 |
ທ່ານ ຄໍາສຸກ ແກ້ວວົງສອງ ຫົວໜ້າຄະນະຄຸ້ມຄອງດ່ານສາກົນປາກຕາພານໄດ້ລາຍງານໃຫ້ຮູ້ວ່າ: ໃນໄລຍະ 1 ປີຜ່ານມາ ຄະນະພັກ, ຄະນະນໍາ ດ່ານສາກົນປາກຕາພານ ໄດ້ຖືສຳຄັນຕໍ່ວຽກງານການເມືອງ-ແນວຄິດ ເປັນກົກ ແລະ ສອດຫ້ອຍໃນທຸກໆວຽກງານ ເຮັດໃຫ້ພະນັກງານ-ສະມາຊິກພັກ ມີແນວຄິດອຸ່ນອ່ຽງທຸ່ນທ່ຽງ, ມີຫຼັກໝັ້ນ, ມີຄວາມສາມັກຄີເປັນປຶກແຜ່ນ, ທັງວຽກງານອົງການຈັດຕັ້ງມະຫາຊົນ ແລະ ກຳລັງເຈົ້າໜ້າທີ່ຕຳຫຼວດ ໄດ້ຈັດຕັ້ງປະຕິບັດວຽກງານຕາມພາລະບົດບາດ, ໜ້າທີ່ຢ່າງໜັກແໜ້ນ, ເຂັ້ມແຂງ, ທັງໄດ້ເອົາໃຈໃສ່ປະຕິບັດວຽກງານວິຊາສະເພາະຂອງທຸກຂະແໜງການພາຍໃນດ່ານປາກຕາພານ ເປັນຕົ້ນ: ໄດ້ກວດກາຄົນເຂົ້າ-ອອກເມືອງທັງໝົດ 67,393ເທື່ອຄົນຍິງ 36,370ເທື່ອຄົນ, ເດັກ 1,848 ຄົນ, ພາຫະນະສິນຄ້າເຂົ້າ-ອອກເມືອງ ທັງໝົດ 794 ເທື່ອຄັນ, ເກັບລາຍຮັບ ຄ່າບໍລິການອອກໃບຜ່ານແດນ, ຄ່າທໍານຽມ ແລະ ຄ່າບໍລິການ ມອບງົບປະມານເຂົ້າຄັງ 002 ຂອງຫ້ອງພະລາທິການ ປກສ ແຂວງ ໄດ້ທັງໝົດ 24,965,000 ກີບ, ກວດກາການແຈ້ງພາສີ ຂອງຜູ້ປະກອບການ ເພື່ອແນ່ໃສ່ການຈັດເກັບລາຍຮັບເຂົ້າງົບປະມານ ມາຮອດທ້າຍປີ 2025 ສາມາດຈັດເກັບລາຍຮັບໄດ້ທັງໝົດ 16,414,177,500 ກີບ, ລື່ນຄາດໝາຍ 60,92% ຂອງແຜນການປີ, ຊຶ່ງລາຍຮັບຫຼັກໄດ້ຈາກການນຳເຂົ້າ - ສົ່ງອອກ ປະເພດເຄື່ອງກໍ່ສ້າງ, ອຸປະໂພກ-ບໍລິໂພກ, ຄ່າທຳນຽມຈອດທຽບທ່າ ແລະ ວຽກງານອື່ນໆ.
 |
ໃນກອງປະຊຸມ, ທ່ານ ປະເດີມພອນ ສົນທະນີ ໄດ້ໃຫ້ທິດຊີ້ນຳ ຄະນະຄຸ້ມຄອງດ່ານສາກົນປາກຕາພານ ສືບຕໍ່ເອົາໃຈໃສ່ຫຼາຍບັນຫາທີ່ສໍາຄັນ ເປັນຕົ້ນ: ເພີ່ມທະວີເອົາໃຈໃສ່ສຶກສາອົບຮົມການເມືອງແນວຄິດໃຫ້ ເປັນບັນຫາສໍາຄັນ, ຄະນະພັກ, ຄະນະນຳຂອງດ່ານ ເອົາ ໃຈໃສ່ໃນການແບ່ງວຽກ, ແບ່ງຄວາມຮັບຜິດຊອບ, ລວມເຖີງບັນດາຂະແໜງການ, ພະນັກງານວິຊາການ ເພື່ອເຮັດໃຫ້ການຊີ້ນຳໆພາ ແທດເໝາະກັບວຽກງານຕົວຈິງ, ສອດຄ່ອງກັບພາລະບົດບາດ, ເອົາໃຈໃສ່ໃນຂອດການປະສານງານ, ການປະສານສົມທົບກັບພະແນກການ, ອົງການຕ່າງໆ ເພື່ອເຮັດສໍາເລັດໜ້າທີ່ຕາມການມອບໝາຍ. ໃນໂອກາດດຽວກັນນັ້ນ, ທ່ານກໍໄດ້ຕິດຕາມເບິ່ງການປະຕິບັດໜ້າທີ່ ຂອງເຈົ້າໜ້າທີ່ຢູ່ພາຍໃນດ່ານສາກົນປາກຕາພານ ແລະ ຕິດຕາມເບິ່ງຈຸດຄ່ຽນຖ່າຍສິນຄ້າ ຕື່ມອີກ.
(ພາບ-ຂ່າວ: ສ.ພະຈັນ)
ຄໍາເຫັນ