ເຈົ້າແຂວງຊຽງຂວາງພົບປະເລຂາພັກແຂວງເຊີນລາ

 ຊຶ່ງທ່ານໄດ້ສະແດງຄວາມຍ້ອງຍໍຊົມເຊີຍ ຜົນສຳເລັດຂອງແຂວງເຊີນລາ ທີ່ໄດ້ຜ່ານຜ່າອຸປະສັກ ຕ້ານຈັກກະພັດຜູ້ຮຸກຮານ, ສ້າງສາພັດທະນາ ຈົນກາຍເປັນແຂວງທີ່ມີຄວາມເຂັ້ມແຂງ ຈະເລີນ ສີວິໄລ ພ້ອມນີ້ກໍໄດ້ສະແດງຄວາມຂອບໃຈ ຢ່າງລົ້ນເຫຼືອມາຍັງແຂວງ ກໍຄືປະຊາຊົນບັນດາເຜົ່າຊາວແຂວງເຊີນລາ ທີ່ໄດ້ສ້າງບຸກຄະລາກອນ ຊ່ວຍເຫຼືອດ້ານການສຶກສາ, ສາທາລະນະສຸກ, ກະສິກຳ, ວຽກງານປົກປ້ອງຊາຍແດນ, ການກໍ່ສ້າງພື້ນຖານໂຄງລ່າງ ແລະ ວຽກງານອື່ນໆ ແກ່ບັນດາແຂວງພາກເໜືອຂອງລາວ ຕະຫຼອດມາ ພວກເຮົາຈະສືບຕໍ່ຮ່ວມມື ຂະຫຍາຍຄວາມສາມັກຄີພິເສດສອງຊາດລາວ-ຫວຽດນາມ ໂດຍສະເພາະແມ່ນ9ແຂວງພາກເໜືອຂອງລາວ ກັບແຂວງເຊີນລາ ໃຫ້ເຂົ້າສູ່ລວງເລິກ ຮອບດ້ານ.

ໂອກາດນີ້, ທ່ານ ຮວ່າງ ກວັກ ວຽດ ໄດ້ກ່າວຕ້ອນຮັບຢ່າງອົບອຸ່ນ ແລະ ລາຍງານຄວາມເປັນມາຂອງແຂວງເຊີນລາ, ການພັດທະນາເສດຖະກິດ-ສັງຄົມຂອງແຂວງ ການຮ່ວມມືກັບບັນດາແຂວງຂອງລາວ ແລະ ຈະສືບຕໍ່ຮ່ວມມື ຮອບດ້ານກັບບັນດາແຂວງລາວ ເພີ່ມພູນຄູນສ້າງຄວາມສາມັກຄີ ສອງຊາດໃຫ້ງອກງາມຂຶ້ນເລື້ອຍໆ.

ໂອກາດຢ້ຽມຢາມແຂວງເຊີນລາໃນຄັ້ງນີ້, ຂອງບັນດາແຂວງພາກເໜືອຂອງລາວ ໄດ້ຢ້ຽມຢາມເຂື່ອນໄຟຟ້າເຊີນລາ, ເຂົ້າຮ່ວມພິທີສະເຫຼີມສະຫຼອງວັນສ້າງຕັ້ງແຂວງເຊີນລາ ຢ່າງຍິ່ງໃຫຍ່ ເບີກບານມ່ວນຊື່ນ ຊົມການສະແດງສິລະປະ, ປະເພນີ, ວັດທະນາທຳຂອງແຂວງເຊີນລາ.

(ຂ່າວ: ບຸນມີ ແສງທຸມມີ)