ນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ຈັດກອງປະຊຸມປະເມີນ ແລະ ສ້າງແຜນກໍານົດພະນັກງານນໍາພາ-ຄຸ້ມຄອງຂອງນະຄອນ ຂຶ້ນເມື່ອວັນທີ 29 ມັງກອນ ຜ່ານມາ ໂດຍການໃຫ້ກຽດເຂົ້າຮ່ວມຂອງ ສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ, ສະຫາຍ ປະສົງສິນ ຈະເລີນສຸກ ກໍາມະການປະຈຳພັກແຂວງ ເລຂາພັກນະຄອນ ເຈົ້ານະຄອນໄກສອນ ພົມວິຫານ, ມີພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ປະສົງສິນ ຈະເລີນສຸກ ໄດ້ສະຫຼຸບລາຍງານກ່ຽວກັບການຈັດຕັ້ງປະຕິບັດແຜນກໍານົດພະນັກງານນໍາພາ-ຄຸ້ມຄອງ (ແຜນ 3.3) ນັບແຕ່ປີ 2020-2023 ຊຶ່ງໃຫ້ຮູ້ວ່າ: ຜ່ານການຈັດຕັ້ງປະຕິບັດການສ້າງແຜນກຳນົດຂັ້ນແຂວງຄຸ້ມຄອງຂອງນະຄອນ ສາມາດສັງລວມ ແລະ ຄັດຈ້ອນຂອງຄະນະກໍາມະການສັງລວມຄະແນນ ຕາມຫາງສຽງທາບທາມ ແລະ ຜ່ານການຄົ້ນຄວ້າເຫັນດີເປັນເອກະພາບໃນກອງປະຊຸມຄະນະປະຈໍາພັກນະຄອນ ແລະ ຄະນະກໍາມະການສ້າງແຜນກໍານົດຂັ້ນແຂວງ ໄດ້ສະເໜີຮັບຮອງເອົາແຜນກໍານົດພະນັກງານນໍາພາ-ຄຸ້ມຄອງ (ແຜນ 3.3) ຊຶ່ງມີບຸກຄະລາກອນທີ່ບັນຈຸຢູ່ໃນແຜນທັງໝົດຄື: ແຜນຄາດຄະເນຕໍາແໜ່ງເລຂາພັກນະຄອນມີ 3 ສະຫາຍ, ຕໍາແໜ່ງຮອງເລຂາພັກນະຄອນ 3 ສະຫາຍ ຍິງ 2 ສະຫາຍ, ຕໍາແໜ່ງກໍາມະການປະຈໍາພັກນະຄອນມີ 7 ສະຫາຍ ຍິງ 2 ສະຫາຍ ແລະ ກໍາມະການພັກນະຄອນມີ 12 ສະຫາຍ ຍິງ 3 ສະຫາຍ.
ພາຍຫຼັງທີ່ແຜນກໍານົດພະນັກງານນໍາພາ-ຄຸ້ມຄອງແຕ່ລະປະເພດຖືກຮັບຮອງແລ້ວ, ກໍມີຂັ້ນຕອນໃນການຈັດວາງເອົາເຂົ້າໃນແຜນຈະແຈ້ງວ່າ ຈະສັບຊ້ອນເຂົ້າໃນຕໍາແໜ່ງຫຍັງ, ຢູ່ໃສ, ຮັບຜິດຊອບໜ້າທີ່ຫຍັງ ພ້ອມທັງສ້າງເປັນແຜນລະອຽດໃນການບໍາລຸງ-ກໍ່ສ້າງພະນັກງານ ເຊັ່ນ: ຈະໃຫ້ໄປຍົກລະດັບດ້ານໃດ, ຢູ່ໃສ, ເວລາໃດ, ຈະເອົາໄປສ້າງໃນຂະບວນການຕົວຈິງຢູ່ຮາກຖານແນວໃດ ແລະ ຈັດວາງນໍາໃຊ້ພະນັກງານໃຫ້ສອດຄ່ອງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່ໃຫ້ສົມຄູ່ກັບຄວາມຮູ້-ຄວາມສາມາດຂອງພະນັກງານ ແລະ ອັນສໍາຄັນ ຕ້ອງໃຫ້ມີການຕິດຕາມ, ຄຸ້ມຄອງຢ່າງໃກ້ຊິດ, ໃຫ້ການແນະນໍາຊ່ວຍເຫຼືອຕໍ່ການເຄື່ອນໄຫວປະຕິບັດໜ້າທີ່ວຽກງານ, ການຝຶກຝົນຫຼໍ່ຫຼອມຕົນເອງຂອງພະນັກງານທີ່ຢູ່ໃນແຜນໃຫ້ພົ້ນເດັ່ນໃນຂະບວນການຕ່າງໆຂອງມະຫາຊົນຢ່າງແທ້ຈິງ.
ໂອກາດນີ້, ສະຫາຍ ບຸນໂຈມ ອຸບົນປະເສີດ ໄດ້ມີຄໍາເຫັນວ່າ: ການກໍານົດພະນັກງານນໍາພາ-ຄຸ້ມຄອງ ຕ້ອງແນໃສ່ຮັບປະກັນການສືບທອດຕໍ່ເນື່ອງ, ຮັບປະກັນຄຸນທາດການເມືອງຢ່າງໜັກແໜ້ນ, ປະກອບກັບມີຄວາມຮູ້-ຄວາມສາມາດ ຖືເອົາຜົນປະໂຫຍດສ່ວນລວມເປັນທີ່ຕັ້ງ ແລະ ຕັດສິນ ພ້ອມນີ້, ສະຫາຍຍັງໄດ້ຮຽກຮ້ອງມາຍັງບັນດາສະຫາຍຜູ້ແທນກອງປະຊຸມທັງໝົດ ຈົ່ງສຸມໃສ່ຕິດຕາມ ແລະ ຄົ້ນຄວ້າໃຫ້ເລິກເຊິ່ງຕໍ່ເນື້ອໃນ, ຄວາມໜາຍຄວາມສຳຄັນຂອງການສ້າງແຜນກຳນົດພະນັກງານນຳພາ-ຄຸ້ມຄອງ, ມາດຕະຖານຂອງພະນັກງານເພື່ອມາເຍືອງໃສ່ພະນັກງານ ພ້ອມກັນນັ້ນ, ກໍຈົ່ງໄດ້ຄົ້ນຄິດພິຈາລະນາຢ່າງຮອບດ້ານ, ນຳໃຊ້ສິດປະຊາທິປະໄຕດ້ວຍຄວາມຮັບຜິດຊອບສູງ ເພື່ອຊອກໃຫ້ເຫັນບຸກຄົນຜູ້ທີ່ເດັ່ນ ຈາກຂະບວນການຕົວຈິງ, ມີຄຸນສົມບັດ ສິນທຳປະຕິວັດ, ມີຄວາມຕື່ນຕົວ, ມີຄວາມຫ້າວຫັນ, ມີຄວາມຮູ້ຄວາມສາມາດ, ຮູ້ນຳພາ ແລະ ຈັດຕັ້ງຜັນຂະຫຍາຍມະຕິຂອງພັກ.
ຈາກນັ້ນ, ໃນພິທີຍັງໄດ້ຜ່ານເອກະສານ ວ່າດ້ວຍການສ້າງແຜນກໍານົດພະນັກງານນໍາພາ-ຄຸ້ມຄອງ ແລະ ມາດຖານຂອງພະນັກງານນໍາພາ-ຄຸ້ມຄອງ ພ້ອມທັງແນະນໍາການທາບທາມ ແລະ ດໍາເນີນການທາບທາມໃນຮອບທີ 1 ຮອບທີ 2 ແລະ ຮອບທີ 3 ຕາມລຳດັບ.
ຂ່າວ: ແຂວງສະຫວັນນະເຂດ
ສະຫາຍ ປະສົງສິນ ຈະເລີນສຸກ ໄດ້ສະຫຼຸບລາຍງານກ່ຽວກັບການຈັດຕັ້ງປະຕິບັດແຜນກໍານົດພະນັກງານນໍາພາ-ຄຸ້ມຄອງ (ແຜນ 3.3) ນັບແຕ່ປີ 2020-2023 ຊຶ່ງໃຫ້ຮູ້ວ່າ: ຜ່ານການຈັດຕັ້ງປະຕິບັດການສ້າງແຜນກຳນົດຂັ້ນແຂວງຄຸ້ມຄອງຂອງນະຄອນ ສາມາດສັງລວມ ແລະ ຄັດຈ້ອນຂອງຄະນະກໍາມະການສັງລວມຄະແນນ ຕາມຫາງສຽງທາບທາມ ແລະ ຜ່ານການຄົ້ນຄວ້າເຫັນດີເປັນເອກະພາບໃນກອງປະຊຸມຄະນະປະຈໍາພັກນະຄອນ ແລະ ຄະນະກໍາມະການສ້າງແຜນກໍານົດຂັ້ນແຂວງ ໄດ້ສະເໜີຮັບຮອງເອົາແຜນກໍານົດພະນັກງານນໍາພາ-ຄຸ້ມຄອງ (ແຜນ 3.3) ຊຶ່ງມີບຸກຄະລາກອນທີ່ບັນຈຸຢູ່ໃນແຜນທັງໝົດຄື: ແຜນຄາດຄະເນຕໍາແໜ່ງເລຂາພັກນະຄອນມີ 3 ສະຫາຍ, ຕໍາແໜ່ງຮອງເລຂາພັກນະຄອນ 3 ສະຫາຍ ຍິງ 2 ສະຫາຍ, ຕໍາແໜ່ງກໍາມະການປະຈໍາພັກນະຄອນມີ 7 ສະຫາຍ ຍິງ 2 ສະຫາຍ ແລະ ກໍາມະການພັກນະຄອນມີ 12 ສະຫາຍ ຍິງ 3 ສະຫາຍ.
ພາຍຫຼັງທີ່ແຜນກໍານົດພະນັກງານນໍາພາ-ຄຸ້ມຄອງແຕ່ລະປະເພດຖືກຮັບຮອງແລ້ວ, ກໍມີຂັ້ນຕອນໃນການຈັດວາງເອົາເຂົ້າໃນແຜນຈະແຈ້ງວ່າ ຈະສັບຊ້ອນເຂົ້າໃນຕໍາແໜ່ງຫຍັງ, ຢູ່ໃສ, ຮັບຜິດຊອບໜ້າທີ່ຫຍັງ ພ້ອມທັງສ້າງເປັນແຜນລະອຽດໃນການບໍາລຸງ-ກໍ່ສ້າງພະນັກງານ ເຊັ່ນ: ຈະໃຫ້ໄປຍົກລະດັບດ້ານໃດ, ຢູ່ໃສ, ເວລາໃດ, ຈະເອົາໄປສ້າງໃນຂະບວນການຕົວຈິງຢູ່ຮາກຖານແນວໃດ ແລະ ຈັດວາງນໍາໃຊ້ພະນັກງານໃຫ້ສອດຄ່ອງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່ໃຫ້ສົມຄູ່ກັບຄວາມຮູ້-ຄວາມສາມາດຂອງພະນັກງານ ແລະ ອັນສໍາຄັນ ຕ້ອງໃຫ້ມີການຕິດຕາມ, ຄຸ້ມຄອງຢ່າງໃກ້ຊິດ, ໃຫ້ການແນະນໍາຊ່ວຍເຫຼືອຕໍ່ການເຄື່ອນໄຫວປະຕິບັດໜ້າທີ່ວຽກງານ, ການຝຶກຝົນຫຼໍ່ຫຼອມຕົນເອງຂອງພະນັກງານທີ່ຢູ່ໃນແຜນໃຫ້ພົ້ນເດັ່ນໃນຂະບວນການຕ່າງໆຂອງມະຫາຊົນຢ່າງແທ້ຈິງ.
ໂອກາດນີ້, ສະຫາຍ ບຸນໂຈມ ອຸບົນປະເສີດ ໄດ້ມີຄໍາເຫັນວ່າ: ການກໍານົດພະນັກງານນໍາພາ-ຄຸ້ມຄອງ ຕ້ອງແນໃສ່ຮັບປະກັນການສືບທອດຕໍ່ເນື່ອງ, ຮັບປະກັນຄຸນທາດການເມືອງຢ່າງໜັກແໜ້ນ, ປະກອບກັບມີຄວາມຮູ້-ຄວາມສາມາດ ຖືເອົາຜົນປະໂຫຍດສ່ວນລວມເປັນທີ່ຕັ້ງ ແລະ ຕັດສິນ ພ້ອມນີ້, ສະຫາຍຍັງໄດ້ຮຽກຮ້ອງມາຍັງບັນດາສະຫາຍຜູ້ແທນກອງປະຊຸມທັງໝົດ ຈົ່ງສຸມໃສ່ຕິດຕາມ ແລະ ຄົ້ນຄວ້າໃຫ້ເລິກເຊິ່ງຕໍ່ເນື້ອໃນ, ຄວາມໜາຍຄວາມສຳຄັນຂອງການສ້າງແຜນກຳນົດພະນັກງານນຳພາ-ຄຸ້ມຄອງ, ມາດຕະຖານຂອງພະນັກງານເພື່ອມາເຍືອງໃສ່ພະນັກງານ ພ້ອມກັນນັ້ນ, ກໍຈົ່ງໄດ້ຄົ້ນຄິດພິຈາລະນາຢ່າງຮອບດ້ານ, ນຳໃຊ້ສິດປະຊາທິປະໄຕດ້ວຍຄວາມຮັບຜິດຊອບສູງ ເພື່ອຊອກໃຫ້ເຫັນບຸກຄົນຜູ້ທີ່ເດັ່ນ ຈາກຂະບວນການຕົວຈິງ, ມີຄຸນສົມບັດ ສິນທຳປະຕິວັດ, ມີຄວາມຕື່ນຕົວ, ມີຄວາມຫ້າວຫັນ, ມີຄວາມຮູ້ຄວາມສາມາດ, ຮູ້ນຳພາ ແລະ ຈັດຕັ້ງຜັນຂະຫຍາຍມະຕິຂອງພັກ.
ຈາກນັ້ນ, ໃນພິທີຍັງໄດ້ຜ່ານເອກະສານ ວ່າດ້ວຍການສ້າງແຜນກໍານົດພະນັກງານນໍາພາ-ຄຸ້ມຄອງ ແລະ ມາດຖານຂອງພະນັກງານນໍາພາ-ຄຸ້ມຄອງ ພ້ອມທັງແນະນໍາການທາບທາມ ແລະ ດໍາເນີນການທາບທາມໃນຮອບທີ 1 ຮອບທີ 2 ແລະ ຮອບທີ 3 ຕາມລຳດັບ.
ຂ່າວ: ແຂວງສະຫວັນນະເຂດ
ຄໍາເຫັນ