ບົດລາຍງານດັ່ງກ່າວເຜີຍແຜ່ໃນງານວາງສະແດງການຄ້າດີຈີຕອນໂລກຄັ້ງທີ 5 ທີ່ຈັດຂຶ້ນໃນລະຫວ່າງວັນທີ 23-27 ກັນຍາ ຜ່ານມາ ທີ່ເມືອງຫາງໂຈວ ແຂວງເຈີ້ຈຽງ ພາກຕາເວັນອອກຂອງຈີນ, ໄດ້ສະເໜີພາບລວມຂອງປະລິມານ ແລະ ໂຄງສ້າງຂອງການຄ້າດີຈີຕອນໂລກ, ການຫັນປ່ຽນເຕັກໂນໂລຊີ ແລະ ວິທີການໃໝ່ໆ, ພ້ອມທັງສຳຫຼວດທ່າອ່ຽງຂອງອຸດສາຫະກໍາໃນອະນາຄົດ.
ມູນຄ່າການສົ່ງອອກຜ່ານລະບົບດີຈີຕອນບັນລຸ 5.26 ພັນຕື້ໂດລາ, ກວມເອົາ 67.9% ຂອງທັງໝົດ, ສ່ວນໃຫຍ່ແມ່ນຂັບເຄື່ອນໂດຍພື້ນຖານໂຄງລ່າງຄລາວ ແລະ ການບໍລິການປັນຍາປະດິດ (AI). ໃນຂະນະທີ່ມູນຄ່າການສົ່ງອອກສິນຄ້າ ຫຼື ການບໍລິການທີ່ສັ່ງຊື້ຜ່ານລະບົບດີຈີຕອນບັນລຸ 2.49 ພັນຕື້ໂດລາ.
ບົດລາຍງານທີ່ໄດ້ກ່າວມາຂ້າງເທິງນີ້ໄດ້ລວບລວມຜົນສຳເລັດດ້ານນະວັດຕະກຳການຄ້າດີຈີຕອນໂລກ 20 ລາຍການ ຈາກເສດຖະກິດທີ່ມີລະດັບການພັດທະນາທີ່ແຕກຕ່າງກັນ, ລວມທັງການເສີມຂະຫຍາຍປັນຍາປະດິດ, ການຈ່າຍເງິນຂ້າມຊາຍແດນ, ການຄ້າສີຂຽວແລະ ຊັບສິນທາງປັນຍາດີຈີຕອນ.
ນອກຈາກນັ້ນ, ມູນຄ່າການຄ້າການບໍລິການທີ່ສົ່ງຜ່ານລະບົບດີຈີຕອນຂອງຈີນລະຫວ່າງປີ 2016 - 2025 ເຕີບໂຕໃນອັດຕາສະເລ່ຍ 11.2% ຕໍ່ປີ ຊຶ່ງສູງກວ່າລະດັບສະເລ່ຍຂອງໂລກ 1.8%. ໂດຍຈີນຕັ້ງເປົ້າໝາຍທີ່ຈະເພີ່ມອັດຕາສ່ວນຂອງການຄ້າໃນການບໍລິການທັງໝົດໃຫ້ຫຼາຍກວ່າ 45% ພາຍໃນປີ 2029 ແລະ 50% ພາຍໃນປີ 2035.
ຄໍາເຫັນ