 |
ໃນພິທີທ່ານ ອາເມ ຊົງເຍ້ຽເລັ່ງ ໄດ້ກ່າວເປີດພິທີຝຶກຊ້ອມ ແລະທົດລອງຂັບເຮືອກູ້ໄພເພື່ອກຽມພ້ອມຮັບມືໄພນ້ຳຖ້ວມປະຈໍາປີ 2026 ບາງຕອນວ່າ: ປັດຈຸບັນ ຕໍ່ກັບເຫດການໄພພິບັດທີ່ເກີດຂຶ້ນ ເປັນຕົ້ນ ໄພນໍ້າຖ້ວມ ເຫັນໄດ້ວ່າເລີ່ມມີຄວາມຖີ ແລະ ມີຄວາມຮຸນແຮງ ເພີ່ມຂຶ້ນໃນແຕ່ລະປີ ຊຶ່ງໄດ້ສົ່ງຜົນຜົນເສຍຫາຍ ຕໍ່ກັບຊີວິດ, ຊັບສິນ ຂອງລັດ, ຂອງລວມໝູ່ ແລະ ຂອງປະຊາຊົນເປັນຈຳນວນຫຼວງຫຼາຍ ເພື່ອຫຼຸດຜ່ອນຜົນກະທົບ ແລະ ຜົນເສຍຫາຍໃຫ້ນ້ອຍລົງ ດ້ວຍຄວາມເປັນຫ່ວງເປັນໄຍ ຂອງການຈັດຕັ້ງພັກລັດແຕ່ລະຂັ້ນ ຕໍ່ເຫດການໄພພິບັດ ເປັນຕົ້ນ ເຫດການນໍ້າຖ້ວມເພື່ອຊ່ວຍກອບກູ້ເອົາຊີວິດ ແລະ ຊັບສິນຂອງປະຊາຊົນ ການນໍາແຂວງ ຈຶ່ງມີທິດຊີ້ນໍາ ໃຫ້ຄະນະຮັບຜິດຂອງຢູ່ແຕ່ລະກົມກອງ, ແຕ່ລະພາກສ່ວນທີ່ກ່ຽວຂ້ອງ ໃຫ້ມີການກວດເຊັກ, ພາຫະນະ, ອຸປະກອນ, ເຄື່ອງອຸປະໂພກ, ບໍລິໂພກ ແລະ ເຄື່ອງມືຕ່າງໆ ໃຫ້ມີຄວາມພ້ອມ ສາມາດນໍາໃຊ້ໄດ້ທຸກເວລາ ເມື່ອມີເຫດການເກີດຂຶ້ນ ແລະ ໃຫ້ເປັນລະບົບ, ການຝຶກຊ້ອມ ກໍ່ເພື່ອ ເປັນການສ້າງຄວາມເຂັ້ມແຂງໃຫ້ທີມງານກູ້ໄພທາງເຮືອ ໃຫ້ຮູ້ຈັກນໍາໃຊ້ ເຕັກນິກໃນການຂັບເຮືອ, ເວລາເກີດເຫດສຸກເສີນກໍ່ໃຫ້ນໍາໃຊ້ເຮືອເຂົ້າກູ້ໄພໃຫ້ວອງໄວ, ທັນກັບ ສະພາບເຫດການທີ່ເກີດຂື້ນ ແລະ ຮັກສາຄວາມປອດໄພໄວ້ໄດ້. ຈາກນັ້ນ ຕາງໜ້າຄູຝຶກໄດ້ແນະນຳການຂັບເຮືອກູ້ໄພພ້ອມທັງທົດລອງຂັບເຮືອເພື່ອກູ້ໄພໂຕຈິງປະຈໍາປີ 2026 ຢ່າງເປັນທາງການ.(ຂ່າວ:ໄຊຍະບູລີ)
ຄໍາເຫັນ