ໂດຍມີຜູ້ທີ່ເຮັດວຽກຄຸ້ມຄອງວັດຖຸບູຮານ ແລະ ຫໍພິພິທະພັນຈີນ ແລະ ຕ່າງປະເທດ, ຜູ້ຕາງໜ້າອົງການຈັດຕັ້ງສາກົນ ແລະ ຜູ້ຕາງໜ້າຈາກອົງການຄົ້ນຄວ້າວິທະຍາສາດ 100 ກວ່າທ່ານ ໄດ້ເຕົ້າໂຮມກັນເພື່ອຮ່ວມກັນຄົ້ນຄວ້າກ່ຽວກັບເສັ້ນທາງທີ່ເປັນໄປໄດ້ໃນການປົກປັກຮັກສາທີ່ມີການຮ່ວມມືຫຼາຍຝ່າຍ.
ທ່ານ ສູສິ່ງ ອະດີດຮອງຜູ້ອຳນວຍການໃຫຍ່ອົງການສະຫະປະຊາຊາດເພື່ອການສຶກສາ, ວິທະຍາສາດ ແລະວັດທະນະທຳ ຫຼື UNESCO ໄດ້ສະຫຼຸບແນວຄິດການປົກປັກຮັກສາມໍລະດົກໃນໄລຍະໜຶ່ງສະຕະວັດທີ່ຜ່ານມາ, ຕັ້ງແຕ່ “ກົດບັດອາແຕນ” ຈົນເຖິງ “ເອກະສານນາຣາ ວ່າດ້ວຍຄວາມຈິງແທ້ໆ”, ໂດຍເນັ້ນໃຫ້ເຫັນວ່າມໍລະດົກວັດທະ ນະທຳໄດ້ຄ່ອຍໆກາຍເປັນຊັບສິນຮ່ວມກັນຂອງມວນມະນຸດ. ທ່ານເຕືອນໃຫ້ຮູ້ວ່າ: ການປ່ຽນແປງຂອງດິນຟ້າອາກາດ, ການປະທະກັນດ້ວຍກຳລັງອາວຸດ, ການແບ່ງປັນຊັບພະຍາກອນດ້ານການອະນຸລັກບໍ່ສະເໝີພາບກັນ ແລະ ບັນຫາອື່ນໆກຳລັງທົດສອບການບໍລິຫານທົ່ວໂລກ ແລະ ໄດ້ຮຽກຮ້ອງໃຫ້ທຸກປະເທດຈັດຕັ້ງປະຕິບັດຕົວຈິງຢ່າງເປັນຮູບປະທຳໂດຍອີງໃສ່ສົນທິສັນຍາສາກົນ.
ຄໍາເຫັນ