 |
ດ້ານວຽກງານກະສິກຳ ເປັນຕົ້ນແມ່ນ: ທົ່ງນາ, ຮົ້ວສວນ, ໜອງປາ ແລະ ສັດລ້ຽງ ຂອງປະຊາຊົນຢູ່ເມືອງຊຽງຮ່ອນ ໄດ້ຮັບຜົນກະທົບເປັນບໍລິເວນກວ້າງ ຈຳນວນບ້ານທີ່ຖືກຜົນກະທົບທັງໝົດ 21 ບ້ານຄື: ບ້ານນາອອນ, ດອນເຟືອງ, ບ້ານປົ່ງ, ນອນມູນ, ບ້ານທາດ, ຫ້ວຍຮາກ, ບ້ານ ທົ່ງກາບ, ບ້ານແກ່ນ, ບ້ານຄໍ້າ, ບ້ານຂິ່ງ, ໃໝ່ໜອງຊາງ ບ້ານຊ້າງ, ນໍ້າລ້ອມ, ບ້ານລັບ, ດອນໄຈ, ປ່າຫວ້ານ, ແກສີພົມ, ປົ່ງແປ້ນ, ສີນົກໄຊ້, ດອນຕັນ ແລະ ບ້ານນໍ້າກອກ. ດ້ານໂຍທາທິການ ແລະ ຂົນສົ່ງ ມີເສັ້ນທາງໄດ້ຮັບຜົນກະທົບ 4 ເສັ້ນ ຄື: ເສັ້ນທາງ 3604 ບ້ານຊ້າງ-ບ້ານ ຫົວເມືອງທໍ່ຂາດ 2 ຈຸດ, ເສັ້ນທາງຫຼວງແຫ່ງຊາດ 2A ດິນສະໄລ 1 ຈຸດ, ເສັນທາງເລກທີ 3804 ບ້ານດອນຟືອງ-ບ້ານສາມັກຄີໄຊ ທໍ່ຂາດ 3 ຈຸດ ແລະ ເສັ້ນທາງຫຼວງ 2A ເມືອງຊຽງຮ່ອນ-ເມືອງຄອບ.
 |
ອາຄານຂອງລັດ, ມີສຸກສາລາໄດ້ຮັບຜົນກະທົບ 1 ແຫ່ງ ການຊ່ວຍເຫຼືອສຸກເສີນເບີ້ອງຕົ້ນຕໍ່ກັບສະພາບການດັ່ງກ່າວ, ທາງຄະນະກຳມະການປ້ອງກັນໄພພິບັດຂັ້ນເມືອງ ໄດ້ປະສານງານຈາກກຳລັງ ກອງຮ້ອຍ 151, ກອງພັນໃຫຍ່ 301, ກອງພັນນ້ອຍ 414, ກອງບັນຊາການທະຫານເມືອງ, ປກສ ເມືອງ ພະນັກງານພາຍໃນເມືອງ ແລະ ປະຊາຊົນ ລົງຊ່ວຍເຫຼືອຄອບຄົວຜູ້ທີ່ໄດ້ຮັບຜົນກະທົບ ເປັນຕົ້ນແມ່ນອານາໄມທີ່ຢູ່ອາໃສ ແລະ ໄດ້ສະໜອງນໍ້າດື່ມ, ອາຫານແຫ້ງ ໃຫ້ຜູ້ໄດ້ຮັບຜົນກະທົບໃນເບື້ອງຕົ້ນ. ສໍາລັບມູນຄ່າການເສຍຫາຍດັ່ງກ່າວ ແມ່ນພາກສ່ວນກ່ຽວຂ້ອງກໍາລັງເລັ່ງເກັບກໍາຂໍ້ມູນ ແລະ ຈະລາຍງານໃຫ້ຮູ້ພາຍຫຼັງ.
(ຂ່າວ: ດອນ ຂຽວພະນາ)
ຄໍາເຫັນ