ກອງປະຊຸມເຈົ້າໜ້າທີ່ອາວຸໂສ ຂອບຍຸດທະສາດການຮ່ວມມືດ້ານເສດຖະກິດ

ເຈົ້າໜ້າທີ່ອາວຸໂສແອັກແມັກທົບທວນ ແລະວາງທິດທາງກຽມຮ່າງແຜນແມ່ບົດ

15:40 15/10/2024

ກອງປະຊຸມເຈົ້າໜ້າທີ່ອາວຸໂສ ຂອບຍຸດທະສາດການຮ່ວມມືດ້ານເສດຖະກິດ ແມ່ນໍ້າອິຣະວະດີ-ແມ່ນໍ້າເຈົ້າພະຍາ-ແມ່ນໍ້າຂອງ (ACMECS)ໄດ້ຈັດຂຶ້ນໃນວັນທີ 14 ຕຸລານີ້

ທີ່ ນະຄອນຫຼວງວຽງຈັນໂດຍການເປັນປະທານຂອງ ທ່ານ ສົມບູນ ສີຫານາດ ຫົວໜ້າກົມເສດຖະກິດ ກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສ ACMECSຂອງ ສປປ ລາວ, ມີເຈົ້າໜ້າທີ່ອາວຸໂສACMECSຈາກ ກໍາປູເຈຍ, ມຽນມາ, ໄທ, ສສຫວຽດນາມເຂົ້າຮ່ວມ.

ຈຸດປະສົງກອງປະຊຸມຄັ້ງນີ້ ແມ່ນເພື່ອທົບທວນຄືນຜົນການຈັດຕັ້ງປະຕິບັດແຜນແມ່ບົດ ACMECS(2019-2023) ແລະ ວາງທິດທາງເພື່ອກະກຽມຮ່າງແຜນແມ່ບົດ ACMECS ໃນຕໍ່ໜ້າຂອງຂອບການຮ່ວມມື ACMECS. ພ້ອມດຽວກັນ, ກໍໄດ້ປຶກສາຫາລື ແລະ ຮັບຟັງການລາຍງານການຈັດຕັ້ງປະຕິບັດວຽກງານຂອງບັນດາ 3 ເສົາຄໍ້າຂອງACMECS ຄື: 1. ເສົາຄໍ້າການເຊື່ອມຈອດດ້ານພື້ນຖານໂຄງລ່າງທີ່ໂລ່ງລ່ຽນ; 2. ເສົາຄໍ້າການປະສານສົມທົບກັນດ້ານພື້ນຖານໂຄງບົນທີ່ມີຄວາມກົມກຽວ; 3. ເສົາຄໍ້າການພັດທະນາທີ່ຍືນຍົງ ແລະ ທັນສະໄໝ. ນອກນັ້ນ, ໃນທີ່ປະຊຸມຍັງໄດ້ປຶກສາຫາລືກ່ຽວກັບການກະກຽມຄວາມພ້ອມໃນການຈັດກອງປະຊຸມສຸດຍອດ ACMECS ຄັ້ງທີ 10 ທີ່ ສປປ ລາວ ຈະເປັນປະທານໃນເດືອນພະຈິກ 2024 ນີ້, ໂດຍສະເພາະແມ່ນການກະກຽມດ້ານພະລາທິການ, ວາລະກອງປະຊຸມ ແລະ ທາງດ້ານເນື້ອໃນເປັນຕົ້ນຮ່າງຖະແຫຼງການວຽງຈັນທີ່ບັນດາການນໍາຂັ້ນສູງຂອງປະເທດສະມາຊິກທີ່ຈະຮັບຮອງເອົາໃນກອງປະຊຸມສຸດຍອດດັ່ງກ່າວ.

ໃນຕອນບ່າຍຂອງມື້ດຽວກັນ,ທ່ານ ສົມບູນ ສີຫານາດ ຫົວໜ້າກົມເສດຖະກິດ ກະຊວງການຕ່າງປະເທດທັງເປັນຫົວໜ້າເຈົ້າໜ້າທີ່ອາວຸໂສCLMVຂອງ ສປປ ລາວໄດ້ສືບຕໍ່ນໍາພາຄະນະຜູ້ແທນຈາກຂະແໜງການກ່ຽວຂ້ອງຂອງ ສປປ ລາວ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສກຳປູເຈຍ-ລາວ-ມຽນມາ-ຫວຽດນາມCLMV ພາຍໃຕ້ການເປັນປະທານຂອງ ສສ ມຽນມາ ຊຶ່ງມີບັນດາເຈົ້າໜ້າທີ່ອາວຸໂສCLMVແລະ ບັນດາກະຊວງຂະແໜງການກ່ຽວຂ້ອງ ຂອງປະເທດສະມາຊິກCLMV ເຂົ້າຮ່ວມ.

ກອງປະຊຸມໄດ້ທົບທວນຄືນການຈັດຕັ້ງຜັນຂະຫຍາຍຜົນຂອງກອງປະຊຸມສຸດຍອດCLMVຄັ້ງທີ10ຜ່ານມາໂດຍສະເພາະການຈັດຕັ້ງປະຕິບັດແຜນວຽກເພື່ອການພັດທະນາ ກຳປູເຈຍ-ລາວ-ມຽນມາ-ຫວຽດນາມ (Framework for CLMV Development), ພ້ອມທັງໄດ້ຮັບຟັງລາຍງານການຈັດຕັ້ງປະຕິບັດຂອງບັນດາ8 ໜ່ວຍງານພາຍໃຕ້ຂອບການຮ່ວມມື CLMV ໃນໄລຍະຜ່ານມາ ກໍຄືຂໍ້ສະດວກ, ຂໍ້ຄົງຄ້າງ ແລະຂໍ້ສະເໜີໃນການແກ້ໄຂສິ່ງທ້າທາຍຮ່ວມກັນໃນຕໍ່ໜ້າ ຊຶ່ງບັນດາ 8 ໜ່ວຍງານປະກອບມີ: 1. ການຮ່ວມມື ດ້ານການຄ້າ ແລະ ການລົງທຶນ; 2. ການຮ່ວມມື ດ້ານການຂົນສົ່ງ; 3. ການຮ່ວມມື ດ້ານອຸດສາຫະກໍາ; 4. ການຮ່ວມມື ດ້ານການທ່ອງທ່ຽວ; 5. ການຮ່ວມມື ດ້ານພະລັງງານ; 6.ການຮ່ວມມື ດ້ານການພັດທະນາຊັບພະຍາກອນມະນຸດ; 7. ການຮ່ວມມື ດ້ານກະສິກໍາແລະ 8. ການຮ່ວມມື ດ້ານເຕັກໂນໂລຊີ, ຂໍ້ມູນຂ່າວສານ ແລະ ການຕິດຕໍ່ສື່ສານ (ICT); ພ້ອມດຽວກັັນ, ກອງປະຊຸມຍັງໄດ້ປຶກສາຫາລື ແລະ ປະກອບຄໍາເຫັນໃສ່ບັນດາເອກກະສານທີ່ຈະຮັບຮອງໃນກອງປະຊຸມສຸດຍອດ CLMV ຄັ້ງທີ 11.

ຂ່າວ: ກະຊວງການຕ່າງປະເທດ

ຄໍາເຫັນ

ຂ່າວການຮ່ວມມື

ຜົນສໍາເລັດກອງປະຊຸມປຶກສາຫາລືທາງດ້ານການເມືອງ ລາວ-ຕວັກກີ ຄັ້ງທີ 2

19/06/2026 11:35

ໂດຍສືບຕໍ່ການຈັດຕັ້ງປະຕິບັດບົດບັນທຶກຄວາມເຂົ້າໃຈ ວ່າດ້ວຍ ການຮ່ວມມື ລະຫວ່າງ ກະຊວງການຕ່າງປະເທດ ແຫ່ງ ສປປ ລາວ ແລະ ກະຊວງການຕ່າງປະເທດ ແຫ່ງ ສາທາລະນະລັດ ຕວັກກີ ຊຶ່ງໄດ້ລົງນາມໃນປີ 2013 ທີ່ ນະຄອນຫຼວງວຽງຈັນ, ຄະນະຜູ້ແທນລາວ ນໍາໂດຍ ທ່ານ ເອກະພາບ ພັນທະວົງ ຫົວໜ້າກົມເອີຣົບ ແລະ ອາເມຣິກາ ກະຊວງການຕ່າງປະເທດ ໄດ້ເປັນປະທານຮ່ວມກອງປະຊຸມປຶກສາຫາລືທາງດ້ານການເມືອງ ລະຫວ່າງ ສອງກະຊວງການຕ່າງປະເທດ ສປປ ລາວ ແລະ ຕວັກກີ ຄັ້ງທີ 2 ໃນວັນທີ 11-12 ມິຖຸນາ 2026 ທີ່ ນະຄອນຫຼວງ ອັງກາລາ ປະເທດຕວັກກີ, ຄະນະຜູ້ແທນຕວັກກີ ນໍາໂດຍ ທ່ານ ກໍກູດ ຢືນເຢັນ (KorkutGüNGEN) ຫົວໜ້າກົມອາຊີ-ປາຊີຟິກ ກະຊວງການຕ່າງປະເທດຕວັກກີ.

ສໍາມະນາວິຊາການ ພາຍໃຕ້ຫົວຂໍ້ ລາວ-ອົສຕຣາລີ ວ່າດ້ວຍການຮ່ວມມືຫຼາຍຝ່າຍ

19/06/2026 10:14

ສະຖາບັນການຕ່າງປະເທດ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດ ອົດສຕຣາລີ ປະຈຳ ສປປ ລາວ ໄດ້ຮ່ວມກັນຈັດກອງປະຊຸມສໍາມະນາວິຊາການ ພາຍໃຕ້ຫົວຂໍ້: “ລາວ-ອົສຕຣາລີ ວ່າດ້ວຍການຮ່ວມມືຫຼາຍຝ່າຍ ທ່າມກາງຄວາມບໍ່ແນ່ນອນດ້ານຍຸດທະສາດ” ຂຶ້ນໃນວັນທີ 18 ມິຖຸນານີ້ ທີ່ນະຄອນຫຼວງວຽງຈັນ, ໂດຍການເປັນ ປະທານຮ່ວມຂອງ ທ່ານ ບໍວອນທັດ ດວງຈັກ ຫົວ ໜ້າຫ້ອງການ ກະຊວງການຕ່າງປະເທດ, ທ່ານ ນາງ ເບນິຕາ ຊັມເມີວິວ ອຸປະທູດຊົ່ວຄາວ ສະຖານ ເອກອັກຄະລັດຖະທູດ ອົສຕຣາລີ ປະຈຳ ລາວ, ມີຜູ້ຕາງໜ້າ ຈາກ ກະຊວງການຕ່າງປະເທດ, ຄະນະ ພົວພັນຕ່າງປະເທດສູນກາງພັກ, ສະໂມສອນນັກການທູດລາວ ແລະ ພາກສ່ວນ ກ່ຽວຂ້ອງເຂົ້າຮ່ວມ.

LAO-WEN ລົງກວດກາ ແລະ ຢຶດຂອງກາງຄ້າຍຄືຊິ້ນສ່ວນ ແລະ ຜະລິດຕະພັນ ສັດປ່າ

19/06/2026 10:11

ເຄືອຂ່າຍບັງຄັບໃຊ້ກົດໝາຍວ່າດ້ວຍສັດປ່າ ແລະ ກົດໝາຍວ່າດ້ວຍປ່າໄມ້ (LAO-WEN) ໄດ້ລົງເຄື່ອນໄຫວກວດກາຢູ່ສະຖານທີ່ ລັກລອບຄ້າຂາຍ ຊິ້ນສ່ວນ ແລະ ຜະລິດຕະພັນທີ່ຄ້າຍຄືສັດປ່າ ປະເພດຫວງຫ້າມ ຢູ່ນະຄອນຫຼວງພະບາງ, ແຂວງຫຼວງພະບາງ ໃນວັນທີ 13 ມິຖຸນາ ຜ່ານມາ, ໃນຂະນະລົງກວດກາຕົວຈິງໄດ້ພົບເຫັນ ການລັກລອບຄ້າຂາຍ ຊິ້ນສ່ວນ ແລະ ຜະລິດຕະພັນທີ່ຄ້າຍຄືສັດປ່າ ປະເພດຫວງຫ້າມແລ້ວເກັບມາເປັນຂອງກາງມາດຳເນີນການສືບສວນ-ສອບສວນ ຕາມຂັ້ນຕອນຂອງກົດໝາຍ.

ການແຂ່ງຂັນ “ທູດຫວຽດນາມແຫ່ງອະນາຄົດ” ຄັ້ງທີ 2

19/06/2026 10:07

ສະຖານເອກອັກຄະລັດຖະທູດຫວຽດນາມປະຈຳລາວ ຮ່ວມກັບຄະນະພາສາຫວຽດນາມ ຂອງສະມາຄົມຊາວຫວຽດນາມ ປະຈຳນະຄອນຫຼວງວຽງຈັນ ໄດ້ຈັດການແຂ່ງຂັນ “ທູດຫວຽດນາມແຫ່ງອະນາຄົດ” ຄັ້ງທີ 2 ຂຶ້ນໃນວັນທີ 17 ມີຖຸນານີ້ ທີ່ສະຖານທູດຫວຽດນາມປະຈຳລາວ, ໂດຍໃຫ້ກຽດເຂົ້າຮ່ວມຂອງທ່ານ ຫງວຽນມິງເຕິມ ເອກອັກຄະລັດຖະທູດຫວຽດນາມປະຈຳລາວ, ທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີກະຊວງສຶກສາ ແລະ ກິລາແຫ່ງ ສປປ ລາວ, ມີພາກສ່ວນທີ່ກ່ຽວຂ້ອງ, ຄູ - ອາຈານ ແລະ ບັນດາທີມເຂົ້າແຂ່ງຂັນ ເຂົ້າຮ່ວມ.

ກອງປະຊຸມວຽກງານຍຸຕິທຳບັນດາແຂວງທີ່ມີຊາຍແດນຕິດຈອດກັນ ລະຫວ່າງ ລາວ-ຫວຽດນາມ ເປີດກວ້າງ ຄັ້ງທີ VII

18/06/2026 15:09

ກອງປະຊຸມວຽກງານຍຸຕິທຳຂອງບັນດາແຂວງທີ່ມີຊາຍແດນຕິດຈອດກັນ ລະຫວ່າງ ສປປ ລາວ - ສສ ຫວຽດນາມ ເປີດກວ້າງ ຄັ້ງທີ VII ຈັດຂຶ້ນໃນວັນທີ 17 ມິຖຸນາຜ່ານມາ ທີ່ນະຄອນຮາຍຟອງ ສສ ຫວຽດນາມ ໂດຍການເປັນປະທານຮ່ວມຂອງທ່ານ ຄຳພັນ ພົມມະທັດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງຍຸຕິທຳ ແຫ່ງ ສປປ ລາວ ແລະ ທ່ານ ຮວ່າງ ແທັງ ຕຸ່ງ ກຳມະການສູນກາງພັກກອມມູນິດຫວຽດນາມ ລັດຖະມົນຕີກະຊວງຍຸຕິທຳ ແຫ່ງ ສສ ຫວຽດນາມ, ມີທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດແຫ່ງ ສປປ ລາວ ປະຈຳ ສສ ຫວຽດນາມ, ທ່ານ ເລ ງັອກ ເຈົາ ກຳມະການສູນກາງພັກກອມມູນິດຫວຽດນາມ ເລຂາຄະນະບໍລິຫານງານພັກແຂວງຮາຍຟອງ ພ້ອມດ້ວຍຄະນະຜູ້ແທນຂັ້ນສູງຈາກສອງກະຊວງຍຸຕິທໍາລາວ-ຫວຽດນາມເຂົ້າຮ່ວມ.

ສຳເລັດຝຶກອົບຮົມສຳລັບພະນັກງານແນວລາວສ້າງຊາດ ຢູ່ ສປ ຈີນ

18/06/2026 14:47

ໃນລະຫວ່າງວັນທີ 4-17 ມິຖຸນາ 2026, ກະຊວງການຄ້າ ສາທາລະນະລັດປະຊາຊົນຈີນ (ສປ ຈີນ) ຮ່ວມກັບ ສູນແລກປ່ຽນເສດຖະກິດ ແລະ ເຕັກນິກສາກົນຢູນນານ ໄດ້ຈັດຊຸດຝຶກອົບຮົມສຳລັບພະນັກງານແນວລາວສ້າງຊາດ ສປປ ລາວ ຂຶ້ນທີ່ນະຄອນຄຸນໝິງ ແຂວງຢູນນານ ສປ ຈີນ; ພິທີປີດຊຸດອົບຮົມໄດ້ຮັບກຽດຈາກ ທ່ານ ຫຼີ ລອງຄັງ, ຫົວໜ້າສູນແລກປ່ຽນເສດຖະກິດ ແລະ ເຕັກນິກສາກົນຢູນນານ ເປັນປະທານຝ່າຍຈີນ ແລະ ທ່ານ ຫຸມເພັງ ຈອມວິສານ ກຳມະການປະຈຳພັກແຂວງ ປະທານແນວລາວສ້າງຊາດ ແຂວງຜົ້ງສາລີ ເປັນຫົວໜ້າຄະນະຝ່າຍລາວ ເຂົ້າຮ່ວມຊຸດອົບຮົມມີພະນັກງານຈາກສູນກາງແນວລາວສ້າງຊາດ, ນະຄອນຫຼວງວຽງຈັນ ແລະ ແນວລາວສ້າງຊາດບັນດາແຂວງ ລວມທັງໝົດ 35 ທ່ານ;

ຂະແໜງກະສິກຳ ແລະ ສິ່ງແວດລ້ອມ ສປປ ລາວ ແລະ ສ ຣັດເຊຍ ສ້າງສາຍພົວພັນການຮ່ວມມື

17/06/2026 16:12

ເນື່ອງໃນໂອກາດ ຕິດຕາມ ທ່ານນາຍົກລັດຖະມົນຕີ ແຫ່ງ ສປປ ລາວ ເຄື່ອນໄຫວວຽກງານ ທາງລັດຖະການ ຢູ່ ສະຫະພັນຣັດເຊຍ, ໃນວັນທີ 16 ມິຖຸນາຜ່ານມານີ້ ທ່ານ ລິນຄໍາ ດວງສະຫວັນ ລັດຖະມົນ ຕີກະຊວງກະສິກຳ ແລະ ສິ່ງແວດລ້ອມ ພ້ອມດ້ວຍຄະນະ ໄດ້ປະຊຸມພົບປະຢ່າງເປັນທາງການ ກັບ ທ່ານ ນາງ ໂອກຊານາ ນີໂກລາເອບນາ (Oksana Nikolaevna) ລັດຖະມົນຕີ ກະຊວງກະສິກໍາ ແຫ່ງສະຫະ ພັນຣັດເຊຍ ທີ່ນະຄອນຫຼວງມົສກູ.

ສະເຫຼີມສະຫຼອງການມີສ່ວນຮ່ວມຂອງຄົນພິການ ຜ່ານກິດຈະກຳແຫ່ງຄວາມມ່ວນຊື່ນ

17/06/2026 15:59

ວັນທີ 14 ມິຖຸນາຜ່ານມານີ້ ທີ່ນະຄອນຫຼວງວຽງຈັນ, ອົງການ UNFPA ປະຈຳ ສປປ ລາວ ຮ່ວມມືກັບ ໂຮງແຮມອາມາຣີ ວຽງຈັນ ໄດ້ຈັດກິດຈະກຳວັນແຫ່ງຄວາມມ່ວນຊື່ນເພື່ອການມີສ່ວນຮ່ວມຂອງຄົນພິການ (Disability Inclusion Fun Day)

ຮອງ ລມຕ ກະຊວງການຕ່າງປະເທດ ຮັບການຍື່ນສັນຍາບັດແຕ່ງຕັ້ງ ກົງສູນໃຫຍ່ຫວຽດນາມຄົນໃໝ່

17/06/2026 15:52

ໃນວັນທີ 16 ມິຖຸນາ ຜານມານີ້ ທີ່ ກະຊວງການຕ່າງປະເທດ, ສະຫາຍ ອານຸພາບ ວົງໜໍ່ແກ້ວ ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບ ແລະ ຍື່ນສັນຍາບັດແຕ່ງຕັ້ງຂອງ ສະຫາຍ ຫງວຽນ ວັນ ຢຸງ ກົງສູນໃຫຍ່ ແຫ່ງ ສສ ຫວຽດນາມ ຄົນໃໝ່ ປະຈຳ ແຂວງສະຫວັນນະເຂດ.

ສ້າງຄວາມເຂົ້າໃຈກ່ຽວກັບບັນຫາພູມສາດເສດຖະກິດ ແລະ ການຮັບມືໃນສະພາບປັດຈຸບັນ

17/06/2026 13:17

ສະຖານທູດອົສຕຣາລີ ປະຈຳລາວ ຮ່ວມກັບ ສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ (LASES) ໄດ້ຈັດກອງປະຊຸມສຳມະນາໃນຫົວຂໍ້: “ການສ້າງຄວາມເຂັ້ມແຂງທາງດ້ານເສດຖະກິດ, ທ່າມກາງການແບ່ງແຍກທາງພູມສາດເສດຖະກິດ (Strengthening Economic Resilience Amid Geo economics)” ຂຶ້ນໃນວັນທີ 17 ມີຖຸນານີ້ ທີ່ນະຄອນຫຼວງວຽງຈັນ, ໂດຍການເປັນປະທານຮ່ວມ ຂອງ ທ່ານ ສະຖາບັນດິດ ອິນສີຊຽງໃໝ່ ຮອງປະທານສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ, ທ່ານ ນາງ ເມແກນ ຈອນ (Migan Jones) ເອກອັກຄະລັດຖະທູດ ອົສຕຣາລີ ປະຈໍາ ສປປ ລາວ ແລະ ມີພາກສ່ວນທີ່ກ່ຽວຂ້ອງເຂົ້າຮ່ວມ.

ເພີ່ມເຕີມ