ໃຫ້ການຕ້ອນຮັບ ແລະ ນໍາພາລົງເບິ່ງຕົວຈິງໂດຍທ່ານ ບຸນຫຼາຍ ວົງດາລາ ວ່າການເຈົ້າເມືອງ ປາກລາຍ ແລະ ພາກສ່ວນທີ່ກ່ຽວຂ້ອງຂອງເມືອງ, ທ່ານ ສົມແພງ ປັນຍາທິລາດ ຕາງໜ້າໃຫ້ບໍລິສັດທີ່ຮັບເໝົາກໍ່ສ້າງເສັ້ນທາງດັ່ງກ່າວ ໃຫ້ຮູ້ວ່າ: ໂຄງການດັ່ງກ່າວເປັນໂຄງການບູລິມະສິດຂອງແຂວງ ຊຶ່ງເຫັນວ່າມີຄວາມຈໍາເປັນທາງດ້ານຄົມມະນາຄົມຂົນສົ່ງສິນຄ້າ ແລະ ຍັງໄດ້ເຮັດໃຫ້ການສັນຈອນລົດບັນທຸກໜັກໃຫ້ຫຼີກລ່ຽງເຂົ້າໃນຕົວເມືອງໂດຍກົງ ພ້ອມທັງເປັນການຂະຫຍາຍຕົວເມືອງໃຫ້ພໍ່ແມ່ປະຊາຊົນໄດ້ປຸກສ້າງທີ່ຢູ່ອາໄສ ແລະ ທໍາມາຫາກິນຢູ່ເຂດນັ້ນ, ຈຸດເລີ່ມຕົ້ນຂອງເສັ້ນທາງແມ່ນແຕ່ 3 ແຍກທາງຫຼວງແຫ່ງຊາດເລກ 4 ບ້ານ ນາສະຫວ່າງ ຫາ 3 ແຍກປໍ້ານໍ້າມັນ ສີຈະເລີນ ບ້ານ ໄຊຍະມຸງຄຸນ, ມີຄວາມຍາວທັງໝົດ 3,59 ກິໂລແມັດ, ໜ້າທາງກວ້າງ 10 ແມັດ. ທາງດັ່ງກ່າວແມ່ນຈະໄດ້ປູຢາງໃນຕໍ່ໜ້າ. ປັດຈຸບັນແມ່ນບຸກເບີກຂະຫຍາຍທາງ, ຖົມດິນອັດແໜ້ນ ແລະ ປູຫີນ, ຊຶ່ງເລີ່ມລົງມືກໍ່ສ້າງແຕ່ເດືອນ ກັນຍາ 2024 ແລະ ຈະໃຫ້ສໍາເລັດໃນຕົ້ນປີ 2026, ມາຮອດປັດຈຸບັນການກໍ່ສ້າງແມ່ນສໍາເລັດ 34%, ມູນຄ່າການກໍ່ສ້າງເກືອບ 20 ຕື້ກີບ, ໂດຍແມ່ນບໍລິສັດ ເອເອກໍ່ສ້າງຂົວທາງ, ເຄຫາ ແລະ ຊົນລະປະທານ ຈໍາກັດຜູ້ດຽວ ຮ່ວມກັບ ບໍລິສັດ ປັນຍາທິລາດກໍ່ສ້າງຂົວທາງ, ເຄຫາ ແລະ ຊົນລະປະທານ ຈໍາກັດຜູ້ດຽວ ເປັນຜູ້ຮັບເໝົາກໍ່ສ້າງ. ໂອກາດດັ່ງກ່າວ ທ່ານ ເຈົ້າແຂວງ ໄຊຍະບູລີ ຍັງໄດ້ມອບເງິນຊ່ວຍເຫຼືອບັນເທົາທຸກໃຫ້ປະຊາຊົນຄອບຄົວທີ່ຖືກເຄາະຮ້າຍຈາກໄຟໄໝ້ເຮືອນ ບ້ານ ນໍ້າຊົ້ງ ເມືອງ ປາກລາຍ.
(ຂ່າວ-ພາບ: ອຸ່ນເຮືອນ ໂພທິລັກ)
ຄໍາເຫັນ