GDP ຫວຽດນາມ 6 ເດືອນຕົ້ນປີ 2025 ເພີ່ມຂຶ້ນ 7.52%

11:18 07/07/2025

ວິທະຍຸກະຈາຍສຽງຫວຽດນາມ ລາຍງານໃນວັນທີ 5 ກໍລະກົດ ຜ່ານມາ; ທ່ານນາງ ຫງວຽນທິເຮືອງ ຫົວໜ້າກົມສະຖິຕິ ໃຫ້ຮູ້ວ່າ: ການເຕີບໂຕ GDP ຂອງຫວຽດນາມບັນລຸລະດັບສູງສຸດຢູ່ພາກພື້ນອາຊີຕາເວັນອອກສ່ຽງໃຕ້, ໃນນັ້ນຂົງເຂດກະສິກຳ, ປ່າໄມ້ ແລະ ສິນໃນນ້ຳ ໄດ້ຮັກສາການເຕີບໂຕເປັນປົກກະຕິ.

ຂ່າວລະບຸວ່າ: ຕາມຂໍ້ມູນໃນກອງປະຊຸມຖະແຫຼງຂ່າວໄຕມາດທີ II/2025 ທີ່ໄດ້ດຳເນີນໃນວັນທີ 5 ກໍລະກົດ ຜ່ານມາ ຢູ່ນະຄອນຫຼວງຮ່າໂນ້ຍ, ກົມສະຖິຕິ (ກະຊວງການເງິນ) ໃຫ້ຮູ້ວ່າ: ໄຕມາດທີ II ຮັບຮູ້ຈຸດພົ້ນເດັ່ນນັ້ນແມ່ນຍອດຜະລິດຕະພັນພາຍໃນປະເທດ (GDP) ມີການເຕີບໂຕຢ່າງຕັ້ງໜ້າ, ດ້ວຍຄວາມໄວການເຕີບໂຕຄາດວ່າຈະບັນລຸ 7.96% ເມື່ອທຽບໃສ່ໄລຍະດຽວກັນຂອງປີກາຍນີ້, ຄວາມໄວການເຕີບໂຕ 8.56% ຂອງໄຕມາດທີ II ປີ 2022 ໃນໄລຍະ 2020 – 2025. ໄລ່ລວມ 6 ເດືອນຕົ້ນປີ 2025, GDP ເພີ່ມຂຶ້ນ 7.52% ເມື່ອທຽບໃສ່ໄລຍະດຽວກັນຂອງປີກ່ອນ, ຢູ່ລະດັບສູງສຸດໃນ 6 ເດືອນຕົ້ນປີໃນໄລຍະ 2021 – 2025.

ຕີລາຄາກ່ຽວກັບລະດັບໃນການເຕີບໂຕເສດຖະກິດໃນ 6 ເດືອນຕົ້ນປີ, ທ່ານນາງ ຫງວຽນທິເຮືອງ ໃຫ້ຮູ້ວ່າ: ການເຕີບໂຕ GDP ຂອງ ຫວຽດນາມ ບັນລຸລະດັບສູງສຸດຢູ່ພາກພື້ນອາຊີຕາເວັນອອກສ່ຽງໃຕ້, ໃນນັ້ນຂົງເຂດກະສິກຳ, ປ່າໄມ້ ແລະ ສິນໃນນ້ຳ ໄດ້ຮັກສາການເຕີບໂຕເປັນປົກກະຕິ, ຕອບສະໜອງຄວາມຮຽກຮ້ອງຕ້ອງການຊົມໃຊ້ພາຍໃນປະເທດ ແລະ ຮັບໃຊ້ການສົ່ງອອກ. ຂົງເຂດອຸດສາຫະກຳ ແລະ ກໍ່ສ້າງ, ຂະແໜງອຸດສາຫະກຳບັນລຸລະດັບການເຕີບໂຕສູງ, ມູນຄ່າເພີ່ມໃນທົ່ວຂະແໜງອຸດສາຫະກຳ ໃນ 6 ເດືອນຕົ້ນປີ 2025 ເພີ່ມຂຶ້ນ 8.07%, ຂະແໜງກໍ່ສ້າງເພີ່ມຂຶ້ນ 9.62%

ຄໍາເຫັນ

ຂ່າວຕ່າງປະເທດ

ອົສຕຣາລີ ຈະສ້າງຫ້ອງທົດລອງກວດສານພິດໃນອາຫານທະເລ

21/08/2025 15:03

ຂ່າວຕ່າງປະເທດລາຍງານວ່າ: ທ່ານ ອັນໂຕນີ ອານບາເນັສ ນາຍົກລັດຖະມົນຕີ ອົສຕຣາລີ ປະກາດໃນວັນທີ 20 ສິງຫາ ຜ່ານມາວ່າ: ລັດຖະບານຈະສ້າງຫ້ອງທົດລອງໃໝ່ ຢູ່ລັດ South Australia ເພື່ອກວດຫາສານພິດ ໃນອາຫານທະເລ ໂດຍມີເປົ້າໝາຍເພື່ອແນໃສ່ແກ້ໄຂການລະບາດຂອງສາຫຼ່າຍພິດ ທີ່ເກີດຢູ່ບໍລິເວນນອກຊາຍຝັ່ງຂອງລັດດັ່ງກ່າວ.

ຈຳນວນຜູ້ເສຍຊີວິດຈາກໄພນໍ້າຖ້ວມຢູ່ພາກເໜືອປາກິສຖານ ຫຼາຍກວ່າ 400 ຄົນ

21/08/2025 14:41

ຂ່າວຕ່າງປະເທດລາຍງານຈາກເມືອງເປສະວາ ປະເທດປາກິສຖານ ໃນວັນທີ 20 ສິງຫາ ຜ່ານມາວ່າ: ຝົນຕົກໜັກໃນທົ່ວພາກເໜືອຂອງປາກິສຖານ ເຮັດໃຫ້ເກີດນໍ້າຖ້ວມ ແລະ ດິນເຈື່ອນ ຊຶ່ງສ້າງຄວາມເສຍຫາຍຢ່າງໜັກໜ່ວງໃຫ້ແກ່ບ້ານເຮືອນຕ່າງໆ, ເຮັດໃຫ້ມີຜູ້ຄົນຈຳນວນຫຼາຍຕິດຢູ່ໃຕ້ຊາກຫັກພັງ ແລະ ອີກຫຼາຍຄົນສູນຫາຍ.

ໄຟປ່າໃນເອີຣົບທຳລາຍພື້ນທີ່ເກືອບ 895,000 ເຮັກຕາ

21/08/2025 13:29

ຂ່າວຕ່າງປະເທດລາຍງານ ໃນວັນທີ 20 ສິງຫາ ຜ່ານມາວ່າ: ສູນຄົ້ນຄວ້າຮ່ວມຂອງຄະນະກຳມາທິການເອີຣົບເປີດເຜີຍວ່າ: ໄຟປ່າໄດ້ທໍາລາຍພື້ນທີ່ທົ່ວສະຫະພາບເອີຣົບ (EU)ເກືອບ 895,000 ເຮັກຕາ ໃນປີ 2025 ຫຼາຍກວ່າໄລຍະດຽວກັນຂອງປີ 2024 ກວ່າ 4 ເທົ່າ ແລະ ເພີ່ມຂຶ້ນຫຼາຍກວ່າ 2 ເທົ່າ ເມື່ອທຽບກັບໂຕເລກ 439,568 ເຮັກຕາ ໃນອາທິດກ່ອນໜ້ານີ້ ຊຶ່ງຊີ້ໃຫ້ເຫັນເຖິງການແຜ່ລາມຢ່າງໄວວາຂອງໄຟປ່າໃນສອງສາມມື້ຜ່ານມາ.

ເດືອນກໍລະກົດ ການສົ່ງອອກຂອງຍີ່ປຸ່ນ ຫຼຸດລົງ 2.6%

21/08/2025 13:23

ຂ່າວຕ່າງປະເທດລາຍງານວ່າ: ກະຊວງການເງິນຍີ່ປຸ່ນລາຍງານໃນວັນທີ 20 ສິງຫາ ຜ່ານມາວ່າ, ການສົ່ງອອກໄດ້ຫຼຸດລົງ 2.6% ໃນເດືອນກໍລະກົດ ມາເປັນ 9.36 ພັນຕື້ເຢນ ເມື່ອທຽບໃສ່ໄລຍະດຽວກັນຂອງປີກາຍ ຊຶ່ງເປັນການຫຼຸດລົງຢ່າງໜັກໜ່ວງທີ່ສຸດໃນຮອບຫຼາຍກວ່າ 4 ປີ ຫຼື ນັບແຕ່ເດືອນກຸມພາ 2021 ແລະ ຫຼຸດລົງຢ່າງຫຼວງຫຼາຍຈາກເດືອນມິຖຸນາ ຊຶ່ງໄດ້ຫຼຸດລົງພຽງແຕ່ 0.5%. ນອກຈາກນີ້, ການສົ່ງອອກໃນເດືອນກໍລະກົດຍັງຫຼຸດລົງຫຼາຍກວ່າທີ່ນັກວິເຄາະຄາດຄະເນໄວ້ວ່າຈະຫຼຸດລົງ 2.1%.

ການຄ້າສິນຄ້າລະຫວ່າງຈີນ ກັບ ປະເທດສະມາຊິກອົງການຮ່ວມມືຊຽງໄຮ້ ບັນລຸ 247 ຕື້ 700 ລ້ານໂດລາ

21/08/2025 13:18

ຂ່າວສານຊີອາໄອລາຍງານໃນວັນທີ 20 ສິງຫາ ຜ່ານມາວ່າ: ກະຊວງການຄ້າຈີນແຈ້ງໃຫ້ຮູ້ວ່າ, ໃນຊຸມປີມໍ່ໆມານີ້ການຮ່ວມມືດ້ານເສດຖະກິດລະດັບພາກພື້ນຂອງອົງການຮ່ວມມືຊຽງໄຮ້ໄດ້ຮັບການພັດທະນາຢ່າງບໍ່ຢຸດຢັ້ງ. ໃນນັ້ນ, ຂະໜາດການຄ້າດ້ານສິນຄ້າຂະຫຍາຍຕົວຢ່າງຕໍ່ເນື່ອງ. ໃນ 6 ເດືອນຕົ້ນປີນີ້, ຍອດມູນຄ່າການຄ້າສິນຄ້າລະຫວ່າງຈີນ ກັບ ປະເທດສະມາຊິກອື່ນໆຂອງອົງການຮ່ວມມືຊຽງໄຮ້ໄດ້ບັນລຸເຖິງ 247 ຕື້ 700 ລ້ານໂດລາ, ເພີ່ມຂຶ້ນ 0.8% ເມື່ອທຽບກັບໄລຍະດຽວກັນຂອງປີ 2024. ໃນ 5 ປີມໍ່ໆມານີ້, ຍອດມູນຄ່າການຄ້າລະຫວ່າງຈີນ ກັບປະເທດສະມາຊິກອື່ນໆຂອງອົງການຮ່ວມມືຊຽງໄດ້ບັນລຸເຖິງ 300 ຕື້, 400 ຕື້ ແລະ 500 ຕື້ໂດລາ ຢ່າງລຽນຕິດ ແລະ ບັນລຸຮອດ 512 ຕື້ 400 ລ້ານໂດລາໃນປີ 2024 ຊຶ່ງໄດ້ສ້າງສະຖິຕິສູງສຸດໃນປະຫວັດສາດ, ເພີ່ມຂຶ້ນ 2.7% ເມື່ອທຽບໃສ່ປີ 2023.

ຫວຽດນາມ ກາຍເປັນປະເທດນຳໜ້າໃນການດຶງດູດເງິນລົງທຶນ FDI

21/08/2025 13:15

ວິທະຍຸກະຈາຍສຽງຫວຽດນາມລາຍງານວ່າ: ຫວ່າງມໍ່ໆມານີ້, ເວັບໄຊ ໄດ້ລົງບົດວິເຄາະຂອງທ່ານ ຫງວຽນຈາງ ແລະ ທ່ານ ບໍຣິສ ຊັລລິແວນ ຊຶ່ງໃຫ້ຂໍ້ສັງເກດວ່າ ຫວຽດນາມ ພວມພົ້ນເດັ່ນຂຶ້ນແມ່ນສະຖານທີ່ນັດພົບຂອງການລົງທຶນໂດຍກົງຈາກຕ່າງປະເທດ (FDI) ແຖວໜ້າໂລກ, ດ້ວຍກຳລັງແຮງໜຸ່ມທີ່ມີຄວາມຂະຫຍັນຂັບເຄື່ອນ, ບັນດາສັນຍາການຄ້າ ທີ່ສະດວກ ແລະ ສະພາບແວດລ້ອມດ້ານການເມືອງທີ່ເປັນປົກກະຕິ. ບົດຂຽນລະບຸວ່າ: ທຶນ FDI ຂອງ ຫວຽດນາມ ພວມມີທ່າເຕີບໂຕຢ່າງບໍ່ຢຸດຢັ້ງ. ປີ 2023, ຫວຽດນາມໄດ້ດຶງດູດເງິນລົງທຶນຈົດທະບຽນ FDI 36.6 ຕື້ກວ່າໂດລາ, ເພີ່ມຂຶ້ນ 32% ເມື່ອທຽບໃສ່ກັບປີກາຍນີ້. ນີ້ແມ່ນລະດັບສະຖິຕິທີ່ສູງໃນຫຼາຍປີມານີ້.

ຊີວະປະຫວັດຫຍໍ້

20/08/2025 15:00

- ຊື່ ແລະ ນາມສະກຸນ: ນາງ ຫວໍ ທິ ແອ໋ງ ຊວນ (VO THI ANH XUAN). ເພດ: ຍິງ. - ວັນເດືອນປີເກີດ: 8/1/1970. ຊົນເຜົ່າ: ກິງ. - ບ້ານເກີດ: ຕາແສງ ເຖີ່ຍເຊີນ ເມືອງຕິ້ງບຽນ ແຂວງອານຢາງ. - ລະດັບວິຊາສະເພາະ: ປະລິນຍາໂທການຄຸ້ມຄອງສາທາລະນະ. - ລະດັບທິດສະດີການເມືອງ: ຂັ້ນສູງ. - ວັນເດືອນປີເຂົ້າພັກສຳຮອງ: 20/12/1994. ວັນເດືອນປີເຂົ້າພັກສົມບູນ: 20/12/1995.

ເມັກຊິກ ມີຈຸດປະສົງເພິ່ງພາຕົນເອງດ້ານພະລັງງານ

20/08/2025 12:27

ຂ່າວຕ່າງປະເທດລາຍງານ ໃນວັນທີ 19 ສິງຫາ ຜ່ານມາວ່າ: ທ່ານ ນາງ ຄລໍເດຍ ເຊນບາມ ປະທານາທິບໍດີເມັກຊິກ ເປີດເຜີຍວ່າ: ເມັກຊິກກໍາລັງຊອກຫາວິທີການສ້າງຄວາມເປັນເອກະລາດດ້ານພະລັງງານ ແລະ ຫຼຸດຜ່ອນການເອື່ອຍອີງຈາກສະຫະລັດ ອາເມຣິກາ, ເນື່ອງຈາກວ່າປັດຈຸບັນເມັກຊິກເພິ່ງພາອາຍແກ໊ສທໍາມະຊາດລາຄາຖືກຈາກສະຫະລັດ ອາເມຣິກາ ຢ່າງຫຼວງຫຼາຍ.

ສິງກະໂປ ປາບປາມການສູບຢາສູບໄຟຟ້າໃນລະບົບຂົນສົ່ງສາທາລະນະ

20/08/2025 12:24

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການຂົນສົ່ງທາງບົກຂອງສິງກະໂປລາຍງານວ່າ, ສິງກະໂປພວມເພີ່ມທະວີການປາບປາມການສູບຢາສູບໄຟຟ້າ (vaping)ພາຍໃນລະບົບການຂົນສົ່ງສາທາລະນະ, ໂດຍມີບັນດາເຈົ້າໜ້າທີ່ຢູ່ຕາມສະຖານີຂົນສົ່ງດຳເນີນການລາດຕະເວນຢ່າງຕັ້ງໜ້າ.

ຜົນການສຳຫຼວດ ພະນັກງານ ສ ເກົາຫຼີ ຫຼາຍກວ່າເຄິ່ງໜຶ່ງນຳໃຊ້ AI ເຮັດວຽກ

20/08/2025 12:20

ຂ່າວຕ່າງປະເທດລາຍງານ ໃນວັນທີ 18 ສິງຫາ ຜ່ານມາວ່າ: ທະນາຄານກາງ ສ ເກົາຫຼີ (BOK) ເປີດເຜີຍວ່າ ,ພະນັກງານຫຼາຍກວ່າເຄິ່ງໜຶ່ງໃຊ້ປັນຍາປະດິດແບບສ້າງສັນ ຫຼື Generative AI ໃນບ່ອນເຮັດວຽກ ແລະ ຄາດຄະເນວ່າ AI ໄດ້ປະກອບສ່ວນປະມານ 1% ເຂົ້າໃນ GDP ຂອງປະເທດໃນໄລຍະ 2 ປີຜ່ານມາ.

ເພີ່ມເຕີມ