 |
ສະຫາຍ ບຸນຈັນ ສີວົງພັນ ໄດ້ມີຄຳເຫັນວ່າ: ກອງປະຊຸມໃຫຍ່ອົງຄະນະພັກແຂວງຊຽງຂວາງ ຄັ້ງທີ IX ມີຜູ້ແທນສົມບູນເຂົ້າຮ່ວມ 259 ສະຫາຍ ຍິງ 36 ສະຫາຍ ທີ່ເປັນຕົວແທນໃຫ້ສະມາຊິກພັກໃນທົ່ວແຂວງ ຈຳນວນ 19,995 ສະຫາຍ. ກອງປະຊຸມດັ່ງກ່າວ, ເປັນກຽດຢ່າງສູງ ຕ້ອນຮັບ ສະຫາຍ ກິແກ້ວ ໄຂຄຳພິທູນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ, ຊີ້ນຳກອງປະຊຸມຢ່າງມີຜົນສຳເລັດອັນຈົບງາມ ລວມຍອດຜະລິດຕະພັນພາຍໃນ ສະເລ່ຍ 1,205 ໂດລາສະຫະລັດຕໍ່ຄົນຕໍ່ປີ ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງດີຂຶ້ນເປັນກ້າວໆ ໂຄງລ່າງພື້ນຖານໄດ້ຮັບການພັດທະນາ. ດ້ານວັດທະນາທຳ-ສັງຄົມ, ການສຶກສາ, ສາທາລະນະສຸກ, ລ້ວນແຕ່ໄດ້ຮັບການພັດທະນາໄປພ້ອມໆກັນ ອັດຕາສ່ວນຄວາມທຸກຍາກຂອງຄອບຄົວຍັງເຫຼືອ 24.32%. ໃນ 5 ປີຕໍ່ໜ້າແມ່ນຈະສືບຕໍ່ສຶກສາອົບຮົມການເມືອງແນວຄິດ ຕິດພັນກັບການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XII ຂອງພັກ ແລະ ມະຕິກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງ, ເພີ່ມທະວີການປະຕິບັດແນວທາງປ້ອງວກັນຊາດ-ປ້ອງກັນຄວາມສະຫົງບທົ່ວປວງຊົນ, ຍົກສູງຄຸນນະພາບ, ແບບແຜນການນຳພາ ແລະ ວິທີເຮັດວຽກຂອງຄະນະພັກແຕ່ລະຂັ້ນ, ສ້າງເສດຖະກິດເອກະລາດເປັນເຈົ້າຕົນເອງ ສູ້ຊົນເຮັດໃຫ້ເສດຖະກິດຂະຫຍາຍຕົວຕໍ່ເນື່ອງ ສະເລ່ຍໃນລະດັບ 5.5% ຕໍ່ປີ ຮອດປີ 2030 ລາຍຮັບຕໍ່ຄົນໃຫ້ໄດ້ 1,400 ໂດລາສະຫະລັດ, ເອົາໃຈໃສ່ປັບປຸງ ກໍ່ສ້າງພື້ນຖານໂຄງລ່າງໃຫ້ເປັນຈຸດສຸມ, ສຸມໃສ່ພັດທະນາຊັບພະຍາກອນມະນຸດໃຫ້ມີຄຸນນະພາບດີຂຶ້ນ ຕາມເປົ້າໝາຍຂອງການພັດທະນາຢ່າງແຂງແຮງ, ເພີ່ມທະວີການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍ, ເພີ່ມທະວີການພົວພັນ-ຮ່ວມມືກັບບັນດາປະເທດເພື່ອນມິດຍຸດທະສາດ. ກອງປະຊຸມໃຫຍ່ຄັ້ງນີ້, ໄດ້ເລືອກຕັ້ງເອົາຄະນະບໍລິຫານງານພັກແຂວງ ຄັ້ງທີ IX ຈຳນວນ 33 ສະຫາຍ ຍິງ 5 ສະຫາຍ, ຄະນະປະຈຳພັກແຂວງ 9 ສະຫາຍ ຍິງ 1 ສະຫາຍ, ເລຂາ 1 ສະຫາຍ ຮອງເລຂາ 2 ສະຫາຍ, ປະທານກວດກາ 1 ສະຫາຍ, ຮອງປະທານ 3 ສະຫາຍ.
 |
(ຂ່າວ: ບຸນມີ ແສງທຸມມີ)
ຄໍາເຫັນ