 |
ຈຸດປະສົງ ແລະ ຄວາມສຳຄັນຂອງການຈັດຊຸດຝຶກອົບຮົມຄັ້ງນີ້, ເພື່ອເປັນການເພີ່ມທັກສະ ແລະ ຄວາມຮູ້ພື້ນຖານດ້ານວິຊາຊີບ ໃຫ້ແກ່ນັກຮຽນທີ່ກຳລັງສຶກສາຢູ່ ຊັ້ນ ມ4 ແລະ ມ7 ມີທັງໝົດ 36 ນ້ອງ. ໃນນີ້, ສາຍຄອມພິວເຕີ 25 ນ້ອງ ແລະ ສ້ອມແປງລົດຈັກ 11 ນ້ອງ. ໂຄງການດັ່ງກ່າວແມ່ນໄດ້ຮັບການສະໜອງເບ້ຍລ້ຽງ ແລະ ອຸປະກອນ ຈາກໂຄງການທະນາຄານໂລກ ພາຍໃຕ້ໂຄງການເສີມສ້າງທັກສະສີມືແຮງງານ ທີ່ເປັນບູລິມະສິດສຳລັບການເຕີບໂຕ ສປປ ລາວ.
 |
ການຝຶກອົບຮົມຄັ້ງນີ້, ມີທັງພາກທິດສະດີ ແລະ ພາກປະຕິບັດຕົວຈິງ ເພື່ອໃຫ້ນັກຮຽນສາມາດກຳແໜ້ນຄວາມຮູ້ພື້ນຖານໃນການສ້ອມແປງ, ບຳລຸງຮັກສາລົດຈັກ ແລະ ການນຳໃຊ້, ສ້ອມແປງຄອມພິວເຕີເບື້ອງຕົ້ນ. ທັງນີ້ ກໍເພື່ອເປັນການປະຕິບັດຕາມແຜນພັດທະນາສີມືແຮງງານຂອງແຂວງ ກໍຄື ຂອງຊາດ, ສ້າງກຳລັງແຮງງານລາວໃຫ້ມີຄຸນນະພາບ, ກຽມພ້ອມເຂົ້າສູ່ຕະຫຼາດແຮງງານໃນອະນາຄົດ.
(ພາບ-ຂ່າວ: ແສງອາທິດ)
ຄໍາເຫັນ