ຈຳນວນຄົນເຈັບພະຍາດໝາກແດງ ໃນສະຫະລັດ ອາເມຣິກາ ຍັງສືບຕໍ່ເພີ່ມຂຶ້ນ

ຂ່າວຕ່າງປະເທດລາຍງານ; ອົງການແຮງງານສາກົນ (ILO) ຂອງສະຫະປະຊາຊາດ ໄດ້ເປີດເຜີຍບົດລາຍງານສະບັບໃໝ່ ໃນວັນທີ 20 ພຶດສະພາ ຜ່ານມາວ່າ: ເຕັກໂນໂລຊີປັນຍາປະດິດ (AI) ມີຜົນກະທົບອັນໃຫຍ່ຫຼວງຕໍ່ວຽກເຮັດງານທຳຂອງແມ່ຍິງຫຼາຍກວ່າຜູ້ຊາຍ ໂດຍສະເພາະໃນປະເທດທີ່ມີລາຍຮັບສູງ, ບົດລາຍງານພົບວ່າ 9.6% ຂອງວຽກທີ່ແມ່ຍິງເຮັດມີທ່າອ່ຽງທີ່ຈະຫັນປ່ຽນໂດຍ AI, ເມື່ອທຽບກັບ 3.5% ຂອງວຽກທີ່ຜູ້ຊາຍເຮັດ, ເນື່ອງຈາກວ່າ AI ມີບົດບາດເພີ່ມຂຶ້ນໃນວຽກງານບໍລິຫານ ແລະ ເລຂານຸການ.

ຂ່າວຕ່າງປະເທດລາຍງານໃນວັນທີ 20 ພຶດສະພາ ຜ່ານມາວ່າ: ຜົນການສຶກສາຈາກສະຖາບັນ Walter ແລະ Eliza Hall (WEHI) ຊຶ່ງເປັນສະຖາບັນການແພດທີ່ເກົ່າແກ່ທີ່ສຸດຂອງອົສຕຣາລີ ເປີດເຜີຍວ່າ: ການກິນອາຫານທີ່ມີໄຂມັນສູງພຽງແຕ່ສອງສາມຄັ້ງສາມາດເຮັດໃຫ້ລະບົບພູມຕ້ານທານຕາມທໍາມະຊາດຂອງລໍາໄສ້ອ່ອນແອຢ່າງໄວວາ ຈົນກະຕຸ້ນໃຫ້ເກີດການອັກເສບທີ່ຍາວນານກ່ອນທີ່ອາການຈະປະກົດ.

ຂ່າວສານຊີອາໄອລາຍງານວ່າ: ໃນວັນທີ 19 ພຶດສະພາ ຜ່ານມາ, ກອງປະຊຸມອະນາໄມໂລກຄັ້ງທີ 78 ໄດ້ເປີດຂຶ້ນຢູ່ນະຄອນເຊີແນວ ປະເທດສະວິດ, ຫົວຂໍ້ຂອງກອງປະຊຸມຄັ້ງນີ້ແມ່ນ “ການສ້າງໂລກທີ່ມີສຸຂະພາບດີຮ່ວມກັນ”.

ຂ່າວຕ່າງປະເທດລາຍງານໃນວັນທີ 19 ພຶດສະພາ ຜ່ານມາ; ກະຊວງເສດຖະກິດ, ການຄ້າ ແລະ ອຸດສາຫະກຳຂອງຍີ່ປຸ່ນ ຄາດຄະເນວ່າ: ໃນປີ 2040, ຍີ່ປຸ່ນຈະປະສົບກັບການຂາດແຄນແຮງງານ ຈຳນວນ 3.26 ລ້ານຄົນ ໃນສາຂາປັນຍາປະດິດ (AI) ແລະ ຫຸ່ນຍົນ, ເນື່ອງຈາກຍີ່ປຸ່ນຈະຕ້ອງການແຮງງານທີ່ຊ່ຽວຊານດ້ານໄອທີ ແລະ ຫຸ່ນຍົນ ຈຳນວນ 4.98 ລ້ານຄົນ ໃນໄລຍະເວລາດັ່ງກ່າວ. ເຖິງຢ່າງໃດກໍຕາມ, ດ້ວຍອັດຕາການພັດທະນາຊັບພະຍາກອນມະນຸດໃນປັດຈຸບັນ, ຈະເຮັດໃຫ້ມີແຮງງານພຽງ 1,72 ລ້ານຄົນ ເທົ່ານັ້ນ.

ຂ່າວສານຊີອາໄອລາຍງານໃນວັນທີ 20 ພຶດສະພາ ຜ່ານມາວ່າ: ກອງປະຊຸມໃຫຍ່ປະເທດພາຄີຂອງ “ສົນທິສັນຍາວ່າດ້ວຍວິທີເກືອດຫ້າມ ແລະ ປ້ອງກັນບໍ່ໃຫ້ສົ່ງອອກ ແລະ ນຳເຂົ້າຊັບສິນດ້ານວັດທະນະທຳຢ່າງຜິດກົດໝາຍ ພ້ອມທັງໂອນສິດທິຄອບຄອງຢ່າງຜິດກົດໝາຍ” ທີ່ອົງການເພື່ອການສຶກສາ ວິທະຍາສາດ ແລະ ວັດທະນະທຳ ຂອງ ສະຫະປະຊາຊາດ ຫຼື UNESCO ໄດ້ຮັບຮອງໃນປີ 1970 ຄັ້ງທີ 8 ໄດ້ເປີດຂຶ້ນຢູ່ນະຄອນຫຼວງປາຣີຂອງຝຣັ່ງໃນວັນທີ 19 ພຶດສະພາ ຜ່ານມາ, ຈີນໄດ້ຮັບການເລືອກຕັ້ງເປັນປະເທດປະທານກອງປະຊຸມໃຫຍ່ປະເທດພາຄີຄັ້ງນີ້ ຊຶ່ງເປັນຄັ້ງທຳອິດທີ່ຈີນເປັນປະເທດປະທານກອງປະຊຸມໃຫຍ່ດັ່ງກ່າວ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 20 ພຶດສະພາ ຜ່ານມາ ຢູ່ສຳນັກງານສູນກາງພັກ ທີ່ ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ ພັກກອມມູນິດຫວຽດນາມ ໄດ້ໃຫ້ການຕ້ອນຮັບທ່ານ ລາຊາເຣ ອີລຸນດູ ແອັສໂຊໂມ ຫົວໜ້າສູນມໍລະດົກໂລກ ຂອງອົງການເພື່້ອການສຶກສາ, ວິທະຍາສາດ ແລະ ວັດທະນະທຳ ຂອງ ສະຫະປະຊາຊາດ ຫຼື UNESCO.

ວັນ​ທີ 18 ພຶດ​ສະ​ພາ ຜ່ານມານີ້ ເປັນ​ວັນ​ຫໍ​ພິ​ພິ​ທະ​ພັນ​ສາ​ກົນ​ ຄົບ​ຮອບ 49 ປີ. ຫໍ​ພິ​ພິ​ທະ​ພັນ​ເປັນ​ຫໍ​ວິ​ມານ​ທີ່​ສຳ​ຄັນ​ແຫ່ງ​ການ​ອະ​ນຸ​ລັກ​ ແລະ ​ສືບ​ທອດ​ອະ​ລິ​ຍະ​ທຳ​ມະ​ນຸດ, ເປັນ​​ຂົວ​ຕໍ່​ທີ່​ເຊື່ອມ​ຈອດ​ອະ​ດີດ, ປັດ​ຈຸ​ບັນ​ ແລະ​ ອະ​ນາ​ຄົດ. ທ່ານ ​ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ເຄີຍ​ເວົ້າ​ວ່າ: “ເມື່ອ​ຂ້າ​ພະ​ເຈົ້າ​ເດີນ​ທາງໄປ​​ເຄື່ອນ​ໄຫວ​ຢ້ຽມ​ຢາມ​ທ້ອງ​ຖິ່ນ, ຈະ​ຕ້ອງ​ຍາດ​ເວ​ລາ​ໄປ​ຢ້ຽມ​ຊົມ​ຫໍ​ພິ​ພິ​ທະ​ພັນ.”

ຂ່າວຕ່າງປະເທດລາຍງານ; ທ່ານ ແອມມານຸຍແອນ ມາຄຣົງ ປະທານາທິບໍດີຝຣັ່ງ ປະກາດໃນວັນທີ 19 ພຶດສະພາ ຜ່ານມາວ່າ: ໄດ້ມີການຢືນຢັນການລົງທຶນໃໝ່ປະມານ 20 ຕື້ເອີໂຣ (22.49 ຕື້ໂດລາ) ໃນລະຫວ່າງກອງປະຊຸມສຸດຍອດດ້ານການລົງທຶນ (Choose France International Business Summit) ຄັ້ງທີ 8 ທີ່ຈັດຂຶ້ນໃນພະລາຊະວັງ ແວຊາຍ ປະເທດຝຣັ່ງ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 17 ພຶດສະພາ ຜ່ານມາ, ທ່ານ ອັນວາ ອິບຣາຮິມ ນາຍົກລັດຖະມົນຕີ ມາເລເຊຍ ໄດ້ຕອບຄຳສຳພາດຂອງນັກຂ່າວ “TV BRICS” ວ່າ: ບັນດາປະເທດສະມາຊິກອາຊຽນ ພວມປະຕິບັດບາດກ້າວຟື້ນຕົວແນວຄວາມຄິດສ້າງຕັ້ງກອງທຶນເງິນຕາສະເພາະ, ໃນສະພາບການຄວນຍູ້ແຮງການຫັນປ່ຽນ, ພິເສດແມ່ນຂົງເຂດການເງິນ.

ຂ່າວຕ່າງປະເທດລາຍງານໃນວັນທີ 19 ພຶດສະພາ ຜ່ານມາ; ກະຊວງຍຸຕິທຳຍີ່ປຸ່ນເປີດເຜີຍວ່າ: ລັດຖະບານຈະເລີ່ມບັງຄັບໃຊ້ລະບົບກວດກາລ່ວງໜ້າສຳລັບນັກທ່ອງທ່ຽວຈາກປະເທດທີ່ບໍ່ຕ້ອງຂໍວີຊາເຂົ້າປະເທດ ໃນປີ 2028 ເພື່ອຊຸກຍູ້ອຸດສາຫະກຳການທ່ອງທ່ຽວທີ່ກຳລັງເຕີບໂຕ.