 |
ທ່ານ ຄຳຫຼ້າ ພະພິທັກ ຮອງຫົວໜ້າຄະນະໂຄສະນາອົບຮົມແຂວງສະຫວັນນະເຂດ ໄດ້ລາຍ ງານໂດຍສັງເຂບ ກ່ຽວກັບການເຄື່ອນໄຫວວຽກງານໂຄສະນາອົບຮົມໃນໄລຍະຜ່ານມາ ຊຶ່ງໄດ້ເປັນເຈົ້າການ ຈັດຕັ້ງຄົ້ນຄວ້າ, ເຊື່ອມຊຶມ ແລະ ເຜີຍແຜ່ບັນດາມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິ IX ຂອງອົງຄະນະພັກແຂວງເພື່ອສ້າງຄວາມຮັບຮູ້, ເຂົ້າໃຈ ແລະ ນຳໄປຈັດຕັ້ງປະຕິບັດໃຫ້ເກີດດອກອອກຜົນ.
ໃນໂອກາດດັ່ງກ່າວ, ທ່ານ ນາງ ວິລະວອນ ພັນທະວົງ ໄດ້ເຜີຍແຜ່ແນະນຳພາລະບົດບາດ ຂອງກົມກວດກາ ຄະນະໂຄສະນາອົບຮົມສູນກາງພັກ, ຜົນສຳເລັດ ກອງປະຊຸມກວດກາ ຄະນະໂຄສະນາອົບຮົມສູນກາງພັກ ປະຈຳປີ 2024 ແລະ ທິດທາງແຜນການປີ 2025, ຄວາມຮູ້ພື້ນຖານ ກ່ຽວກັບວຽກງານພັກ ແລະ ຄວາມຮູ້ກ່ຽວກັບວຽກງານລັດ ພ້ອມທັງແລກປ່ຽນຄວາມຄິດຄວາມເຫັນຊຶ່ງກັນ ແລະ ກັນ ດ້ວຍບັນຍາກາດຟົດຟື້ນ.. ໃນຕອນທ້າຍທ່ານຮອງຫົວໜ້າຄະນະໂຄສະນາອົບຮົມສູນກາງພັກ ຍັງໄດ້ໂອ້ລົມ ພ້ອມທັງໃຫ້ທິດຊີ້ນໍາກ່ຽວກັບວຽກງານໂຄສະນາອົບຮົມ ແລະ ຮຽກຮ້ອງໃຫ້ຄະນະນຳ ຄະນະໂຄສະນາອົບຮົມແຂວງ ແລະ ຄະນະໂຄສະນາອົບຮົມ 14 ເມືອງ 1 ນະຄອນ ລວມເຖິງພະນັກງານ ທີ່ເຮັດວຽກງານໂຄສະນາອົບຮົມ ພາຍຫຼັງທີ່ໄດ້ມີການປັບປຸງສັບຊ້ອນກົງຈັກການຈັດຕັ້ງແລ້ວ ແມ່ນໃຫ້ສືບຕໍ່ເອົາໃຈໃສ່ສຶກສາອົບຮົມນຳພາແນວຄິດ, ຍູ້ແຮງຂະບວນການວຽກງານໂຄສະນາອົບຮົມໃຫ້ແຂງ ແຮງ ແລະ ມີການຫັນປ່ຽນດີຂຶ້ນເທື່ອລະກ້າວ.
ຈາກນັ້ນ, ທ່ານນາງ ວິລະວອນ ພັນທະວົງ ຍັງໄດ້ເຂົ້າພົບປະການນຳແຂວງສະຫວັນນະເຂດ ໂດຍການຕ້ອນຮັບຂອງທ່ານ ໂພໄຊ ໄຂຄຳພິທູນ ກໍາມະການປະຈໍາພັກແຂວງ ຮອງເຈົ້າແຂວງ ແຂວງສະຫວັນນະເຂດ ເພື່ອລາຍງານຜົນຂອງການເຄື່ອນໄຫວຈັດຕັ້ັງປະຕິບັດວຽກງານໂຄສະນາອົບຮົມ ຂອງຄະນະໂຄສະນາອົບຮົມເມືອງ ທັງ 14 ເມືອງ ແລະ 1 ນະຄອນ ທັງດ້ານຕັ້ງໜ້າ ແລະ ສິ່ງທ້າທາຍຕ່າງໆ ເພື່ອຂໍທິດຊີ້ນຳຈາກການນຳຂອງແຂວງ ຊ່ວຍເຫຼືອຊຸກຍູ້ວຽກງານໂຄສະນາອົບຮົມໃຫ້ແຂງແຮງ ແລະ ມີການຫັນປ່ຽນດີຂຶ້ນເທື່ອລະກ້າວ.
 |
ໃນນັ້ນໃນຍັງໄດ້ເຂົ້າພົບປະກັບທ່ານ ລິນທອງ ບຸນທະມາລີ ເລຂາພັກເມືອງ ເຈົ້າເມືອງສອງຄອນ ແລະ ພົບປະຢ້ຽມຢາມ, ເຮັດວຽກກັບທ່ານ ສີສະເຫວີຍ ວົງພູທອນ ຮອງເລຂາພັກເມືອງ ປະທານກວດກາພັກ-ລັດເມືອງ ຜູ້ຊີ້ນຳວຽກງານການເມືອງ-ແນວຄິດ-ວຽກພັກພະນັກງານຕື່ມອີກ.
(ຂ່າວ: ສຳນານ)
ຄໍາເຫັນ