ພ້ອມທັງ ໂອ້ລົມ ຕໍ່ຄະນະພັກ-ຄະນະນໍາແຂວງ ໂດຍການຕ້ອນຮັບຂອງ ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາພັກແຂວງ ເຈົ້າແຂວງຈຳປາສັກ.
ທ່ານ ອາລຸນໄຊ ສູນນະລາດ ໄດ້ລາຍງານ ຜົນສຳເລັດການນຳພາໃນແຕ່ລະວຽກງານ, ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ ຕິດພັນມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ ທ້າຍສະໄໝ, ມະຕິກອງປະຊຸມຄົບຄະນະບໍລິຫານງານສູນກາງພັກ ສະໄໝທີ IX ແລະ ມະຕິກອງປະຊຸມຄົບຄະນະບໍລິຫານງານພັກແຂວງ ສະໄໝທີ VIII; ໂດຍສຸມໃສ່ຈັດຕັ້ງປະຕິບັດມະຕິຂອງສະພາແຫ່ງຊາດ ຕິດພັນກັບມະຕິກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງ ຊຸດທີ II, ນອກຈາກນັ້ນ ພວມສຸມໃສ່ແຜນພັດທະນາເສດຖະກິດ-ສັງຄົມຂອງແຂວງ ໂດຍສະເພາະແມ່ນບັນດາຄາດໝາຍທີ່ໄດ້ກຳນົດໃນກອງປະຊຸມອົງການປົກຄອງແຂວງເປີດກວ້າງຄັ້ງທີ I ປີ 2024; ບັນຫາເຄັ່ງຮ້ອນໃນການແກ້ໄຂບັນຫາເສດຖະກິດ, ແນວຄິດເສດຖະກິດເອກະລາດ ເປັນເຈົ້າຕົນເອງ, ສຸມໃສ່ຈັດຕັ້ງປະຕິບັດກອງປະຊຸມໃຫຍ່ 3 ຂັ້ນ ຂອງພັກ ຕິດພັນກັບ 3 ວັນປະຫວັດສາດທີ່ສຳຄັນ, ການກະກຽມສ້າງຕາແສງ ຕາມທິດຊີ້ນຳຂອງສູນກາງ.
ໂອກາດນີ້, ທ່ານ ຮອງປະທານປະເທດ ໄດ້ສະແດງຄວາມພາກພູມໃຈ ແລະ ສະແດງຄວາມຍ້ອງຍໍຊົມເຊີຍ ຕໍ່ ໝາກຜົນ ຜົນງານພາຍໃຕ້ການນໍາພາຂອງສະຫາຍເລຂາພັກແຂວງ ພ້ອມຄະນະ, ພ້ອມທັງໃຫ້ກຽດໂອ້ລົມ ເພື່ອຊຸກຍູ້ໃຫ້ກຳລັງໃຈຕໍ່ການນຳພາ ຂອງອົງຄະນະພັກແຂວງ ໃນການຊີ້ນຳ-ນຳພາ ແລະ ປະຕິບັດແຜນພັດທະນາເສດຖະກິດ-ສັງຄົມ ຢູ່ແຂວງຈຳປາສັກໃຫ້ສືບຕໍ່ກ້າວຂຶ້ນ. ການເມືອງມີສະຖຽນລະພາບ, ສັງຄົມມີຄວາມສະຫງົບເປັນລະບຽບຮຽບຮ້ອຍ. ຈາກນັ້ນ, ທ່ານ ຮອງປະທານປະເທດ ໄດ້ເຄື່ອນໄຫວ ຢ້ຽມຢາມ ພື້ນຖານການຜະລິດ ຂອງປະຊາຊົນ ເພື່ອຊຸກຍູ້ການປະຕິບັດ ສ້າງເສດຖະກິດ ເອກະລາດ ເປັນເຈົ້າຕົນເອງ (ສອຈ) ໃນໄລຍະໃໝ່, ຢູ່ພື້ນທີ່ການຜະລິດກະສິກໍາ ສວນໝາກບູເບີຣີ່ ຂອງ ບໍລິສັດ ຄ໊ອດສະຕຣາເບີຣີ່ ບ້ານຫ້ວຍຊັນ ເມືອງປາກຊ່ອງ, ສວນປູກໝາກຖົ່ວລຽນ ແລະ ສິນຄ້າໜຶ່ງເມືອງ ໜື່ງຜະລິດຕະພັນ ແຫ່ງຊາດຢາສະໝຸນໄພລາວ ທີ່ເມືອງບາຈຽງຈະເລີນສຸກ.
(ແຫຼ່ງຂ່າວ: ແຂວງຈໍາປາສັກ)
ຄໍາເຫັນ