ທ່ານ ວົງເພັດ ຈິດປັນຍາ ຮອງເລຂາພັກແຂວງຄໍາມ່ວນຜູ້ຊີ້ນຳວຽກງານການເມືອງ-ແນວຄິດ, ວຽກພັກ-ພະນັກງານ ພ້ອມດ້ວຍພະແນກການຂັ້ນແຂວງ ໄດ້ລົງເຄື່ອນໄຫວຕິດຕາມວຽກງານການພັດທະນາຊົນນະບົດ ແກ້ໄຂຄວາມທຸກຍາກ ຢູ່ບ້ານບວມລູ ເມືອງຫີນບູນ ໃນວັນທີ 8 ມັງກອນ ນີ້ໂດຍມີທ່ານ ຄຳສິງ ອໍລະວັນ ເຈົ້າເມືອງຫີນບູນ, ມີການນຳເມືອງ, ຕະຫຼອດຮອດປະຊາຊົນບ້ານບວມລູເຂົ້າຮ່ວມ.
ໃນການລົງເຄື່ອນໄຫວຂອງຄະນະທ່ານຮອງເລຂາພັກແຂວງຄຳມ່ວນ ຄັ້ງນີ້ແມ່ນໄດ້ຕິດຕາມເບິ່ງທາງດ້ານພື້ນຖານໂຄງລ່າງຂອງບ້ານ, ລະບົບເສັ້ນທາງ, ລະບົບຊົນລະປະທານທີ່ປະຊາຊົນສ້າງຂຶ້ນເອງ, ເນື້ອທີ່ທຳການຜະລິດ ແລະ ການດຳລົງຊີວິດການເປັນຢູ່ຂອງປະຊາຊົນບ້ານບວມລູ ລວມເຖິງຕິດຕາມເບິ່ງຈຸດທີ່ຈະສ້າງຊົນລະປະທານຝາຍນໍ້າລົ້ນ ແລະ ແຫຼ່ງທ່ອງທ່ຽວຂຸນນໍ້າປະກັນ.
ໃນໂອກາດນີ້ທ່ານຮອງເລຂາພັກແຂວງຄຳມ່ວນ ກໍໄດ້ຖາມເຖິງຄວາມທຸກ-ສຸກ ຂອງປະຊາຊົນດ້ວຍຄວາມເປັນຫ່ວງເປັນໃຍ ແລະ ໄດ້ມີຄໍາເຫັນໂອ້ລົມຕໍ່ອຳນາດການປົກຄອງ ແລະ ປະຊາຊົນ ໃຫ້ສືບຕໍ່ເອົາໃຈໃສ່ປັບປຸງດ້ານພື້ນຖານໂຄງລ່າງໃນດ້ານຕ່າງໆຂອງບ້ານ, ພ້ອມກັນປົກປັກຮັກສາ ແລະ ອະນຸລັກທຳມະຊາດ ທີ່ຍັງຄົງຄວາມອຸດົມສົມບູນໄວ້ໃຫ້ຍືນຍົງ ເພື່ອເປັນເງື່ອນໄຂໃນການພັດທະນາທາງດ້ານການທ່ອງທ່ຽວທີ່ຕິດພັນກັບທຳມະຊາດ, ປຸກລະດົມປະຊາຊົນທຳການຜະລິດ ໃຫ້ກຸ້ມຢູ່ກຸ້ມກິນ ແລະ ຜະລິດເປັນສິນຄ້າ, ສ້າງຄວາມສາມັກຄີຮັກແພງ ຊ່ວຍເຫຼືອຊຶ່ງກັນ ແລະ ກັນ, ເອົາໃຈໃສ່ຊຸກຍູ້ປຸກລະດົມລູກຫຼານໃຫ້ໄດ້ເຂົ້າໂຮງຮຽນເປັນປົກກະຕິ ເພື່ອໃຫ້ມີຄວາມຮູ້ນຳໄປພັດທະນາຕົນເອງໃນອະນາຄົດ.
ສຳລັບຊົນລະປະທານຝາຍນໍ້າລົ້ນ ແມ່ນມອບໃຫ້ວິຊາການຈາກພາກສ່ວນທີ່ກ່ຽວຂ້ອງລົງມາຕິດຕາມກວດກາລາຍລະອຽດ ພ້ອມທັງປະເມີນເຖິງຜົນໄດ້ຮັບ ແລະ ປະເມີນຜົນກະທົບດ້ານຕ່າງໆ ເພື່ອນຳສະເໜີຕໍ່ຂັ້ນເທິງຄົ້ນຄວ້າໃນຂັ້ນຕໍ່ໄປ.
ຂ່າວ-ພາບ: ກອງຄຳ
ໃນການລົງເຄື່ອນໄຫວຂອງຄະນະທ່ານຮອງເລຂາພັກແຂວງຄຳມ່ວນ ຄັ້ງນີ້ແມ່ນໄດ້ຕິດຕາມເບິ່ງທາງດ້ານພື້ນຖານໂຄງລ່າງຂອງບ້ານ, ລະບົບເສັ້ນທາງ, ລະບົບຊົນລະປະທານທີ່ປະຊາຊົນສ້າງຂຶ້ນເອງ, ເນື້ອທີ່ທຳການຜະລິດ ແລະ ການດຳລົງຊີວິດການເປັນຢູ່ຂອງປະຊາຊົນບ້ານບວມລູ ລວມເຖິງຕິດຕາມເບິ່ງຈຸດທີ່ຈະສ້າງຊົນລະປະທານຝາຍນໍ້າລົ້ນ ແລະ ແຫຼ່ງທ່ອງທ່ຽວຂຸນນໍ້າປະກັນ.
ໃນໂອກາດນີ້ທ່ານຮອງເລຂາພັກແຂວງຄຳມ່ວນ ກໍໄດ້ຖາມເຖິງຄວາມທຸກ-ສຸກ ຂອງປະຊາຊົນດ້ວຍຄວາມເປັນຫ່ວງເປັນໃຍ ແລະ ໄດ້ມີຄໍາເຫັນໂອ້ລົມຕໍ່ອຳນາດການປົກຄອງ ແລະ ປະຊາຊົນ ໃຫ້ສືບຕໍ່ເອົາໃຈໃສ່ປັບປຸງດ້ານພື້ນຖານໂຄງລ່າງໃນດ້ານຕ່າງໆຂອງບ້ານ, ພ້ອມກັນປົກປັກຮັກສາ ແລະ ອະນຸລັກທຳມະຊາດ ທີ່ຍັງຄົງຄວາມອຸດົມສົມບູນໄວ້ໃຫ້ຍືນຍົງ ເພື່ອເປັນເງື່ອນໄຂໃນການພັດທະນາທາງດ້ານການທ່ອງທ່ຽວທີ່ຕິດພັນກັບທຳມະຊາດ, ປຸກລະດົມປະຊາຊົນທຳການຜະລິດ ໃຫ້ກຸ້ມຢູ່ກຸ້ມກິນ ແລະ ຜະລິດເປັນສິນຄ້າ, ສ້າງຄວາມສາມັກຄີຮັກແພງ ຊ່ວຍເຫຼືອຊຶ່ງກັນ ແລະ ກັນ, ເອົາໃຈໃສ່ຊຸກຍູ້ປຸກລະດົມລູກຫຼານໃຫ້ໄດ້ເຂົ້າໂຮງຮຽນເປັນປົກກະຕິ ເພື່ອໃຫ້ມີຄວາມຮູ້ນຳໄປພັດທະນາຕົນເອງໃນອະນາຄົດ.
ສຳລັບຊົນລະປະທານຝາຍນໍ້າລົ້ນ ແມ່ນມອບໃຫ້ວິຊາການຈາກພາກສ່ວນທີ່ກ່ຽວຂ້ອງລົງມາຕິດຕາມກວດກາລາຍລະອຽດ ພ້ອມທັງປະເມີນເຖິງຜົນໄດ້ຮັບ ແລະ ປະເມີນຜົນກະທົບດ້ານຕ່າງໆ ເພື່ອນຳສະເໜີຕໍ່ຂັ້ນເທິງຄົ້ນຄວ້າໃນຂັ້ນຕໍ່ໄປ.
ຂ່າວ-ພາບ: ກອງຄຳ
ຄໍາເຫັນ