ເຈົ້າແຂວງຈໍາປາສັກ ຊຸກຍູ້ການຈັດຕັ້ງປະຕິບັດໂຄງການຊົນລະປະທານອ່າງເກັບນໍ້າຕາດແຊຄໍາຫວາຍ

 ແຂວງຈໍາປາສັກ ໂດຍມີ ທ່ານ ບົວລີ ເພັດສົງຄາມ ເຈົ້ານະຄອນປາກເຊ ພ້ອມຄະນະແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດນີ້, ທ່ານສົມຫວັງ ຈັນທະຈັກວົງສາ ຜູ້ປະສານໂຄງການຂັ້ນແຂວງ ຕາງໜ້າເຈົ້າຂອງໂຄງການ ໄດ້ລາຍງານວ່າ: ໂຄງການຊົນລະປະທານດັ່ງກ່າວ, ມີຫົວງານຕັ້ງຢູ່ລະຫວ່າງກາງ ຂອງສາຍພູບາຈຽງ ແລະ ສາຍພູບ້ານຊົ້ງໃຫຍ່, ຫ່າງຈາກບ້ານຊົ້ງໃຫຍ່ໄປທາງທິດຕາເວັນອອກສຽງເໜືອປະມານ 4 ກິໂລແມັດ, ມູນຄ່າທັງໝົດຂອງແຜນເບື້ອງຕົ້ນ 168 ຕື້ 55 ລ້ານກີບ ໂດຍແມ່ນບໍລິສັດເປັນຜູ້ລົງທຶນກ່ອນ, ມີຄອງເໝືອງແມ່ 3 ເສັ້ນ, ມີຄວາມຍາວ 8.,731 ແມັດ, ຄອງເໝືອງຂັ້ນສອງ ມີ 14 ເສັ້ນ, ມີຄວາມຍາວ 9.,912 ແມັດ, ຄອງຊອຍ 7 ເສັ້ນ, ມີຄວາມຍາວ 5,118 ແມັດ, ບໍລິມາດນໍ້າເກັບກັກໄດ້ 16.,712,586 m³, ເນື້ອທີ່ອ່າງໂຕ່ງ 38.71 Km2, ລວງຍາວສາຍຫ້ວຍ 19.15 km. ໂຄງການດັ່ງກ່າວ ໄດ້ແບ່ງການຈັດຕັ້ງປະຕິບັດອອກເປັນ II ໄລຍະ ຄື: ໄລຍະ I ມີ 2 ສັນຍາ ມູນຄ່າ 72 ຕື້ 153 ລ້ານກວ່າກີບ.

ຈຸດປະສົງຂອງໂຄງການ ກໍເພື່ອສ້າງເຂດພັດທະນາດ້ານກະສິກຳແບບຍືນຍົງ ເພື່ອຄໍ້າປະກັນສະບຽງອາຫານ, ແກ້ໄຂຄວາມທຸກຍາກ, ຈັດສັນອາຊີບຄົງທີ່ ເພື່ອເຮັດໃຫ້ຊີວິດການເປັນຢູ່ຂອງປະຊາຊົນດີຂຶ້ນເທື່ອລະກ້າວ. ນອກນີ້ ກໍເພື່ອສະໜອງນໍ້າໃຫ້ແກ່ການຜະລິດກະສິກໍາ ແບບໄຫຼເອງ ຈໍານວນ 1.,200 ເຮັກຕາໄດ້ທັງສອງລະດູ.

ຜູ້ປະສານງານໂຄງການຂັ້ນແຂວງ ລາຍງານຕື່ມວ່າ: ເພື່ອສືບຕໍ່ຈັດຕັ້ງປະຕິບັດໂຄງການໄລຍະທີ II ມູນຄ່າ 95 ຕື້ 901 ລ້ານກວ່າກີບ, ມາຮອດວັນທີ 15 ສິງຫາ 2024 ບໍລິສັດຜູ້ຮັບເໝົາໂຄງການ ຈິ່ງໄດ້ຂໍເຊັນສັນຍາສືບຕໍ່ຈັດຕັ້ງປະຕິບັດໂຄງການໃຫ້ສໍາເລັດຕາມຄາດໝາຍທີ່ວາງໄວ້.

ທ່ານເຈົ້າແຂວງຈໍາປາສັກ ພ້ອມຄະນະ ໄດ້ເຄື່ອນໄຫວເບິ່ງຈຸດທີ່ຕັ້ງຂອງໂຄງການ ແລະ ທ່ານ ໄດ້ເນັ້ນໜັກໃຫ້ເຈົ້າຂອງໂຄງການ ແລະ ຜູ້ປະສານງານໂຄງການຂັ້ນແຂວງ ເອົາໃຈໃສ່ປະສານສົມທົບ, ປຶກສາຫາລື ກັບ ບໍລິສັດ ຜູ້ຮັບເໝົາກໍ່ສ້າງ ເພື່ອສືບຕໍ່ຈັດຕັ້ງປະຕິບັດໂຄງການ ໃຫ້ມີຜົນສໍາເລັດຕາມຄາດໝາຍທີ່ວາງໄວ້.

ໂຄງການຊົນລະປະທານ ອ່າງເກັບນໍ້າ ຕາດແຊຄໍາຫວາຍຖ້າສ້າງສໍາເລັດ ຈະສາມາດຫົດເນື້ອທີ່ໄດ້ 1,200 ເຮັກຕາ ຊຶ່ງລຽບຕາມຝັ່ງຊ້າຍສາຍນໍ້າເຊໂດນກວມເອົາ 4 ບ້ານ ຄື: ບ້ານຊຶ້ງໃຫຍ່, ບ້ານນາຈຽງ, ບ້ານແຮ່ ແລະ ບ້ານໂພຕາກ, ມີ 679 ຄອບຄົວ, ມີ 3,775 ຄົນ.

(ຂ່າວ-ພາບ: ທູນທອງໃຈ)