ແລະ ຕ້ານການຄ້າມະນຸດ ຫົວໜ້າຫ້ອງການກອງເລຂາຄະນະກໍາມະການຕ້ານການຄ້າມະນຸດລະດັບຊາດ, ມີບັນດາສະມາຊິກກອງເລຂາຄະນະກໍາມະການຕ້ານການຄ້າມະນຸດລະດັບຊາດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ຈັດຂຶ້ນແນໃສ່ວຽກງານການຂຽນແຜນງານແຫ່ງຊາດ ວ່າດ້ວຍການຕ້ານການຄ້າມະນຸດ ໄລຍະ IV (ນັບແຕ່ປີ 2026-2030) ຈະໄດ້ພ້ອມກັນປຶກສາຫາລື ແລະ ປະກອບຄໍາເຫັນໃສ່ຮ່າງແຜນງານ 5 ປີໃນຕໍ່ໜ້າໃຫ້ມີເນື້ອໃນຄົບຖ້ວນ, ສົມບູນ ແລະ ສອດຄ່ອງກັບແຜນວຽກຕ່າງໆຂອງສົນທິສັນຍາທີ່ ສປປ ລາວ ເປັນພາຄີ ເພື່ອໃຫ້ໄດ້ແຜນງານໄລຍະທີ 4 ທີ່ມີຄວາມສົມບູນແບບທີ່ສຸດ ເພື່ອນຳສົ່ງໃຫ້ລັດຖະບານພິຈາລະນາຮັບຮອງເຂົ້າໃນແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີໃນຕໍ່ໜ້າໃຫ້ທັນຕາມກໍານົດເວລາ.
ກອງປະຊຸມໄດ້ນໍາສະເໜີການຈັດຕັ້ງປະຕິບັດແຜນງານແຫ່ງຊາດ ວ່າດ້ວຍການຕ້ານການຄ້າມະນຸດໄລຍະ III (2021-2025) ແລະ ຮ່າງທິດທາງແຜນງານແຫ່ງຊາດ 5 ປີຕໍ່ໜ້າ, ປະກອບຄຳເຫັນໃສ່ຮ່າງແຜນງານແຫ່ງຊາດ ວ່າດ້ວຍການຕ້ານການຄ້າມະນຸດໄລຍະ IV (2026-2030), ເຜີຍແຜ່ການປົກປ້ອງຊ່ວຍເຫຼືອ ແລະ ການສົ່ງຕໍ່ຜູ້ຖືກເຄາະຮ້າຍຈາກການຄ້າມະນຸດ. ບັນດາຜູ້ເຂົ້າຮ່ວມຍັງໄດ້ປະກອບຄໍາເຫັນ ແລະ ມີຄຳຖາມແລກປ່ຽນກ່ຽວກັບກົນໄກການປະສານງານ, ການສົ່ງຕໍ່ຂໍ້ມູນໃນການຊ່ວຍເຫຼືອ ແລະ ສົ່ງຕໍ່ຜູ້ຖືກເຄາະຮ້າຍ.
ທີ່ມາ: ຄວາມສະຫງົບ
ຄໍາເຫັນ