ຮັບປະກັນການບິນຮັບໃຊ້ຕາມຄຳສັ່ງຂອງຂັ້ນເທິງ ດ້ວຍຄວາມຮັບຜິດຊອບສູງ

ດ້ານຄື: ປົກປັກຮັກສາ ແລະ ສ້າງສາພັດທະນາປະເທດ ໃນແຕ່ລະໄລຍະຂອງການປະຕິວັດ ແລະ ໄດ້ຮັບໄຊຊະນະເປັນກ້າວໆມາ ຖ້າທຽບໃສ່ເມື່ອກ່ອນ ໃນໄລຍະປະເທດຊາດ ຕົກເປັນຫົວເມືອງຂຶ້ນຂອງຈັກກະພັດຕາງດ້າວ ປະຊາຊົນ ລາວບັນດາເຜົ່າ ຖືກກົດຂີ່ຂູດຮີດນານາປະການ ໄດ້ຮັບຄວາມທຸກທໍລະມານ ທັງກາຍ ແລະ ຈິດໃຈ, ປະເທດຊາດ ບໍ່ໄດ້ຮັບການພັດທະນາ, ແຕ່ພາຍຫຼັງປະເທດຊາດ ໄດ້ຮັບການປົດປ່ອຍ ພາຍໃຕ້ການ ນໍາພາ-ຊີ້ນໍາອັນປີຊາສາມາດ ຂອງພັກປະຊາຊົນປະຕິວັດລາວ ມາຮອດປັດຈຸບັນເປັນເວລາ 50 ປີ, ປະເທດຊາດໄດ້ຮັບການພັດທະນາໃນທຸກດ້ານ ໂດຍສະເພາະທາງດ້ານພື້ນຖານໂຄງລ່າງເຊັ່ນ: ເສັ້ນທາງ ຄົມມະນາ ຄົມ ທັງທາງບົກ, ທາງນໍ້າ, ທາງອາກາດ ໃນທົ່ວປະເທດ ແລະ ລະຫວ່າງປະເທດ ມີການ ພັດທະນາໃຫ້ຄວາມສະດວກສະບາຍ, ອັນພົ້ນເດັ່ນແມ່ນມີທາງດ່ວນ, ທາງລົດໄຟ, ທ່າກຳປັ່ນ ສາມາດ ເຊື່ອມຕໍ່ລະຫວ່າງ ສປປ ລາວ ກັບ ສປຈີນ ແລະ ບັນດາປະເທດໃນພາກພື້ນໃນອານະຄົດ ເຊິ່ງອໍານວຍ ຄວາມສະດວກໃຫ້ແກ່ການຂົນສົ່ງສິນຄ້າ, ການບໍລິການທ່ອງທ່ຽວ ແລະບໍລິການດ້ານອື່ນໆ ເຮັດໃຫ້ ເສດຖະກິດຂອງປະເທດ ແລະ ຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂຶ້ນ, ຂົງເຂດສຶກສາ-ສາທາ ໄດ້ມີການພັດທະນາຢ່າງຕໍ່ເນື່ອງ ນັບແຕ່ຂັ້ນສູນກາງ ຈົນຮອດຂັ້ນທ້ອງຖິ່ນ. ສໍາລັບກອງທັບ ກໍ່ໄດ້ຮັບການປັບປຸງກໍ່ສ້າງໃຫ້ເຕີບໃຫຍ່ເຂັ້ມແຂງ ຕາມທິດມີແບບແຜນ ແລະ ທັນສະໄໝ ໄດ້ສ້າງ ບັນດາວິທະຍາຄານ, ບັນດາເຫຼົ່າຮົບວິຊາສະເພາະ ເພື່ອຮັບປະກັນໃນການສະໜອງບຸກຄະລາກອນ ແລະ ຮັບປະກັນເຮັດສຳເລັດໜ້າທີ່ການເມືອງທີ່ພັກ-ລັດ ແລະ ປະເທດຊາດໝອບໝາຍໃຫ້.

ສະຫາຍ ພັນເອກ ຄຳຫຼ້າ ສິມມະວົງ ຫົວໜ້າຫ້ອງການເມືອງ ກອງບັນຊາການທະຫານອາກາດ ໃຫ້ຮູ້ຕື່ມວ່າ: ເພື່ອຕອບສະໜອງຕາມຄວາມຮຽກຮ້ອງຕ້ອງການໃນໜ້າທີ່ການເມືອງໃນສະເພາະໜ້າ ແລະ ຍາວນານຂອງກອງບັນຊາການທະຫານອາກາດ, ພາຍ

ຫຼັງໄດ້ຮັບການສ້າງຕັ້ງຂຶ້ນ ໃນວັນທີ 30 ມັງກອນ 2019 ພາຍໃຕ້ການຊີ້ນໍາ-ນໍາພາໂດຍກົງຮອບດ້ານຂອງກະຊວງປ້ອງກັນປະເທດ, ເປັນເສນາທິການໃຫ້ແກ່ຄະນະພັກ-ຄະນະນໍາກະຊວງໃນການຈັດຕັ້ງການບິນ, ບິນຮັບໃຊ້ໜ້າ ທີ່ການເມືອງ-ການທະຫານ, ເສດຖະກິດ-ວັດທະນາທໍາ-ສັງຄົມ, ອີງຕາມຄໍາສັ່ງຂອງຂັ້ນເທິງ, ຕະຫຼອດ ໄລຍະຜ່ານມາຄະນະພັກ-ຄະນະບັນຊາ ກອງບັນຊາການທະຫານອາກາດໄດ້ເອົາໃຈໃສ່ຊີ້ນໍາ-ນໍາພາ ປັບປຸງກໍ່ສ້າງກົມກອງ ຕາມ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງ ອອກ ແລະມີຜົນສໍາເລັດຫຼາຍດ້ານພົ້ນເດັ່ນແມ່ນ: ໄດ້ປັບປຸງລະບົບບັນຊາ-ນໍາພາ ແຕ່ລະຂັ້ນ ນັບແຕ່ຂັ້ນອົງການຈົນຮອດກົມກອງຮາກຖານ, ຈັດຕັ້ງການບິນ ບິນຮ່ວມຊ້ອມຮົບໂລ້ກຳບັງມິດຕະພາບ ລະຫວ່າງລາວ-ຈີນ, ຈີນ-ລາວ, ເຂົ້າຮ່ວມຫັດແອບກອບກູ້ໄພພິບັດ 3 ກອງທັບ: ລາວ-ຫວຽດນາມ ແລະ ກຳປູເຈຍ, ເຂົ້າຮ່ວມຊ້ອມຮົບຣາໂຣດ 2025 ລະຫວ່າງລາວ-ຣັດເຊຍ ມີຄວາມປອດໄພ 100%, ປັບປຸງຄ້າຍຄູ-ຫ້ອງການ, ເຮືອນກິນເຂົ້າ ແລະ ຫໍພັກສໍາເລັດ ທັງສະອາດງາມຕາ, ປັງປຸງຊີວິດການເປັນຢູ່, ການນຸ່ງຖືເຄື່ອງແບບ ແລະ ການປະຕິບັດລະລຽບວິໄນ ໂດຍ ສະເພາະ 7 ລະບອບ 18 ວຽກແຕ່ລະມື້ຂອງກອງທັບຢ່າງເຂັ້ມງວດ, ພິເສດແມ່ນໄດ້ຈັດຕັ້ງກິນ ເຂົ້າສວາຍລວມໝູ່ທົ່ວກອງບັນຊາການທະຫານອາກາດ, ວຽກງານພົວພັນກັບບັນດາກອງທັບເພື່ອນມິດຍຸດທະສາດ ໄດ້ເອົາໃຈໃສ່ພົວພັນຮ່ວມມືກັບ ສປ ຈີນ, ສະຫະພັນຣັດເຊຍ ແລະ ສສ ຫວຽດນາມ ເພື່ອຍາດແຍ່ງເອົາບົດຮຽນ ແລະ ທຶນກໍ່ສ້າງນາຍທະຫານຕາມແຜນຂອງຂັ້ນເທິງ, ນອກນີ້ ຍັງ ໄດ້ພົວພັນຮ່ວມມືກັບບັນດາປະເທດໃນກອບອາຊຽນ.

ແຜນການຄາດໝາຍສູ້ຊົນໃນຕໍ່ໜ້າຈະສືບຕໍ່ຮ່ວມມືກັບຊ່ຽວຊານ ສປ ຈີນ ໃນການກໍ່ສ້າງ ສະໜາມບິນ ແລະ ໂຮງຮຽນທະຫານອາກາດ ຢູ່ບ້ານເກີນ ເມືອງທຸລະຄົມ ແຂວງວຽງຈັນໃຫ້ສໍາເລັດຕາມແຜນການ, ສືບຕໍ່ສ້າງຕັ້ງກົມກອງທະຫານອາກາດ ຈໍານວນໜຶ່ງ ແລະ ນໍາ ສະເໜີຂັ້ນເທິງເພື່ອສ້າງໂຮງໝໍ 60 ຕຽງທະຫານອາກາດຕາມແຜນການ.

ສໍາລັບການກະກຽມສະເຫຼີມສະຫຼອງວັນຊາດທີ 2 ທັນວາ ຄົບຮອບ 50 ປີ ທີ່ໃກ້ຈະມາເຖິງ ນີ້, ກອງບັນຊາການທະຫານອາກາດຂອງພວກເຮົາກໍ່ໄດ້ປະກອບສ່ວນເຂົ້າໃນການເດີນຂະບວນສວນສະໜາມຂອງ ກະຊວງປ້ອງກັນປະເທດ, ເປັນຕົ້ນແມ່ນທາງອາກາດ ແລະ ທາງພາກພື້ນດິນ, ທາງອາກາດ ພວກເຮົາໄດ້ໃຊ້ຍົນຈໍານວນ 5 ລໍາ ບິນສະແດງ 1 ລໍາ (Yak-130), ໃຊ້ແກ່ທຸງ 4 ລໍາ; ສ່ວນກ້ອນສວນສະໜາມພາກພື້ນດິນປະກອບມີ 2 ກ້ອນຄື: ກ້ອນທະຫານອາກາດຍິງ ແລະ ກ້ອນທະຫານອາກາດຊາຍ.

ໃນໂອກາດວັນສະຖາປະນາ ສປປ ລາວ ຄົບຮອບ 50 ປີ ທີ່ຈະມາເຖິງນີ້, ສະຫາຍ ພັນເອກ ຄຳຫຼ້າ ສິມມະວົງ ຕາງໜ້າ ພະນັກງານ-ນັກຮົບທະຫານອາກາດ ຂໍສະແດງຄວາມຮູ້ບຸນຄຸນມາຍັງພັກປະຊາຊົນປະຕິວັດລາວ ທີ່ໄດ້ກໍ່ຕັ້ງ, ສຶກສາອົບຮົມ ແລະ ນໍາພາ-ຊີ້ນໍາ ເຮັດໃຫ້ປະເທດຊາດ ໄດ້ຮັບການພັດທະນາເຕີບ ໃຫຍ່ເຂັ້ມແຂງ, ຂໍອວຍພອນໄຊອັນປະເສີດມາຍັງ ການນໍາພັກ-ລັດ ຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ, ສືບຕໍ່ນໍາພາ-ຊີ້ນໍາປະເທດຊາດກ້າວຂຶ້ນສູ່ຈຸດໝາຍສັງຄົມນິຍົມດ້ວຍບາດກ້າວທີ່ໜັກແໜ້ນ, ອວຍ

ພອນຄະນະນໍາກະຊວງປ້ອງກັນປະເທດ ຈົ່ງມີສຸຂະພາບເຂັ້ມແຂງ ສືບຕໍ່ຊີ້ນໍາກອງທັບໃຫ້ມີຄວາມໜັກແໜ້ນເຂັ້ມແຂງໃນທຸກດ້ານ ກາຍເປັນກອງທັບປະຕິວັດ ທີ່ ມີແບບແຜນທັນສະໄໝຢ່າງບໍ່ຢຸດຢັ້ງ, ອວຍພອນມາຍັງພະນັກງານ-ນັກຮົບ, ປະຊາຊົນລາວ ບັນດາເຜົ່າ ຈົ່ງມີສຸຂະພາບແຂງແຮງ ພ້ອມກັນສະເຫຼີມສະຫຼອງວັນຊາດທີ 2 ທັນວາ ຢ່າງເປັນ ຂະບວນ ຟົດຟື້ນມ່ວນຊື່ນ.