ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນ​ທີ 27 ກັນ​ຍາ ຜ່ານມາ, ຕຳຫຼວດ​ເນ​ປານ​ລາຍ​ງານ​ວ່າ, ​ເກີດ​ເຫດ​ຫິ​ມະ​ຖະຫຼົ່ມຢູ່​ພູ​ຮິມ​ລຸງທາງ​ພາກ​ເໜືອ​ຂອງ​ເນ​ປານ ແລະ ​ໄດ້​ພົບ​​ຜູ້​ເສຍ​ຊີ​ວິດ 2 ຄົນ.

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນ​ທີ 28 ກັນ​ຍາ ຜ່ານມາ, ອົງ​ການ​ອາ​ຫານ ແລະ ການກະເສດ​ແຫ່ງ​ສະ​ຫະ​ປະ​ຊາ​ຊາດ ຫຼື FAO ໄດ້​ປະ​ກາດບົດ​ລາຍ​ງານ “ສະ​ພາບ​ປ່າ​ໄມ້​ທົ່ວ​ໂລກ​ປີ 2026”, ໂດຍ​ຊີ້​ໃຫ້​ເຫັນ​ວ່າ, ຄາດ​ວ່າ ຜົນ​ເສຍ​ຫາຍ​ດ້ານ​ເສດ​ຖະ​ກິດ​ຍ້ອນ​ການ​ຊຸດ​ໂຊມ​ທາງ​ດ້ານ​ນິ​ເວດ​ຂອງ​ໂລກ​ສູງ​ເຖິງ 878 ຕື້​ໂດ​ລາ ຫາ 6,300 ຕື້​ໂດ​ລາ​​ຕໍ່​ປີ. ບົດ​ລາຍ​ງານ​ຍັງ​ເນັ້ນ​ໜັກ​ວ່າ, ການ​ຟື້ນ​ຟູ​ປ່າ​ໄມ້ ແລະ ທິວ​ທັດ​ແມ່ນ​ມາດ​ຕະ​ການ​ທີ່​ມີ​ປະ​ສິດ​ທິ​ຜົນ​ສູງ​ເພື່ອ​ຮັບ​ມື​ກັບ​ບັນ​ຫາ​ດ້ານ​ຄວາມ​ໝັ້ນ​ຄົງ​ຂອງ​ສະ​ບຽງ​ອາ​ຫານ ແລະ ສິ່ງ​ທ້າ​ທາຍ​ດ້ານ​ການ​ພັດ​ທະ​ນາ.

ຂ່າວຕ່າງປະເທດລາຍງານ ເມື່ອບໍ່ດົນມານີ້ວ່າ: ປະຊາກອນສິງກະໂປເພີ່ມຂຶ້ນ 1.6% ຫຼື 97,300 ຄົນ ເປັນ 6.21 ລ້ານຄົນ ໃນເດືອນມິຖຸນາ 2026, ເພີ່ມຂຶ້ນຈາກ 6.11 ລ້ານຄົນໃນປີກ່ອນ. ໂດຍແຮງງານທີ່ບໍ່ແມ່ນພົນລະເມືອງແມ່ນກຸ່ມທີ່ມີການເພີ່ມຂຶ້ນຫຼາຍທີ່ສຸດ.

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນ​ທີ 28 ກັນ​ຍາ ຜ່ານມາ, ທ່ານ ຟູ້​ຊົ່ງ ຜູ້​ຕາງ​ໜ້າຖາ​ວອນ​ຂອງ​ຈີນ​ປະ​ຈຳ​ອົງ​ການ​ສະ​ຫະ​ປະ​ຊາ​ຊາດ​ ໄດ້​ປະ​ກອບ​ຄວາມ​ເຫັນ​ໃນ​ກອງ​ປະ​ຊຸມ​ລະ​ດັບ​ສູງ​ເພື່ອ​ລະ​ນຶກ​ຄົບ​ຮອບ 25 ປີ​ຂອງ​ການ​ຮັບ​ຮອງ​ເອົາ “ຖະ​ແຫຼງ​ການ ແລະ ໂຄງ​ການ​ດຳ​ເນີນ​ງານດູ​ບານ” ໂດຍ​ໄດ້​​ເນັ້ນ​ເຖິງ​ຄວາມ​ສຳ​ຄັນ​ຂອງ​ສັນ​ຕິ​ພາບ ແລະ ການ​ພັດ​ທະ​ນາ​ທີ່​ມີ​ຕໍ່​ການ​​ຕໍ່ສູ້​ກັບ​ການ​ຈຳ​ແນກ​ເຊື້ອ​ຊາດ.

ວິທະຍຸກະຈາຍສຽງຫວຽດນາມລາຍງານໃນວັນທີ 28 ກັນຍາ ຜ່ານມາວ່າ: ປ່າ​ສະ​ຫງວນ​ແຫ່ງ​ຊາດ ຟອງ​ຍາ ແກ໋​ບາງ ຍາດ​ໄດ້​ລາງວັນ​ປ່າ​ສະ​ຫງວນ​ແຫ່ງ​ຊາດ​ແຖວ​ໜ້າ ອາ​ຊີ ປີ 2026 (Asia’s Leading National Park 2026) ແລະ ສະ​ຖານ​ທີ່​ນັດ​ພົບ​ທຳ​ມະ​ຊາດ​ແຖ​ວ​ໜ້າ ຫວຽດ​ນາມ ປີ 2026 (Vietnam’s Leading Nature Destination 2026” - ຈຸດ​ນັດ​ພົບ​ທຳ​ມະ​ຊາດ​ແຖວ​ໜ້າ ຫວຽດ​ນາມ 2026) ໃນ​ພິທີປະກາດຜົນລາງວັນການທ່ອງທ່ຽວໂລກ ປະຈຳປີ 2026 (World Travel Awards 2026) ພາກ​ພື້ນ​ອາ​ຊີ, ໂອ​ເຊ​ອາ​ນີ ແລະ ມະ​ຫາ​ສະ​ໝຸດ​ອິນ​ເດຍ​ ທີ່ຈັດຂຶ້ນໃນປະເທດມານດິບ, ໃນ​​ວັນ​ທີ 27 ກັນ​ຍາ ຜ່ານມາ. ການ​ໄດ້​ຮັບ​ລາງວັນດັ່ງກ່າວ​ໄດ້​ປະ​ກອບ​ສ່ວນ​ຢັ້ງ​ຢືນ​ກຳ​ລັງ​ດຶງ​ດູ​ດ​ໃຈ, ເຄື່ອງ​ໝາຍ​ການ​ຄ້າ​ການ​ທ່ອງ​ທ່ຽວ​ທຳ​ມະ​ຊາດ ແລະ ຖ້ຳ ​ຂອງ ຝອງ​ຍາ - ແກບ໋າງ ໃນ​ຕະຫຼາດ​ສາ​ກົນ.

ວິທະຍຸກະຈາຍສຽງຫວຽດນາມລາຍງານໃນວັນທີ 27 ກັນຍາ ຜ່ານມາວ່າ: ຫວຽດນາມ ຖືກຈັດອັນດັບທີ 52 ໃນຈຳນວນ 110 ພື້ນຖານເສດຖະກິດໂລກ ກ່ຽວກັບດັດຊະນີກຳລັງຄວາມສາມາດໃນການພັດທະນາການທ່ອງທ່ຽວທົ່ວໂລກ (Travel & Tourism Development Index - TTDI) ປີ 2026.

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 27 ກັນຍາ ຜ່ານມາວ່າ: ເມື່ອປະເຊີນໜ້າກັບສິ່ງທ້າທາຍຕ່າງໆຂອງໂລກ ເຊັ່ນ: ໄພພິບັດຈາກດິນຟ້າອາກາດທີ່ກັດເຊາະແຫຼ່ງບູຮານສະຖານ, ການປະທະກັນໃນພາກພື້ນທຳລາຍຮ່ອງຮອຍ ແລະ ວັດຖຸບູຮານ, ການຄ້າຂາຍ ແລະ ຂົນສົ່ງວັດຖຸບູຮານຜິດກົດໝາຍ ແລະ ອື່ນໆ, ກອງປະຊຸມເວທີປຶກສາຫາລືຄູ່ຂະໜານທີ່ມີຫົວຂໍ້ “ການຮ່ວມມືສາກົນການປົກປັກຮັກສາມໍລະດົກວັດທະນະທຳ” ຂອງກອງປະຊຸມເວທີປຶກສາຫາລືວັດທະນະທຳປັກກິ່ງ 2026 ໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນ ຫວ່າງມໍໍ່ໆມານີ້.

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ລັດຖະບານອິນເດຍໄດ້ປະກາດຫຼຸດພາສີພື້ນຖານສຳລັບການນຳເຂົ້ານ້ຳມັນພືດ, ທັງນ້ຳມັນດິບ ແລະ ນ້ຳມັນປຸງແຕ່ງ, ກວມເອົານ້ຳມັນປາມ, ນ້ຳມັນຖົ່ວເຫຼືອງ ແລະ ນ້ຳມັນດອກຕາເວັນ, ເພື່ອສະກັດກັ້ນລາຄາສິນຄ້າທີ່ເພີ່ມຂຶ້ນກ່ອນວັນບຸນສຳຄັນ.

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ບົດລາຍງານການພັດທະນາການຄ້າດີຈີຕອນໂລກປີ 2026 ໄດ້ເປີດເຜີຍວ່າ, ຂະແໜງການຄ້າດີຈີຕອນໂລກຍັງຄົງເຂັ້ມແຂງເຖິງວ່າຈະມີແຮງກົດດັນຈາກພາຍນອກ. ໂດຍມູນຄ່າການສົ່ງອອກໃນປີ 2025 ບັນລຸ 7.75 ພັນຕື້ໂດລາ, ເພີ່ມຂຶ້ນ 7.1% ເມື່ອທຽບກັບປີກ່ອນ, ກວມເອົາ 22.2% ຂອງການສົ່ງອອກສິນຄ້າ ແລະ ການບໍລິການທົ່ວໂລກ ແລະ ເພີ່ມຂຶ້ນ 2.6% ຈາກປີ 2021 ຊຶ່ງເຕີບໂຕສູງກວ່າການຄ້າທົ່ວໂລກຢ່າງຕໍ່ເນື່ອງ.

ບຸນໄຫວ້ພະຈັນ ເປັນບຸນປະເພນີທີ່ສຳຄັນຂອງຈີນ. ມື້ບຸນໄຫວ້ພະຈັນປີນີ້ແມ່ນວັນທີ 25 ກັນຍາ 2026 ກົງກັບມື້ເພັງເດືອນ 8 ຕາມຈັນທະຄະຕິຈີນ, ນັບແຕ່ບູຮານນະການເປັນຕົ້ນມາ, ການສະຫຼອງບຸນໄຫວ້ພະຈັນແມ່ນມີຮີດຄອງປະເພນີຕ່າງໆເຊັ່ນ: ການໄຫວ້ພະຈັນ, ຊົມພະຈັນ, ກິນເຂົ້າໜົມໄຫວ້ພະຈັນ, ຊົມດອກອົບເຊີຍ, ຊົມໂຄມໄຟ ແລະ ອື່ນໆ. ບຸນໄຫວ້ພະຈັນໄດ້ບັນຈຸຄວາມປາຖະໜາອັນດີງາມຂອງຜູ້ຄົນທັງຫຼາຍທີ່ຢາກໃຫ້ຄົນໃນຄອບຄົວມີຄວາມສາມັກຄີເຕົ້າໂຮມກັນຢ່າງອົບອຸ່ນ, ນອກນີ້ຍັງໄດ້ປຸກລະດົມຄວາມຮັກຊາດຮັກບ້ານເກີດເມືອງນອນຢ່າງດູດດື່ມຂອງຜູ້ຄົນທັງຫຼາຍຕື່ມອີກ. ເນື່ອງໃນໂອກາດບຸນໄຫວ້ພະຈັນໝູນວຽນມາເຖິງ, ພວກເຮົາຂໍຫວນຄືນເຖິງເລື່ອງລາວຂອງທ່ານ ສີຈິ້ນຜິງ ກ່ຽວກັບບຸນໄຫວ້ຈັນ.