ທ່ານ ນາງ ວິໄລຄໍາ ໂພສາລາດ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ) ພ້ອມຄະນະ ໄດ້ລົງເຄື່ອນໄຫວຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດໂຄງການກໍ່ສ້າງນໍ້າປະປາ ແລະ ສຸຂາພິບານ ຢູ່ເມືອງລະມາມ ແຂວງເຊກອງ ແລະ ໄດ້ເຂົ້າພົບປະ ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ໃນວັນທີ 6 ກຸມພາ ຜ່ານມາ ທີ່ຫ້ອງວ່າການແຂວງ.
ໃນໂອກາດ, ທ່ານ ນາງ ວິໄລຄໍາ ໂພສາລາດ ໄດ້ແຈ້ງຈຸດປະສົງຂອງການເຄື່ອນໄຫວວຽກຢູ່ແຂວງເຊກອງຄັ້ງນີ້, ເພື່ອເປັນການຕິດຕາມ, ກວດກາ, ຊຸກຍູ້ ແລະ ປຶກສາຫາລືຂໍທິດຊີ້ນໍາຈາກທ່ານເຈົ້າແຂວງ ກ່ຽວກັບການຈັດຕັ້ງປະຕິບັດໂຄງການກໍ່ສ້າງລະບົບນໍ້າປະປາ ແລະ ສຸຂາພິບານເມືອງລະມາມ ຊຶ່ງໄດ້ເລີ່ມລົງມືຈັດກໍ່ສ້າງມາແຕ່ຕົ້ນປີ 2020 ຕາມແຜນເບື້ອງຕົ້ນແມ່ນຈະໃຫ້ສໍາເລັດໃນຕົ້ນປີ 2023 ແຕ່ການປະຕິບັດຕົວຈິງມາຮອດປັດຈຸບັນສໍາເລັດພຽງ 77,72%. ທັງນີ້, ກໍເນື່ອງຈາກບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ, ການແຜ່ລະບາດຂອງພະຍາດໂຄວິດ-19, ບໍລິສັດຂາດສະພາບຄ່ອງທາງດ້ານການເງິນ, ບຸກຄະລາກອນທີ່ມີປະສົບການທາງດ້ານເຕັກນິກວຽກງານນໍ້າປະປາ, ຂາດແຮງງານ ແລະ ເຄື່ອງກົນຈັກ (ພາຫະນະ) ເຮັດໃຫ້ການຈັດຕັ້ງປະຕິບັດວຽກງານຕ່າງໆ ຂອງໂຄງການຊັກຊ້າບໍ່ສາມາດປະຕິບັດໄດ້ຕາມແຜນທີ່ວາງໄວ້.
ໃນໂອກາດດຽວກັນ, ທ່ານ ເຈົ້າແຂວງ ໄດ້ສະແດງຄວາມຊົມເຊຍ ຕໍ່ ທ່ານຮອງລັດຖະມົນຕີ ຍທຂ ພ້ອມຄະນະ ທີ່ລົງມາຕິຕາມ ແລະ ຊຸກຍູ້ວຽກງານຢູ່ແຂວງເຊກອງ, ໂດຍສະເພາະຊຸກຍູ້ການຈັດຕັ້ງປະຕິບັດໂຄງການດັ່ງກ່າວ ແຕ່ການປະຕິບັດພົບບັນຫາຄວາມຫຍຸ້ງຍາກ ເຮັດໃຫ້ການປະຕິບັດໂຄງການມີຄວາມຊັກຊ້າ. ສະນັ້ນ, ຕ້ອງໄດ້ສຸມໃສ່ຊຸກຍູ້ການປະຕິບັດໜ້າວຽກວຽກງານຕ່າງໆ ໂດຍສະເພາະຕໍ່ການສະເໜີດັດແກ້ລາຄາ; ຄົ້ນຄວ້າ ປຶກສາຫາລື ແລະ ຂຶ້ນແຜນສະເໜີທຶນສົມທົບຫາການນໍາແຂວງ ເພື່ອບັນຈຸເຂົ້າແຜນຊໍາລະສາສາງໃຫ້ສໍາເລັດ; ເອົາໃຈໃສ່ຄວບຄຸມບໍລິສັດທີ່ປຶກສາ ແລະ ປຶກສາຫາລືສ້າງຄວາມເປັນເອກະພາບກ່ຽວກັບການຕໍ່ສັນຍາ ແລະ ສືບຕໍ່ຊຸກຍູ້ບໍລິສັດຜູ້ຮັບເໝົາ ປະຕິບັດບັນດາໜ້າວຽກຕ່າງໆ ຂອງໂຄງການໃຫ້ສໍາເລັດຕາມແຜນທີ່ວາງໄວ້.
(ຂ່າວ-ພາບ: ສັນຍາ)
ໃນໂອກາດ, ທ່ານ ນາງ ວິໄລຄໍາ ໂພສາລາດ ໄດ້ແຈ້ງຈຸດປະສົງຂອງການເຄື່ອນໄຫວວຽກຢູ່ແຂວງເຊກອງຄັ້ງນີ້, ເພື່ອເປັນການຕິດຕາມ, ກວດກາ, ຊຸກຍູ້ ແລະ ປຶກສາຫາລືຂໍທິດຊີ້ນໍາຈາກທ່ານເຈົ້າແຂວງ ກ່ຽວກັບການຈັດຕັ້ງປະຕິບັດໂຄງການກໍ່ສ້າງລະບົບນໍ້າປະປາ ແລະ ສຸຂາພິບານເມືອງລະມາມ ຊຶ່ງໄດ້ເລີ່ມລົງມືຈັດກໍ່ສ້າງມາແຕ່ຕົ້ນປີ 2020 ຕາມແຜນເບື້ອງຕົ້ນແມ່ນຈະໃຫ້ສໍາເລັດໃນຕົ້ນປີ 2023 ແຕ່ການປະຕິບັດຕົວຈິງມາຮອດປັດຈຸບັນສໍາເລັດພຽງ 77,72%. ທັງນີ້, ກໍເນື່ອງຈາກບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ, ການແຜ່ລະບາດຂອງພະຍາດໂຄວິດ-19, ບໍລິສັດຂາດສະພາບຄ່ອງທາງດ້ານການເງິນ, ບຸກຄະລາກອນທີ່ມີປະສົບການທາງດ້ານເຕັກນິກວຽກງານນໍ້າປະປາ, ຂາດແຮງງານ ແລະ ເຄື່ອງກົນຈັກ (ພາຫະນະ) ເຮັດໃຫ້ການຈັດຕັ້ງປະຕິບັດວຽກງານຕ່າງໆ ຂອງໂຄງການຊັກຊ້າບໍ່ສາມາດປະຕິບັດໄດ້ຕາມແຜນທີ່ວາງໄວ້.
ໃນໂອກາດດຽວກັນ, ທ່ານ ເຈົ້າແຂວງ ໄດ້ສະແດງຄວາມຊົມເຊຍ ຕໍ່ ທ່ານຮອງລັດຖະມົນຕີ ຍທຂ ພ້ອມຄະນະ ທີ່ລົງມາຕິຕາມ ແລະ ຊຸກຍູ້ວຽກງານຢູ່ແຂວງເຊກອງ, ໂດຍສະເພາະຊຸກຍູ້ການຈັດຕັ້ງປະຕິບັດໂຄງການດັ່ງກ່າວ ແຕ່ການປະຕິບັດພົບບັນຫາຄວາມຫຍຸ້ງຍາກ ເຮັດໃຫ້ການປະຕິບັດໂຄງການມີຄວາມຊັກຊ້າ. ສະນັ້ນ, ຕ້ອງໄດ້ສຸມໃສ່ຊຸກຍູ້ການປະຕິບັດໜ້າວຽກວຽກງານຕ່າງໆ ໂດຍສະເພາະຕໍ່ການສະເໜີດັດແກ້ລາຄາ; ຄົ້ນຄວ້າ ປຶກສາຫາລື ແລະ ຂຶ້ນແຜນສະເໜີທຶນສົມທົບຫາການນໍາແຂວງ ເພື່ອບັນຈຸເຂົ້າແຜນຊໍາລະສາສາງໃຫ້ສໍາເລັດ; ເອົາໃຈໃສ່ຄວບຄຸມບໍລິສັດທີ່ປຶກສາ ແລະ ປຶກສາຫາລືສ້າງຄວາມເປັນເອກະພາບກ່ຽວກັບການຕໍ່ສັນຍາ ແລະ ສືບຕໍ່ຊຸກຍູ້ບໍລິສັດຜູ້ຮັບເໝົາ ປະຕິບັດບັນດາໜ້າວຽກຕ່າງໆ ຂອງໂຄງການໃຫ້ສໍາເລັດຕາມແຜນທີ່ວາງໄວ້.
(ຂ່າວ-ພາບ: ສັນຍາ)
ຄໍາເຫັນ