 |
ຈຸດເດັ່ນສໍາຄັນຂອງປີນີ້, ບໍລິສັດໄດ້ຮ່ວມເປັນສ່ວນໜຶ່ງຂອງຂະບວນ ເມືອງຫົງສາ ໂດຍນໍາສະເໜີຂະບວນສະເຫຼີມສະຫຼອງຄົບຮອບ 10 ປີ ໂຄງການໂຮງໄຟຟ້າພະລັງງານຄວາມຮ້ອນຫົງສາ ທີ່ໄດ້ຮັບການອອກແບບຢ່າງສະຫງ່າງາມ ແລະ ມີພະລັງ ສະທ້ອນເຖິງຄວາມໝັ້ນຄົງທາງດ້ານພະລັງງານ, ການພັດທະນາ ແລະ ຄວາມຮ່ວມມືທີ່ເຕີບໃຫຍ່ຄຽງຂ້າງຊຸມຊົນ ພາຍໃຕ້ແນວຄິດ “10 ປີ ໂຄງການໂຮງໄຟຟ້າພະລັງງານຄວາມຮ້ອນຫົງສາ ຮ່ວມສືບສານປະເພນີ ຮ່ວມພັດທະນາຄຽງຂ້າງຊຸມຊົນ”
 |
ຕະຫຼອດທົດສະວັດທີ່ຜ່ານມາ ໂຄງການໂຮງໄຟຟ້າພະລັງງານຄວາມຮ້ອນຫົງສາ ໄດ້ເຮັດໜ້າທີ່ເປັນກົນໄກສໍາຄັນໃນການເສີມສ້າງຄວາມໝັ້ນຄົງດ້ານພະລັງງານ, ຄວບຄູ່ກັບການສ້າງວຽກເຮັກງານທໍາ, ສ້າງລາຍໄດ້, ສະໜັບສະໜູນການສຶກສາ, ໂຄງລ່າງພື້ນຖານ ແລະ ການເບິ່ງແຍງສິ່ງແວດລ້ອມຢ່າງຕໍ່ເນື່ອງ ສະທ້ອນເຖິງການເຕີບໃຫຍ່ໄປພ້ອມກັບປະຊາຊົນ ເມືອງຫົງສາ ແລະ ແຂວງໄຊຍະບູລີ ຢ່າງແທ້ຈິງ
 |
ພ້ອມກັນນີ້, ບໍລິສັດໄດ້ໃຫ້ການສະໜັບສະໜູນງົບປະມານໃນການຈັດງານ, ການປະຊາສໍາພັນ ແລະ ການອະນຸລັກຊ້າງລາວ ພ້ອມເປີດຮ້ານຄ້າຈໍາໜ່າຍສິນຄ້າກະສິກໍາ ແລະ ຫັດຖະກໍາ ຈາກກຸ່ມສະຫະກອນສົ່ງເສີມກະສິກໍາ ເມືອງຫົງສາ ເພື່ອສົ່ງເສີມການສ້າງລາຍໄດ້ເສດຖະກິດໃນຊຸມຊົນ, ສະທ້ອນເຖິງບົດບາດຂອງ Hongsa Power ໃນຖານະ “ພະລັງງານແຫ່ງການຄຽງຂ້າງຊຸມຊົນ” ທີ່ເຕີບໃຫຍ່ ແລະ ເດີນໜ້າຄຽງຂ້າງຊຸມຊົນ, ວັດທະນະທໍາ ແລະ ການພັດທະນາຂອງ ແຂວງໄຊຍະບູລີ ຢ່າງຕໍ່ເນື່ອງ
ຂ່າວ:ໄຟຟ້າຫົງສາ
ຄໍາເຫັນ