ກໍາມະການສູນກາງພັກ ເລຂາພັກແຂວງ ເຈົ້າແຂວງ ຫົວຫນ້າຄະນະຊີ້ນໍາຂັ້ນແຂວງ, ມີບັນດາຄະນະຊີ້ນໍາຂັ້ນແຂວງ, ເມືອງເຂົ້າຮ່ວມ.
ທ່ານ ອາລຸນໄຊ ສູນນະລາດ ມີຄໍາເຫັນວ່າ: ເນື້ອໃນກອງປະຊຸມຄັ້ງນີ້, ປະກອບດ້ວຍຫຼາຍຫົວຂໍ້ທີ່ສໍາຄັນ ແລະ ຈໍາເປັນໃຫ້ແກ່ການເຄື່ອນໄຫວປະຕິບັດໜ້າທີ່ຂອງຄະນະຊີ້ນໍາຂັ້ນແຂວງ ກໍຄືຄະນະຊີ້ນໍາຂັ້ນນະຄອນ ແລະ ເມືອງ ຕໍ່ກັບການສໍາຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດ. ຍ້ອນແນວນັ້ນ, ຂ້າພະເຈົ້າໃນນາມປະທານກອງປະຊຸມ ຂໍຮຽກຮ້ອງໃຫ້ຜູ້ເຂົ້າຮ່ວມກອງປະຊຸມ ຈົ່ງເຊີດຊູຄວາມຮັບຜິດຊອບ ແລະ ສຸມສະຕິປັນຍາເຂົ້າໃນການຄົ້ນຄວ້າປະກອບຄໍາເຫັນຢ່າງກົງໄປກົງມາ, ກ້າຍົກບັນຫາ ແລະ ແລກປ່ຽນຄຳຄິດເຫັນ ເພື່ອເຮັດໃຫ້ການກະກຽມການສໍາຫຼວດຄັ້ງນີ້ ມີຄວາມຮັບປະກັນໃນການຈັດຕັ້ງປະຕິບັດ ໃຫ້ມີຄຸນນະພາບຂອງຂໍ້ມູນທີ່ເກັບກໍາ. ກອງປະຊຸມຄັ້ງນີ້, ເປັນກອງປະຊຸມຄົບຄະນະຂອງຄະນະຊີ້ນໍາຂັ້ນແຂວງ ຄັ້ງທີ I ຮ່ວມກັບ ຄະນະຊີ້ນໍາຂັ້ນເມືອງ ເພື່ອກະກຽມຄວາມພ້ອມຮອບດ້ານໃຫ້ແກ່ການສໍາຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດ ຄັ້ງທີ V ໃນປີ 2025 ຂອງແຂວງຈໍາປາສັກ ໃຫ້ສາມາດດໍາເນີນໄປຕາມແຜນການ ແລະ ໄດ້ຮັບໝາກຜົນສູງສຸດ. ຈາກນັ້ນ, ກໍໄດ້ຜ່ານບັນດາຂໍ້ຕົກລົງຕ່າງໆຂອງເຈົ້່ແຂວງຈໍາປາສັກ.
ຈາກນັ້ນ, ຜູ້ເຂົ້າຮ່ວມກອງປະຊຸມ ກໍໄດ້ປະກອບຄໍາເຫັນໃສ່ບັນດາເອກະສານທີ່ຜ່ານໃນມື້ນີ້ ເພື່ອໃຫ້ມີເນື້ອໃນຄົບຖ້ວນ, ຮັດກຸມ ລວມທັງກົນໄກປະສານງານ ລະຫວ່າງ ຄະນະຊີ້ນໍາແຕ່ລະຂັ້ນ, ການປະກອບບຸກຄະລາກອນ, ການນໍາໃຊ້ເຄື່ອງມືເອເລັກໂທນິກທັນສະໄໝ ເພື່ອເກັບກໍາຂໍ້ມູນໂດຍຜ່ານເຄື່ອງມື ເທບເລັດ ແລະ ນໍາໃຊ້ບຸກຄະລາກອນ. ນອກນີ້, ຜູ້ເຂົ້າຮ່ວມກອງປະຊຸມ ຍັງໄດ້ປະກອບຄໍາເຫັນວຽກງານດ້ານງົບປະມານ, ວຽກງານໂຄສະນາເຜີຍແຜ່, ວຽກງານປ້ອງກັນຄວາມສະຫງົບ ແລະ ບັນດາວຽກງານປິ່ນອ້ອມ.
(ຂ່າວ-ພາບ: ທູນທອງໃຈ)
ຄໍາເຫັນ