄໍາເຫັນ