1). ຕີລາຄາໝາກຜົນໆງານ ຫຼື ບັນດາຜົນສຳເລັດຂອງຫວຽດນາມພາຍຫຼັງເປັນເອກກະລາດຕະຫຼອດໄລຍະ 80 ປີ ແລະ ບັນດາການຈັດຕັ້ງປະຕິບັດມະຕິ 40 ປີ ຂອງການປ່ຽນແປງໄໝ່, ພາລະບົດບາດ ແລະ ວິໄສທັດຂອງຜູ້ນຳ ສສ ຫວຽດນາມ ນັບແຕ່ອາດີດຮອດປະຈຸບັນ. 2). ຕີລາຄາຄືນການຈັດຕັ້ງປະຕິບັດການຮ່ວມມືລະຫ່ວາງສອງຊາດ ຫວຽດນາມ-ລາວ, ລາວ-ຫວຽດນາມ ແລະ ທິດທາງແຜນການໃນຕໍ່ໜ້າໃນການຮ່ວມມືສອງຝ່າຍ. 3). ຕີລາຄາດ້ານພາລະບົດ-ວິໄສທັດ ແລະ ການປະກອບສ່ວນຂອງຜູ້ນຳ ສສ ຫວຽດນາມ ນັບແຕ່ອາດີດຈົ່ນເຖິງປັດຈຸບັນ ໂດຍສະເພາະພາລະບົດບາດ ແລະ ວິໄສທັດຂອງຜູ້ນຳ ສສ ຫວຽດນາມ. ທ່ານກ່າວຕື່ມວ່າ: ຕາມທີ່ສຶກສາຄົ້ນຄວ້າແມ່ນເຫັນວ່າຜູ້ນຳຫວຽດນາມ ກໍຄືກັນກັບຜູ້ນຳລາວ ລ້ວນແລ້ວແຕ່ເປັນຜູ້ນຳທີ່ໄດ້ຜ່ານການຝຶກຝົນຫຼໍ່ຫຼອມໃນຂະບວນການຕົວຈິງ, ເປັນຜູ້ນຳທີ່ໄກ້ຊິດຕິດແທດກັບຂະບວນການມະຫາຊົນ, ຂະບວນການປະຕິວັດແຕ່ຫົວທີ. ສະນັ້ນ, ເຖິງວ່າຈະເປັນໄລຍະທີ່ສ້າງສາພັດທະນາແລ້ວກໍຕາມ ເພິ່ນກໍຍັງສຶບຕໍ່ເປັນລຸ້ນໆມາ, ເປັນຜູ້ນຳທີ່ມີຄວາມປີຊາສາມາດ, ເປັນຜູ້ນຳທີ່ມີຄວາມສະດຸ້ງໄວ, ມີຄວາມສະຫຼາດສ່ອງໄສ ກໍຍ້ອນວ່າເພິ່ນເປັນຜູ້ນຳທີ່ໄດ້ມີການເອົາໃຈໄສ່ຄົ້ນຄວ້າຮ່ຳຮຽນ ກໍຄືຜູ້ນຳເຄີຍເວົ້າວ່າຮຽນແລ້ວຮຽນອີກຮຽນເລືອຍໆໄປ. ສິ່ງທີ່ປະທັບໃຈສຳລັບຄົນລຸ້ນສຶບທອດ ຈາກຜູ້ນຳ ບໍ່ວ່າຈະເປັນຜູ້ນຳຫວຽດນາມກໍຄື ຜູ້ນຳລາວ ບໍ່ວ່າເວລາໃດ, ຍຸກໃດ, ສະໄໝໃດ ໂດຍສະເພາະໄລຍະມີພັກນຳພາຄື: ພັກຄອມມຸຍນິດອິນໂນຈີນໃນເມື່ອກ່ອນ, ພັກຄອມມຸຍນິດຫວຽດນາມ, ພັກປະຊາຊົນປະຕິບັດລາວ, ຊຶ່ງຜູ້ນຳລ້ວນແລ້ວແຕ່ຮຽນຮູ້ນຳມະຫາຊົນ ຈົ່ນເປັນຄຳເວົ້າຂອງຜູ້ນຳວ່າ: "ໂຮງຮຽນທີ່ອຸດົມສົມບູນທີ່ສຸດໃນການຮ່ຳຮຽນແມ່ນໂຮງຮຽນມະຫາຊົນ" ເພາະມັນເປັນມະຫາວິທະຍາໄລທີ່ແທ້ຈິງ. ສະນັ້ນ, ຖ້າມີການຮຽນຮູ້ຢູ່ສະເໜີກໍບໍ່ມີການຕົກຍຸກຕົກສະໄໝ.
ທ່ານ ເຈົ້າແຂວງໆຈຳປາສັກ ຍັງກ່າວຕື່ມອີກວ່າ: ຜູ້ນຳ ສສ ຫວຽດນາມແຕ່ລະລຸ້ນ ກໍຄືກັນກັບຜູ້ນຳ ສປປ ລາວ ແມ່ນມີເສຍສະຫຼະສູງ ເພາະຖ້າບໍ່ມີການເສຍສະຫຼະກໍບໍ່ມີວິລະຊົນ, ຖ້າບໍ່ມີສະໜາມຮົບກໍບໍ່ມີວິລະຊົນ. ສະນັ້ນ, ຜູ້ນຳບາງທ່ານກໍຍອມເສຍສະຫຼະຊີວິດຕົນເອງເພື່ອປະຕິພູມຂອງຕົນເອງ, ເພື່ອອະນາຄົດທີ່ສົດໄສຂອງປະຊາຊົນຢູ່ສະໜາມຮົບ ແຕ່ລຸ້ນລູກ ລຸ້ນຫຼານເພິ່ນຍັງສຶບຕໍ່. ສະນັ້ນ, ຜູ້ນຳລຸ້ນປັດຈຸບັນ ກໍຍັງເສີມຂະຫຍາຍທາດແທ້ວິລະຊົນດັ່ງກ່າວ ສົມກັບເປັນຜູ້ນຳຂອງຍຸກສະໄໝ, ຜູ້ນຳຂອງປະຊາຊົນ, ສົມກັບການນຳຂອງພວກເຮົາແມ່ນມາຈາກປະຊາຊົນ, ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນທັງຊາດ.
(ຂ່າວ-ພາບ : ນ. ປະພິດ ສີສົມບູນ)
ຄໍາເຫັນ