ຫົວໜ້າພະແນກອຸດສາຫະກຳ ແລະ ການຄ້າແຂວງ. ມີການນໍາພະແນກການ ແລະ ຂະແໜງກ່ຽວຂ້ອງທົ່ວແຂວງເຂົ້າຮ່ວມ.
ໃນກອງປະຊຸມ, ທ່ານ ທອງສຸກ ກອງແກ້ວ ຫົວໜ້າຂະແໜງການຄ້າພາຍໃນ ພະແນກອຸດສາຫະກໍາ ແລະ ການຄ້າແຂວງ ໄດ້ຜ່ານບົດລາຍງານໃນການຈັດຕັ້ງປະຕິບັດການເກັບຊື້ເສດໂລຫະ ຫຼື ອະໂລຫະ, ຜ່ານແຈ້ງການຂອງກະຊວງອຸດສາຫະກຳ ແລະ ການຄ້າ ເລກທີ 1638/ອຄ, ລົງວັນທີ 28 ກັນຍາ 2023 ແລະ ຜ່ານມະຕິຕົກລົງ ເລກທີ 01/ຄບພຂ.ຈສ, ລົງວັນທີ 8 ມັງກອນ 2025, ຂອງກອງປະຊຸມຄົບຄະນະ ຄັ້ງທີ 15 ຂອງຄະນະບໍລິຫານງານພັກ ແຂວງຈໍາປາສັກ ສະໄໝທີ VIII. ຈາກນັ້ນ, ຜູ້ເຂົ້າຮ່ວມກອງປະຊຸມ ກໍໄດ້ເປີດກ້ວາງໃຫ້ແຕ່ລະພາກສ່ວນທີ່ກ່ຽວຂ້ອງອ້ອມຂ້າງແຂວງ ປະກອບຄຳເຫັນ ຢ່າງກົງໄປກົງມາ ບົນພື້ນຖານກົດໝາຍ, ລະບຽບການ, ສິດ ແລະ ໜ້າທີ່, ພາລະບົດບາດຂອງຂະ ແໜງການ.
ຜ່ານຈາກການຄົ້ນຄວ້າປຶກສາຫາລື, ກອງປະຊຸມໄດ້ຕົກລົງເປັນເອກະພາບກັນເຫັນດີໃນການຈັດຕັ້ງປະຕິບັດ ແລະ ເຫັນດີໃຫ້ຂະແໜງທະບຽນວິສາຫະກິດ ຂຶ້ນແຜນໃນການເຄື່ອນໄຫວຈັດຕັ້ງປະຕິບັດ. ໃນນັ້ນ, ໃຫ້ມີແຜນຄົນ, ແຜນງານ, ແຜນງົບປະມານ; ເຫັນດີ ໃຫ້ຄະນະກໍາມະການລົງກວດກາຄືນ ໂດຍສົມທົບກັບພາກສ່ວນທີ່ກ້ຽວຂ້ອງ ຖ້າຫາກວ່າພົບເຫັນສິນຄ້າທີລັກລອບມາຂາຍ ແມ່ນໃຫ້ປະຕິບັດຕາມລະບຽບການທາງດ້ານກົດໝາຍ; ເຫັນດີບໍ່ໃຫ້ມີຈຸດເກັບຊື້ເຫຼັກເສດພາຍໃນເທດສະບານ ແລະ ຕາມເສັ້ນທາງຫຼວງທີ່ບໍ່ເໝາະສົມ. ພ້ອມດ່ຽວກັນນັ້ນໄດ້ແນະນຳໃຫ້ພາກສ່ວນທຸລະກິດຍົກຍ້າຍເຂົ້າໄປຢູ່ຂົງເຂດອຸດສາຫະກຳເມືອງຂອງຕົ້ນ.
(ຂ່າວ: ທູນທອງໃຈ, ພາບ: ຂະແໜງການຄ້າພາຍໃນ)
ຄໍາເຫັນ