ໂດຍ: ຖວທ ເມືອງເງິນ
ບຸນອອກພັນສາ ແມ່ນເປັນປະເພນີເກົ່າແກ່ດັ່ງເດີມຂອງຊາວພຸດທີ່ໄດ້ສືບທອດກັນມາຢ່າງຍາວນານ ຕັ້ງແຕ່ສະໄໝບູຮານນະການຈົນເຖິງປັດຈຸບັນ ຊຶ່ງປະເພນີດັ່ງກ່າວແມ່ນຖືກຈັດຂຶ້ນເປັນປະຈໍາໃນໄລຍະມື້ຂຶ້ນ 15 ຄໍ່າ ເດືອນ 11ລາວ ຂອງທຸກໆປີໂດຍເປັນສັນຍານບົ່ງບອກໃຫ້ຊາວພຸດທຸກເພດ-ໄວ, ທຸກຊັ້ນຄົນຮັບຮູ້ວ່າໝົດລະດູການຈໍາພັນສາ ຂອງພະສົງ-ສຳມະເນນ.
ສໍາລັບຢູ່ເມືອງເງິນ ແຂວງໄຊຍະບູລີ ຊາວພຸດທະສາສະນິກະຊົນ ຕ່າງກໍໄດ້ນໍາເອົາປັດໄຈໄຊຍະທານຕ່າງໆ ເພື່ອນໍາໄປຖວາຍແກ່ພະສົງ-ສຳມະເນນ ຢູ່ຕາມວັດວາອາຮາມຕ່າງໆພາຍໃນບ້ານໃຜລາວຊຶ່ງບັນຍາກາດຂອງການໃສ່ບາດໃນວັນບຸນອອກພັນສາແຕ່ລະຄົນແມ່ນມີຄວາມປິຕິຊົມຊື່ນຍິນດີ ແລະ ຈິດໃຈເຕັມໄປດ້ວຍຈິດແຫ່ງກຸສົນ.
ຈາກນັ້ນ, ຊາວພຸດທະສາສະນິກະຊົນທົ່ວເມືອງເງິນ ກໍໄດ້ມາຮ່ວມຕົວກັນ ຢູ່ທີ່ວັດສະຫຼີບຸນຍືນ ບ້ານຫຼວງມີໄຊ ຊຶ່ງເປັນວັດທີ່ເກົ່າແກ່ ແລະ ສັກສິດ ຄູ່ບ້ານຄູ່ເມືອງ. ຝ່າຍສົງນຳໂດຍ ພະອາຈານ ຄຳແສງ ສິຣິທຳໂມ ເຈົ້າຄະນະສົງເມືອງເງິນ ພ້ອມດ້ວຍພະສົງພາຍໃນເມືອງ, ຝ່າຍຄາລະວາດ ນຳໂດຍ ທ່ານທະວິສັກ ໄຊຍະວົງ ເຈົ້າເມືອງໆເງິນ ພ້ອມດ້ວຍຄະນະນຳ ເມືອງເງິນ ແລະ ຊາວພຸດທະສາສະນິກະຊົນທົ່ວເມືອງເງິນ ພິເສດບຸນອອກພັນສາປະວໍລະນາ ຢູ່ເມືອງເງິນໃນປີນີ້ ແມ່ນໄດ້ສົ່ງເສີມ,ອະນຸລັກຮັກສາຟື້ນຟູສືບທອດບຸນອອກພັນສາແບບໄຕລື້, ພາຍຫຼັງທ່ານທະວິສັກ ໄຊຍະວົງ ໄດ້ເປັນກຽດຂຶ້ນຈູດທຽນໄຊ, ລັ່ນຄອງ 9 ບາດ ແລະ ໄດ້ພ້ອມກັນໄຫວ້ພະ - ຮັບສິນ ໃສ່ບາດ, ຖວາຍປັດໄຈໄຊຍະທານ, ຈາກນັ້ນ ກໍໄດ້ຮັບຊົມການປະກວດຂະບວນແຫ່ສະຫຼາກສ້ອຍ-ຕົ້ນກັນ ຈາກບັນດາບ້ານຕ່າງໆ ຊຶ່ງຂະບວນແຫ່ແມ່ນເປັນເອກະລັກ ເຊັ່ນ: ການນຸ່ງຖືແບບໄຕລື້ດັ່ງເດີມ ແລະ ຊຸດລື້ແບບປະຍຸກ, ຊົມການສະແດງຟ້ອນລາຍລື້(ຕົບເຈີ້ງ ສິລະປະການຕໍ່ສູ້ການປ້ອງກັນຕົວຂອງໄຕລື້ໃນເມື່ອກ່ອນ), ຊົມການສະແດງສິລະປະຈາກບັນດາໂຮງຮຽນ ແລະ ບ້ານ, ພາຍຫຼັງ ສເລັດ ການແຫ່ຂະບວນກ້ອນກຳລັງຕ່າງໆ. ກໍເຂົ້າສູ່ພິທີທາງສະສາໜາການທານສະຫຼາກ, ອ່ານຂີບສະຫຼາກ ຕາມປະເພນີແບບໄຕລື້ເມືອງເງິນ. ສຳລັບບັນຍາກາດແມ່ນມີຄວາມເບີກບານມ່ວນຊື່ນ, ມີຄວາມເປັນລະບຽບຮຽບຮ້ອຍຈົບງາມ ແລະ ຮັກສາໄດ້ຕາມຮີດຄອງປະເພນີ ແລະ ວັດທະນະທໍາອັນດີງາມຂອງຊາດ - ຂອງທ້ອງຖິ່ນໄດ້ເປັນຢ່າງດີ.
ວັດຖຸປະສົງ ເພື່ອເປັນການຟື້ນຟູປະເພນີ-ວັດທະນະທຳ ການທຳບຸນຕານສະຫຼາກ ແບບຊາວໄຕຣລື້ເມືອງເງິນທີ່ສືບທອດກັນມາຕັ້ງແຕ່ດຶກດໍາບັນ.ເພື່ອເປັນການເຕົ້າໂຮມຄວາມມັກສາຄີ ໂດຍອາໄສປະເພນີ-ວັດທະນະທໍາອັນດີງາມເປັນສູນລວມທາງດ້ານຈິດໃຈ ແຫ່ງຄວາມສາມັກຄີອັນບໍລິສຸດແຫ່ງສັດທາ (ໂດຍຄວາມຕັ້ງໃຈ)ເພື່ອເປັນແບບຢ່າງໃຫ້ແກ່ ເຍົາວະຊົນຮຸ່ນລູກຫຼານ ນໍາໄປຈັດຕັ້ງປະຕິບັດສືບຕໍ່ໄປ.ເພື່ອການທຳບຸນຖະໜຸບຳລຸງ ພະພຸດທະສາສະໜາ ແລະ ສົ່ງເສີມ ພະສົງ-ສໍາມະເນນ ຜູ້ສານຕໍ່ ເຜີຍແຜ່ພຸດທະສາສະໜາ.
ບຸນອອກພັນສາ ແມ່ນເປັນປະເພນີເກົ່າແກ່ດັ່ງເດີມຂອງຊາວພຸດທີ່ໄດ້ສືບທອດກັນມາຢ່າງຍາວນານ ຕັ້ງແຕ່ສະໄໝບູຮານນະການຈົນເຖິງປັດຈຸບັນ ຊຶ່ງປະເພນີດັ່ງກ່າວແມ່ນຖືກຈັດຂຶ້ນເປັນປະຈໍາໃນໄລຍະມື້ຂຶ້ນ 15 ຄໍ່າ ເດືອນ 11ລາວ ຂອງທຸກໆປີໂດຍເປັນສັນຍານບົ່ງບອກໃຫ້ຊາວພຸດທຸກເພດ-ໄວ, ທຸກຊັ້ນຄົນຮັບຮູ້ວ່າໝົດລະດູການຈໍາພັນສາ ຂອງພະສົງ-ສຳມະເນນ.
ສໍາລັບຢູ່ເມືອງເງິນ ແຂວງໄຊຍະບູລີ ຊາວພຸດທະສາສະນິກະຊົນ ຕ່າງກໍໄດ້ນໍາເອົາປັດໄຈໄຊຍະທານຕ່າງໆ ເພື່ອນໍາໄປຖວາຍແກ່ພະສົງ-ສຳມະເນນ ຢູ່ຕາມວັດວາອາຮາມຕ່າງໆພາຍໃນບ້ານໃຜລາວຊຶ່ງບັນຍາກາດຂອງການໃສ່ບາດໃນວັນບຸນອອກພັນສາແຕ່ລະຄົນແມ່ນມີຄວາມປິຕິຊົມຊື່ນຍິນດີ ແລະ ຈິດໃຈເຕັມໄປດ້ວຍຈິດແຫ່ງກຸສົນ.
ຈາກນັ້ນ, ຊາວພຸດທະສາສະນິກະຊົນທົ່ວເມືອງເງິນ ກໍໄດ້ມາຮ່ວມຕົວກັນ ຢູ່ທີ່ວັດສະຫຼີບຸນຍືນ ບ້ານຫຼວງມີໄຊ ຊຶ່ງເປັນວັດທີ່ເກົ່າແກ່ ແລະ ສັກສິດ ຄູ່ບ້ານຄູ່ເມືອງ. ຝ່າຍສົງນຳໂດຍ ພະອາຈານ ຄຳແສງ ສິຣິທຳໂມ ເຈົ້າຄະນະສົງເມືອງເງິນ ພ້ອມດ້ວຍພະສົງພາຍໃນເມືອງ, ຝ່າຍຄາລະວາດ ນຳໂດຍ ທ່ານທະວິສັກ ໄຊຍະວົງ ເຈົ້າເມືອງໆເງິນ ພ້ອມດ້ວຍຄະນະນຳ ເມືອງເງິນ ແລະ ຊາວພຸດທະສາສະນິກະຊົນທົ່ວເມືອງເງິນ ພິເສດບຸນອອກພັນສາປະວໍລະນາ ຢູ່ເມືອງເງິນໃນປີນີ້ ແມ່ນໄດ້ສົ່ງເສີມ,ອະນຸລັກຮັກສາຟື້ນຟູສືບທອດບຸນອອກພັນສາແບບໄຕລື້, ພາຍຫຼັງທ່ານທະວິສັກ ໄຊຍະວົງ ໄດ້ເປັນກຽດຂຶ້ນຈູດທຽນໄຊ, ລັ່ນຄອງ 9 ບາດ ແລະ ໄດ້ພ້ອມກັນໄຫວ້ພະ - ຮັບສິນ ໃສ່ບາດ, ຖວາຍປັດໄຈໄຊຍະທານ, ຈາກນັ້ນ ກໍໄດ້ຮັບຊົມການປະກວດຂະບວນແຫ່ສະຫຼາກສ້ອຍ-ຕົ້ນກັນ ຈາກບັນດາບ້ານຕ່າງໆ ຊຶ່ງຂະບວນແຫ່ແມ່ນເປັນເອກະລັກ ເຊັ່ນ: ການນຸ່ງຖືແບບໄຕລື້ດັ່ງເດີມ ແລະ ຊຸດລື້ແບບປະຍຸກ, ຊົມການສະແດງຟ້ອນລາຍລື້(ຕົບເຈີ້ງ ສິລະປະການຕໍ່ສູ້ການປ້ອງກັນຕົວຂອງໄຕລື້ໃນເມື່ອກ່ອນ), ຊົມການສະແດງສິລະປະຈາກບັນດາໂຮງຮຽນ ແລະ ບ້ານ, ພາຍຫຼັງ ສເລັດ ການແຫ່ຂະບວນກ້ອນກຳລັງຕ່າງໆ. ກໍເຂົ້າສູ່ພິທີທາງສະສາໜາການທານສະຫຼາກ, ອ່ານຂີບສະຫຼາກ ຕາມປະເພນີແບບໄຕລື້ເມືອງເງິນ. ສຳລັບບັນຍາກາດແມ່ນມີຄວາມເບີກບານມ່ວນຊື່ນ, ມີຄວາມເປັນລະບຽບຮຽບຮ້ອຍຈົບງາມ ແລະ ຮັກສາໄດ້ຕາມຮີດຄອງປະເພນີ ແລະ ວັດທະນະທໍາອັນດີງາມຂອງຊາດ - ຂອງທ້ອງຖິ່ນໄດ້ເປັນຢ່າງດີ.
ວັດຖຸປະສົງ ເພື່ອເປັນການຟື້ນຟູປະເພນີ-ວັດທະນະທຳ ການທຳບຸນຕານສະຫຼາກ ແບບຊາວໄຕຣລື້ເມືອງເງິນທີ່ສືບທອດກັນມາຕັ້ງແຕ່ດຶກດໍາບັນ.ເພື່ອເປັນການເຕົ້າໂຮມຄວາມມັກສາຄີ ໂດຍອາໄສປະເພນີ-ວັດທະນະທໍາອັນດີງາມເປັນສູນລວມທາງດ້ານຈິດໃຈ ແຫ່ງຄວາມສາມັກຄີອັນບໍລິສຸດແຫ່ງສັດທາ (ໂດຍຄວາມຕັ້ງໃຈ)ເພື່ອເປັນແບບຢ່າງໃຫ້ແກ່ ເຍົາວະຊົນຮຸ່ນລູກຫຼານ ນໍາໄປຈັດຕັ້ງປະຕິບັດສືບຕໍ່ໄປ.ເພື່ອການທຳບຸນຖະໜຸບຳລຸງ ພະພຸດທະສາສະໜາ ແລະ ສົ່ງເສີມ ພະສົງ-ສໍາມະເນນ ຜູ້ສານຕໍ່ ເຜີຍແຜ່ພຸດທະສາສະໜາ.
ຄໍາເຫັນ