ຮອງປະທານກໍາມະທິການບັນດາເຜົ່າສະພາແຫ່ງຊາດ ຕິດຕາມວຽກງານ 3 ສ້າງ ເມືອງອຸທຸມພອນ

 ຢູ່ທີ່ບ້ານໂພນເດື່ອ ເມືອງອຸທຸມພອນ ແຂວງສະຫວັນນະເຂດ, ຊຶ່ງທ່ານເນັ້ນວ່າ: ວຽກງານ 3 ສ້າງເປັນວຽກຍຸດທະສາດ, ແຕ່ລະເມືອງຍັງບໍ່ທັນໄດ້ເປັນເອກະພາບກ່ຽວກັບວຽກງານ 3 ສ້າງ, ບໍ່ເປັນທີ່ເຂົ້າໃຈຂອງບັນດາຫ້ອງການຕ່າງໆ, ແຕ່ລະພາກສ່ວນໄດ້ນໍາເອົາໜ້າວຽກຂອງຕົນລົງເຜີຍແຜ່ໃຫ້ຮາກຖານໄດ້ຮັບຮູ້, ບ້ານໂພນເດື່ອກໍແມ່ນບ້ານໜຶ່ງທີ່ເປັນຕົວແບບໃນການປະກອບສ່ວນຂອງປະຊາຊົນໃນການຈັດຕັ້ງປະຕິບັດວຽກງານ 3 ສ້າງກໍມີຫຼາຍທີ່ກາຍເປັນຮູບປະທໍາ, ເປັນຜົນງານອັນໃຫຍ່ຫຼວງ
ທ່ານ ພັນໂທ ບຸນມີ ສີຍາລາດ ນາຍບ້ານ ໂພນເດື່ອ ລາຍງານວ່າ: ຜົນການປະເມີນມາດຖານສ້າງບ້ານເປັນຫົວໜ່ວຍພັດທະນາ 4 ດ້ານ 30 ຕົວຊີ້ບອກ, ສະເພາະລະບົບການເມືອງ-ການປົກຄອງ ປະຊາທິປະໄຕ ປະຊາຊົນທີ່ເຂັ້ມແຂງ ມີ 4 ຕົວຊີ້ບອກ ແລະ ພັດທະນາຂົງເຂດວັດທະນະທໍາ-ສັງຄົມ ມີ 7 ຕົວຊີ້ບອກ, ບັນລຸໄດ້ທັງໝົດ. ສໍາລັບວຽກສົ່ງເສີມການຜະລິດຕະພັນເປັນສິນຄ້າ ແລະ ບໍລິການເປັນວຽກງານໃຈກາງຂອງການສ້າງບ້ານພັດທະນາ ຕິດພັນກັບການປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ ມີ 14 ຕົວຊີ້ບອກ, ບັນລຸໄດ້ 11 ຕົວຊີ້ບອກ ແລະ ບໍ່ບັນລຸ 3 ຕົວຊີ້ບອກ. ຮັບປະກັນວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ມີ 5 ຕົວຊີ້ບອກ, ບັນລຸໄດ້ 4 ຕົວຊີ້ບອກ ແລະ ບໍ່ບັນລຸ 1 ຕົວຊີ້ບອກ. ຈາກນັ້ນ, ບັນດາທ່ານທີເຂົ້າຮ່ວມ ຍັງໄດ້ແລກປ່ຽນຄໍາຄິດ-ຄໍາເຫັນເຂົ້າໃສ່ໃນການຈັດຕັ້ງປະຕິບັດວຽກງານ 3 ສ້າງຢູ່ພາຍໃນເມືອງອຸທຸມພອນຕື່ມອີກ.
(ຂ່າວ: ບຸນຊູ ພົມມະເທບ)