ຟອງຍາ - ແກ໋ບາງ ໄດ້ຮັບສອງລາງວັນໃນ World Travel Awards 2026

13:51 29/09/2026

ວິທະຍຸກະຈາຍສຽງຫວຽດນາມລາຍງານໃນວັນທີ 28 ກັນຍາ ຜ່ານມາວ່າ: ປ່າສະຫງວນແຫ່ງຊາດ ຟອງຍາ ແກ໋ບາງ ຍາດໄດ້ລາງວັນປ່າສະຫງວນແຫ່ງຊາດແຖວໜ້າ ອາຊີ ປີ 2026 (Asia’s Leading National Park 2026) ແລະ ສະຖານທີ່ນັດພົບທຳມະຊາດແຖວໜ້າ ຫວຽດນາມ ປີ 2026 (Vietnam’s Leading Nature Destination 2026” - ຈຸດນັດພົບທຳມະຊາດແຖວໜ້າ ຫວຽດນາມ 2026) ໃນພິທີປະກາດຜົນລາງວັນການທ່ອງທ່ຽວໂລກ ປະຈຳປີ 2026 (World Travel Awards 2026) ພາກພື້ນອາຊີ, ໂອເຊອານີ ແລະ ມະຫາສະໝຸດອິນເດຍ ທີ່ຈັດຂຶ້ນໃນປະເທດມານດິບ, ໃນວັນທີ 27 ກັນຍາ ຜ່ານມາ. ການໄດ້ຮັບລາງວັນດັ່ງກ່າວໄດ້ປະກອບສ່ວນຢັ້ງຢືນກຳລັງດຶງດູດໃຈ, ເຄື່ອງໝາຍການຄ້າການທ່ອງທ່ຽວທຳມະຊາດ ແລະ ຖ້ຳ ຂອງ ຝອງຍາ - ແກບ໋າງ ໃນຕະຫຼາດສາກົນ.

ທ່ານ ຟ້າມຮົ່ງທ້າຍ ຫົວໜ້າຄະນະຄຸ້ມຄອງປ່າສະຫງວນແຫ່ງຊາດ ຝອງຍາ - ແກ໋ບາງ ໃຫ້ຮູ້ວ່າ: ສອງລາງວັນ World Travel Awards 2026 ພ້ອມກັບບັນດາການເຄື່ອນໄຫວສົ່ງເສີມຢູ່ປະເທດມານດິບ ໄດ້ຮັບຄວາມມຸ່ງຫວັງຈະປະກອບສ່ວນຍົກສູງການຮັບຮູ້ເຄື່ອງໝາຍການທ່ອງທ່ຽວ ກ໋ວາງຈິ, ສ້າງໂອກາດເຊື່ອມຕໍ່ຕະຫຼາດທ່ອງທ່ຽວສາກົນ.

ພາຍຫຼັງ 25 ປີນັບແຕ່ໄດ້ຮັບການຮັບຮອງເອົານາມມະຍົດ, ມາຮອດປັດຈຸບັນ, ເຄື່ອງໝາຍ ຝອງຍາ - ແກ໋ບາງ ໄດ້ໄປທົ່ວ 5 ທະວີບ, ກາຍເປັນເຄື່ອງໝາຍອັນລ້ຳຄ່າ, ປະກອບສ່ວນພັດທະນາ, ກຳນົດສະຖານທີ່ພັດທະນາໃໝ່ຢູ່ແຂວງກ໋ວາງຈິ. ສຳຄັນທີ່ສຸດແມ່ນຕ້ອງປະຕິບັດສອງໜ້າທີ່ຍຸດທະສາດແມ່ນປົກປ້ອງຄຸນຄ່າພິເສດຂອງອຸທະທິຍານ ກໍຄືຄວາມເປັນຫຼາຍຮູບແບບດ້ານຊີວະສາດ ແລະ ລະບົບວິເວດທີ່ເປັນເອກະລັກສະເພາະໄດ້ເປັນຢ່າງດີ, ສ້າງປະຖົມປັດໄຈ ເພື່ອເສີມຂະຫຍາຍບັນດາຄຸນຄ່າລະດັບສູງຂອງມໍລະດົກຢ່າງສົມເຫດສົມຜົນ.

ຄໍາເຫັນ

ຂ່າວຕ່າງປະເທດ

ຍອດຂາຍຍ່ອຍຂອງສິງກະໂປຊ້າລົງໃນເດືອນສິງຫາ

07/10/2026 10:30

ຂ່າວຕ່າງປະເທດລາຍງານວ່າ: ສຳນັກງານສະຖິຕິແຫ່ງຊາດສິງກະໂປ ເປີດເຜີຍໃນວັນທີ 5 ຕຸລາ ຜ່ານມາວ່າ, ຍອດຂາຍຍ່ອຍຂອງສິງກະໂປເພີ່ມຂຶ້ນ 0.7% ໃນເດືອນສິງຫາ ເມື່ອທຽບກັບປີກ່ອນ, ຊ້າລົງຈາກການເຕີບໂຕ 1.3% ໃນເດືອນກໍລະກົດ.

AMRO ປັບການຄາດຄະເນການເຕີບໂຕ GDP ສ ເກົາຫຼີ ຂຶ້ນເປັນ 3.3%

07/10/2026 10:29

ຂ່າວຕ່າງປະເທດລາຍງານໃນວັນທີ 6 ຕຸລາ ຜ່ານມາວ່າ: ຫ້ອງການຄົ້ນຄວ້າເສດຖະກິດມະຫາພາກອາຊຽນ+3 (AMRO) ໄດ້ປັບການຄາດຄະເນການເຕີບໂຕທາງເສດຖະກິດຂອງ ສ ເກົາຫຼີ ໃນປີ 2026 ຂຶ້ນເປັນ 3.3% ຈາກ 3.1% ແລະ ການຄາດຄະເນປີ 2027 ເປັນ 2.7% ຈາກ 2.2%, ພ້ອມທັງເຕືອນວ່າ ຄວາມຕ້ອງການ AI ທີ່ຊ້າລົງ ແລະ ວິກິດການຕາເວັນອອກກາງອາດຈະສ້າງຄວາມກົດດັນຕໍ່ການສົ່ງອອກ ແລະ ການລົງທຶນໃນພາກພື້ນ.

ນັກວິທະຍາສາດ 3 ທ່ານ ໄດ້ຮັບລາງວັນໂນແບລ ສາຂາການແພດ ປະຈຳປີ 2026

07/10/2026 10:28

ສຳນັກຂ່າວສານຊິນຮວາລາຍງານໃນວັນທີ 6 ຕຸລາ ຜ່ານມາວ່າ: ຄະນະກຳມະການໂນເບວຂອງສະຖາບັນຄາໂຣລິນສະກາ ປະເທດຊູແອດ ໄດ້ປະກາດວ່າ, ນັກວິທະຍາສາດ 3 ທ່ານຄື: ຄາລ ໄດເຊີຣອດ, ປີເຕີ ເຮເກມານ ແລະ ຈອດ ເນເກລ ໄດ້ຮັບລາງວັນໂນເບວສາຂາສະລີລະວິທະຍາ ຫຼື ການແພດ ຈາກຜົນງານການຄົ້ນພົບຊ່ອງໄອອອນທີ່ຄວບຄຸມດ້ວຍແສງ ແລະ ເຕັກໂນໂລຊີ optogenetics ຊຶ່ງເປັນເຕັກນິກທີ່ສະແດງໃຫ້ເຫັນວ່າຈຸລັງປະສາດມີບົດບາດໃນການສ້າງຄວາມຊົງຈຳ, ຄວາມຮູ້ສຶກ ແລະ ພຶດຕິກຳໃນສະໝອງຂອງສິ່ງທີ່ມີຊີວິດແນວໃດ.

UNESCO ຄາດຄະເນ ໂລກອາດຕ້ອງການຄູສອນ 50 ລ້ານຄົນພາຍໃນປີ 2030

07/10/2026 10:27

ສຳນັກຂ່າວສານຊິນຮວາລາຍງານໃນວັນທີ 6 ຕຸລາ ຜ່ານມາວ່າ: ຖະແຫຼງການຮ່ວມຈາກອົງການ UNESCO, ອົງການແຮງງານສາກົນ, ກອງທຶນເດັກແຫ່ງສະຫະປະຊາຊາດ ແລະ ສະຫະພັນການສຶກສາສາກົນ ທີ່ອອກໃນວັນທີ 5 ຕຸລາ ຜ່ານມາ ຊຶ່ງກົງກັບວັນຄູໂລກ ລະບຸວ່າ: ໂລກອາດຈະຕ້ອງການຄູເພີ່ມອີກ 50 ລ້ານຄົນພາຍໃນປີ 2030. ໃນນັ້ນ, 44 ລ້ານຄົນ ແມ່ນຕ້ອງການເພື່ອສະໜັບສະໜູນການສຶກສາຂັ້ນປະຖົມ ແລະ ມັດທະຍົມຕອນປາຍ ແລະ ອີກ 6 ລ້ານຄົນສຳລັບການສຶກສາໃນໄວເດັກ.

6 ເດືອນຕົ້ນປີ ປະລິມານການຄ້າຂາຍຂອງຕະຫຼາດເງິນຕາຕ່າງປະເທດຈີນ ເພີ່ມຂຶ້ນຢ່າງໝັ້ນທ່ຽງ

07/10/2026 10:25

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 6 ຕຸລາ ຜ່ານມາວ່າ: ຫວ່າງບໍ່ດົນມານີ້, ອົງການຄຸ້ມຄອງເງິນຕາຕ່າງປະເທດແຫ່ງຊາດຈີນ ໄດ້ປະກາດ “ບົດລາຍງານລາຍຮັບ ແລະ ລາຍຈ່າຍສາກົນຈີນໃນ 6 ເດືອນຕົ້ນປີ 2026” ໂດຍສະແດງໃຫ້ເຫັນວ່າ:

ເສດຖະກິດຫວຽດນາມ ສືບຕໍ່ເຕີບໂຕແຮງທີ່ສຸດຢູ່ພາກພື້ນອາຊີຕາເວັນອອກ - ປາຊີຟິກ

07/10/2026 10:24

ວິທະຍຸກະຈາຍສຽງຫວຽດນາມລາຍງານວ່າ: ຕາມບົດລາຍງານກ່ຽວກັບເສດຖະກິດພາກພື້ນອາຊີຕາເວັນອອກ - ປາຊີຟິກ (EAP) ຂອງທະນາຄານໂລກ (WB) ທີ່ປະກາດໃນວັນທີ 6 ຕຸລາ ຜ່ານມາ ລະບຸວ່າ, ຫວຽດນາມ ສືບຕໍ່ໄດ້ຮັບການຄາດຄະເນວ່າແມ່ນພື້ນຖານເສດຖະກິດເຕີບໂຕແຮງທີ່ສຸດຢູ່ພາກພື້ນ EAP, ຍ້ອນການບຸກທະລຸຂອງການເຄື່ອນໄຫວຜະລິດ ແລະ ການສົ່ງອອກສິນຄ້າປະເພດເຕັກໂນໂລຊີສູງ ພ້ອມກັບບັນດາຜະລິດຕະພັນທີ່ກ່ຽວຂ້ອງເຖິງປັນຍາປະດິດ, ກໍຄືນະໂຍບາຍປີການເງິນເປີດກວ້າງ.

ອູແກຣນ ໄດ້ຮັບເງິນສະໜັບສະໜູນຈາກ EU 2.9 ຕື້ເອີໂຣ

06/10/2026 12:19

ສຳນັກຂ່າວສານຊິນຮວາລາຍງານໃນວັນທີ 4 ຕຸລາ ຜ່ານມາວ່າ: ກະຊວງການເງິນຂອງອູແກຣນເປີດເຜີຍວ່າ, ອູແກຣນໄດ້ຮັບເງິນສະໜັບສະໜູນ ຈາກສະຫະພາບເອີຣົບ (EU) ຈຳນວນ 2.9 ຕື້ເອີໂຣ ເພື່ອສ້າງສະຖຽນລະພາບທາງເສດຖະກິດ, ສະໜັບສະໜູນລາຍຈ່າຍງົບປະມານທີ່ສຳຄັນ, ການຟື້ນຟູ ແລະ ສ້າງຄວາມທັນສະໄໝ, ລວມທັງການດຳເນີນການປະຕິຮູບ ເພື່ອມຸ່ງໄປສູ່ການເປັນສະມາຊິກຂອງ EU.

ຝຣັ່ງ ປະສົບກັບເດືອນກັນຍາ ທີ່ຮ້ອນທີ່ສຸດເປັນອັນດັບ 2

06/10/2026 12:18

ສຳນັກຂ່າວສານຊິນຮວາລາຍງານໃນວັນທີ 4 ຕຸລາ ຜ່ານມາວ່າ: ສຳນັກງານອຸຕຸນິຍົມວິທະຍາແຫ່ງຊາດຝຣັ່ງລາຍງານວ່າ, ເດືອນກັນຍາ 2026 ເປັນເດືອນກັນຍາທີ່ຮ້ອນທີ່ສຸດອັນດັບ 2 ໃນປະເທດຝຣັ່ງ ນັບຕັ້ງແຕ່ມີການບັນທຶກໃນປີ 1900. ໂດຍອຸນຫະພູມສະເລ່ຍໃນເດືອນກັນຍາສູງກວ່າລະດັບສະເລ່ຍປະມານ 3.1 ອົງສາ ໃນໄລຍະປີ 1991-2020 ແລະ ເປັນອັນດັບສອງຮອງຈາກເດືອນກັນຍາ 2023 ທີ່ມີອຸນຫະພູມສະເລ່ຍສູງກວ່າລະດັບສະເລ່ຍ 3.6 ອົງສາ.

ຍີ່ປຸ່ນ ຢູ່ອັນດັບທີ 12 ໃນດັດຊະນີນະວັດຕະກໍາໂລກ

06/10/2026 12:17

ຂ່າວຕ່າງປະເທດລາຍງານໃນວັນທີ 5 ຕຸລາ ຜ່ານມາວ່າ: ຍີ່ປຸ່ນຍັງຄົງຢູ່ອັນດັບທີ 12 ໃນດັດຊະນີນະວັດຕະກໍາຂອງອົງການຊັບສິນທາງປັນຍາໂລກ (WIPO) ໃນປີນີ້, ຕາມຫຼັງ ສ ເກົາຫຼີ, ສິງກະໂປ ແລະ ຈີນ ໃນບັນດາເຂດເສດຖະກິດຫຼັກຂອງພາກພື້ນ.

ຫຼາຍປະເທດ OPEC+ ເຫັນດີຮັກສາປະລິມານນ້ຳມັນ

06/10/2026 12:16

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 4 ຕຸລາ ຜ່ານມາ, ອົງການບັນດາປະເທດສົ່ງອອກນ້ຳມັນ ແລະ ປະເທດຄູ່ຮ່ວມມື (OPEC+) ໄດ້ແຈ້ງວ່າ 7 ປະເທດສະມາຊິກ (ລວມມີ: ຊາອຸດິດ ອາຣັບບີ, ອີຣັກ, ກູເວດ, ອານເຊຣີ, ກາຊັກສະຖານ, ໂອມານ ແລະ ຣັດເຊຍ) ໄດ້ຕົກລົງຮັກສາລະດັບປະລິມານນ້ຳມັນສູງສຸດປັດຈຸບັນໃນເດືອນ ພະຈິກ. ສິ່ງດັ່ງກ່າວໝາຍຄວາມວ່າ 7 ປະເທດ ຈະຮັກສາຍອດປະລິມານນ້ຳມັນຢູ່ລະດັບສູງສຸດ ຂຶ້ນເປັນ 31.01 ລ້ານຖັງ/ວັນ.

ເພີ່ມເຕີມ