ໃນເດືອນມີນານີ້, ກວດພົບກໍລະນີສົງໄສເປັນພະຍາດໄຂ້ເລືອດດໍາຢູ່ລາວ ຈໍານວນ 65 ກໍລະນີ ໃນນີ້ຢູ່ແຂວງຈໍາປາສັກມີ 54 ກໍລະນີ ຄື: ເມືອງຈໍາປາສັກ 52 ກໍລະນີ, ເມືອງສຸຂຸມາ 2 ກໍລະນີ ແລະ 2 ບ້ານຂອງເມືອງຄົງເຊໂດນ ແຂວງສາລະວັນ ຈໍານວນ 11 ກໍລະນີ.
ທ່ານ ລັດຕະນະໄຊ ເພັດສຸວັນຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໃຫ້ສໍາພາດຕໍ່ນັກຂ່າວວິທະຍຸກະຈາຍສຽງແຫ່ງຊາດລາວ(ວສລ)ວ່າ: ກໍລະນີສົງໄສພະຍາດໄຂ້ເລືອດດໍາທັງໝົດໄດ້ຮັບການປິ່ນປົວຕາມຫຼັກວິຊາການຂອງແພດໝໍ ແລະ ໄດ້ຕິດຕາມເຝົ້າລະວັງຢ່າງໃກ້ຊິດ ແລະ ລາຍງານປະຈໍາວັນ ຜູ້ທີ່ສໍາຜັດໃກ້ຊິດກັບກໍລະນີສົງໄສຈົນຄົບ 14 ວັນ, ພ້ອມທັງສືບຕໍ່ເຝົ້າລະວັງ ແລະຊອກຄົ້ນຫາກໍລະນີສົງໄສໃໝ່ໃນບ້ານທີ່ພົບກໍລະນີ ແລະບ້ານໃກ້ຄຽງທີ່ມີຄວາມສ່ຽງ, ຄຽງຄູ່ກັບການໃຫ້ຄວາມຮູ້ກ່ຽວກັບພະຍາດໄຂ້ເລືອດດໍາແກ່ປະຊາຊົນໃນບ້ານທີ່ມີລາຍງານກໍລະນີສົງໄສ ລວມທັງບ້ານທີ່ມີການກິນງົວຕາຍ ແລະບ້ານທີ່ຢູ່ໃກ້ຄຽງ ເພື່ອບໍ່ໃຫ້ປະຊາຊົນນໍາເອົາງົວທີ່ຕາຍຍ້ອນພະຍາດມາກິນອີກ, ເກັບຕົວຢ່າງຕາມຕຸ່ມທີ່ຢູ່ຜິວໜັງຂອງຄົນທຸກກໍລະນີສົງໄສເພື່ອສົ່ງກວດຢູ່ສູນວິເຄາະ ແລະລະບາດວິທະຍາ, ຖ້າພົບເຫັນສັດເຈັບປ່ວຍ ແລະ ເສຍຊີວິດພາຍໃນບ້ານໃຫ້ແຈ້ງເຖິງພາກສ່ວນກະສິກຳ-ປ່າໄມ້ ເພື່ອມາສອບສວນ ແລະ ປະຕິບັດມາດຕະການ ຢ່າງທັນການ ແລະມາດຕະການອື່ນໆ.
ໃນປີ 2009 ລາວເຄີຍເກີດການລະບາດພະຍາດໄຂ້ເລືອດດໍາຢູ່ 3 ບ້ານຂອງເມືອງສາລະວັນຄື: ບ້ານແບ່ງອຸດົມ, ບ້ານຄຽງໂຄ້ງ, ບ້ານນາໄຊ ແລະ ປີ 2010 ເກີດມີຢູ່ 3 ບ້ານຄື: ບ້ານທ່າເມືອງເກົ່າ, ບ້ານທ່າເມືອງເຊ ແລະ ບ້ານນາດອນຂວາງ ມີກໍລະນີສົງໄສຈໍານວນ 18 ກໍລະນີ ແຕ່ບໍ່ມີກໍລະນີເສຍຊີວິດ. ປີ 2011 ມີການລະບາດພະຍາດໄຂ້ເລືອດດໍາ ຢູ່ບ້ານນາຂ້ອຍສາວ ເມືອງສາລະວັນ, ມີຈໍານວນທັງໝົດ 12 ກໍລະນີ ແລະ ເສຍຊີວິດ 1 ກໍລະນີ. ໃນເດືອນມີນາ ປີ 2022 ມີລາຍງານກໍລະນີສົງໄສພະຍາດໄຂ້ເລືອດດໍາທີ່ເມືອງຄົງເຊໂດນ 1 ກໍລະນີ ແຕ່ບໍ່ເສຍຊີວິດ ແລະໃນປີ 2023 ຜ່ານມາ ມີລາຍງານກໍລະນີສົງໄສພະຍາດໄຂ້ເລືອດດໍາຢູ່ບ້ານຂຸມຄໍາ ເມືອງຄົງເຊໂດນຈໍານວນ 4 ກໍລະນີ ສ່ວນເດືອນມັງກອນ ປີ 2024 ນີ້ ມີລາຍງານກໍລະນີສົງໄສພະຍາດໄຂ້ເລືອດດໍາ ທີ່ບ້ານພູດາວແຈ້ງເມືອ ລະຄອນເພັງ ຈໍານວນ 16 ກໍລະນີ.
ໄຂ້ເລືອດດໍາ ແມ່ນພະຍາດຕິດຕໍ່ທີ່ຮ້າຍແຮງຊຶ່ງເກີດຈາກເຊື້ອຈຸລິນຊີທີ່ສ້າງສະປໍທີ່ເອີ້ນວ່າ:bacillus anthracis, ເປັນພະຍາດທີ່ເກີດຂຶ້ນຕາມທໍາມະຊາດຢູ່ໃນດິນໃນພື້ນທີ່ສ່ວນໃຫຍ່ຂອງໂລກ, ແລະໂດຍທົ່ວໄປແລ້ວຜົນກະທົບຕໍ່ສັດຄ້ຽວເອື້ອງ ທັງສັດລ້ຽງ ແລະສັດປ່າເຊັ່ນ: ຄວາຍ, ງົວແລະແບ້ ສາມາດແຜ່ຈາກສັດສູ່ຄົນໄດ້ ແຕ່ປົກກະຕິແລ້ວບໍ່ແຜ່ຈາກຄົນສູ່ຄົນ. ເຊື້ອຈຸລິນຊີດັ່ງກ່າວຜະລິດສານພິດທີ່ລິດຮຸນແຮງເຮັດໃຫ້ເກີດພະຍາດຮ້າຍແຮງ ແລະ ເສຍຊີວິດໃນທັງຄົນແລະສັດ.ພະຍາດໄຂ້ເລືອດດໍາໃນທັງຄົນ ແລະ ສັດສາມາດປິ່ນປົວດ້ວຍຢາຕ້ານເຊື້ອທີ່ສັ່ງຈ່າຍຢາໂດຍແພດໝໍແລະສັດຕະວະແພດ, ຖ້າຜູ້ທີ່ຕິດເຊື້ອພະຍາດໄຂ້ເລືອດດໍາ ໄດ້ຮັບການປິ່ນປົວທາງການແພດຢ່າງໄວວາ, ຄວາມສ່ຽງຕໍ່ການເສຍຊີວິດແມ່ນໜ້ອຍຫຼາຍ. ສ່ວນວິທີທີ່ດີທີ່ສຸດໃນການປ້ອງກັນພະຍາດໄຂ້ເລືອດດໍາໃນຄົນແມ່ນການຊອກຫາກໍລະນີທີ່ເຈັບປ່ວຍໃນສັດລ້ຽງຢ່າງໄວວາ ແລະ ການປະຕິບັດມາດຕະການຄວບຄຸມເພື່ອຢຸດຕິການແຜ່ລະບາດຂອງພະຍາດ.
ຂ່າວ-ພາບ: ວສລ
ທ່ານ ລັດຕະນະໄຊ ເພັດສຸວັນຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໃຫ້ສໍາພາດຕໍ່ນັກຂ່າວວິທະຍຸກະຈາຍສຽງແຫ່ງຊາດລາວ(ວສລ)ວ່າ: ກໍລະນີສົງໄສພະຍາດໄຂ້ເລືອດດໍາທັງໝົດໄດ້ຮັບການປິ່ນປົວຕາມຫຼັກວິຊາການຂອງແພດໝໍ ແລະ ໄດ້ຕິດຕາມເຝົ້າລະວັງຢ່າງໃກ້ຊິດ ແລະ ລາຍງານປະຈໍາວັນ ຜູ້ທີ່ສໍາຜັດໃກ້ຊິດກັບກໍລະນີສົງໄສຈົນຄົບ 14 ວັນ, ພ້ອມທັງສືບຕໍ່ເຝົ້າລະວັງ ແລະຊອກຄົ້ນຫາກໍລະນີສົງໄສໃໝ່ໃນບ້ານທີ່ພົບກໍລະນີ ແລະບ້ານໃກ້ຄຽງທີ່ມີຄວາມສ່ຽງ, ຄຽງຄູ່ກັບການໃຫ້ຄວາມຮູ້ກ່ຽວກັບພະຍາດໄຂ້ເລືອດດໍາແກ່ປະຊາຊົນໃນບ້ານທີ່ມີລາຍງານກໍລະນີສົງໄສ ລວມທັງບ້ານທີ່ມີການກິນງົວຕາຍ ແລະບ້ານທີ່ຢູ່ໃກ້ຄຽງ ເພື່ອບໍ່ໃຫ້ປະຊາຊົນນໍາເອົາງົວທີ່ຕາຍຍ້ອນພະຍາດມາກິນອີກ, ເກັບຕົວຢ່າງຕາມຕຸ່ມທີ່ຢູ່ຜິວໜັງຂອງຄົນທຸກກໍລະນີສົງໄສເພື່ອສົ່ງກວດຢູ່ສູນວິເຄາະ ແລະລະບາດວິທະຍາ, ຖ້າພົບເຫັນສັດເຈັບປ່ວຍ ແລະ ເສຍຊີວິດພາຍໃນບ້ານໃຫ້ແຈ້ງເຖິງພາກສ່ວນກະສິກຳ-ປ່າໄມ້ ເພື່ອມາສອບສວນ ແລະ ປະຕິບັດມາດຕະການ ຢ່າງທັນການ ແລະມາດຕະການອື່ນໆ.
ໃນປີ 2009 ລາວເຄີຍເກີດການລະບາດພະຍາດໄຂ້ເລືອດດໍາຢູ່ 3 ບ້ານຂອງເມືອງສາລະວັນຄື: ບ້ານແບ່ງອຸດົມ, ບ້ານຄຽງໂຄ້ງ, ບ້ານນາໄຊ ແລະ ປີ 2010 ເກີດມີຢູ່ 3 ບ້ານຄື: ບ້ານທ່າເມືອງເກົ່າ, ບ້ານທ່າເມືອງເຊ ແລະ ບ້ານນາດອນຂວາງ ມີກໍລະນີສົງໄສຈໍານວນ 18 ກໍລະນີ ແຕ່ບໍ່ມີກໍລະນີເສຍຊີວິດ. ປີ 2011 ມີການລະບາດພະຍາດໄຂ້ເລືອດດໍາ ຢູ່ບ້ານນາຂ້ອຍສາວ ເມືອງສາລະວັນ, ມີຈໍານວນທັງໝົດ 12 ກໍລະນີ ແລະ ເສຍຊີວິດ 1 ກໍລະນີ. ໃນເດືອນມີນາ ປີ 2022 ມີລາຍງານກໍລະນີສົງໄສພະຍາດໄຂ້ເລືອດດໍາທີ່ເມືອງຄົງເຊໂດນ 1 ກໍລະນີ ແຕ່ບໍ່ເສຍຊີວິດ ແລະໃນປີ 2023 ຜ່ານມາ ມີລາຍງານກໍລະນີສົງໄສພະຍາດໄຂ້ເລືອດດໍາຢູ່ບ້ານຂຸມຄໍາ ເມືອງຄົງເຊໂດນຈໍານວນ 4 ກໍລະນີ ສ່ວນເດືອນມັງກອນ ປີ 2024 ນີ້ ມີລາຍງານກໍລະນີສົງໄສພະຍາດໄຂ້ເລືອດດໍາ ທີ່ບ້ານພູດາວແຈ້ງເມືອ ລະຄອນເພັງ ຈໍານວນ 16 ກໍລະນີ.
ໄຂ້ເລືອດດໍາ ແມ່ນພະຍາດຕິດຕໍ່ທີ່ຮ້າຍແຮງຊຶ່ງເກີດຈາກເຊື້ອຈຸລິນຊີທີ່ສ້າງສະປໍທີ່ເອີ້ນວ່າ:bacillus anthracis, ເປັນພະຍາດທີ່ເກີດຂຶ້ນຕາມທໍາມະຊາດຢູ່ໃນດິນໃນພື້ນທີ່ສ່ວນໃຫຍ່ຂອງໂລກ, ແລະໂດຍທົ່ວໄປແລ້ວຜົນກະທົບຕໍ່ສັດຄ້ຽວເອື້ອງ ທັງສັດລ້ຽງ ແລະສັດປ່າເຊັ່ນ: ຄວາຍ, ງົວແລະແບ້ ສາມາດແຜ່ຈາກສັດສູ່ຄົນໄດ້ ແຕ່ປົກກະຕິແລ້ວບໍ່ແຜ່ຈາກຄົນສູ່ຄົນ. ເຊື້ອຈຸລິນຊີດັ່ງກ່າວຜະລິດສານພິດທີ່ລິດຮຸນແຮງເຮັດໃຫ້ເກີດພະຍາດຮ້າຍແຮງ ແລະ ເສຍຊີວິດໃນທັງຄົນແລະສັດ.ພະຍາດໄຂ້ເລືອດດໍາໃນທັງຄົນ ແລະ ສັດສາມາດປິ່ນປົວດ້ວຍຢາຕ້ານເຊື້ອທີ່ສັ່ງຈ່າຍຢາໂດຍແພດໝໍແລະສັດຕະວະແພດ, ຖ້າຜູ້ທີ່ຕິດເຊື້ອພະຍາດໄຂ້ເລືອດດໍາ ໄດ້ຮັບການປິ່ນປົວທາງການແພດຢ່າງໄວວາ, ຄວາມສ່ຽງຕໍ່ການເສຍຊີວິດແມ່ນໜ້ອຍຫຼາຍ. ສ່ວນວິທີທີ່ດີທີ່ສຸດໃນການປ້ອງກັນພະຍາດໄຂ້ເລືອດດໍາໃນຄົນແມ່ນການຊອກຫາກໍລະນີທີ່ເຈັບປ່ວຍໃນສັດລ້ຽງຢ່າງໄວວາ ແລະ ການປະຕິບັດມາດຕະການຄວບຄຸມເພື່ອຢຸດຕິການແຜ່ລະບາດຂອງພະຍາດ.
ຂ່າວ-ພາບ: ວສລ
ຄໍາເຫັນ