ໃນວັນທີ 4 ຕຸລານີ້, ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ ຮອງປະທານປະເທດ ພ້ອມຄະນະນຳທີ່ມາຈາກສູນກາງ ແລະ ການນຳຂອງແຂວງ ໄດ້ລົງພົບປະຢ້ຽມຢາມປະຊາຊົນຢູ່ບ້ານດົງບາກໃໝ່ຫີນຄຳ ແລະ ບ້ານສະໜອງໃໝ່ປີນດົງ ເມືອງສະໜາມໄຊ ແຂວງອັດຕະປື, ພິທີຕ້ອນຮັບໄດ້ຈັດຂຶ້ນທີ່ສະໂມສອນຂອງຫ້ອງການບ້ານດົງບາກໃໝ່ຫີນຄຳ ໂດຍການເຂົ້າຮ່ວມຕ້ອນຮັບຂອງຄະນະນຳເມືອງສະໜາມໄຊ ພ້ອມດ້ວຍພໍ່ແມ່ປະຊາຊົນພາຍໃນບ້ານດັ່ງກ່າວເຂົ້າຮ່ວມຢ່າງພ້ອມພຽງ.
ກ່ອນອື່ນ ທ່ານ ບຸນທອງ ຈິດມະນີ ພ້ອມດ້ວຍຄະນະນຳທີ່ມາຈາກສູນກາງ ແລະ ການນຳຂອງແຂວງ ກໍໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານ ແລະ ສະພາບລວມຂອງບ້ານ ຈາກອຳນາດການປົກຄອງບ້ານ ຊຶ່ງບ້ານດົງບາກໃໝ່ຫີນຄຳນີ້ ກໍແມ່ນບ້ານໜຶ່ງທີ່ຂຶ້ນກັບເທດສະບານເມືອງ ມີເນື້ອທີ່ທັງໝົດປະມານ 5.891 ເຮັກຕາ ໃນນີ້ມີເນື້ອທີ່ເຮັດການຜະລິດ 752 ເຮັກຕາ. ທົ່ວບ້ານມີ 2 ຄຸ້ມ, ມີ 32 ໜ່ວຍ, ມີປະຊາຊົນອາໄສຢູ່ຮ່ວມກັນ 2 ເຜົ່າໃຫຍ່ຄື: ເຜົ່າລາວລຸ່ມ ແລະ ເຜົ່າໂອຍ, ມີພົນລະເມືອງທັງໝົດ 2.039 ຄົນ, ມີ 420 ຄົວເຮືອນ, ມີ 574 ຄອບຄົວ ໃນນັ້ນ ຄອບຄົວທີ່ພົ້ນທຸກມີ 380 ຄອບຄົວ, ຄອບຄົວທີ່ກຸ້ມກິນ ມີ 166 ຄອບຄົວ ແລະ ຄອບຄົວທີ່ທຸກຍາກມີ 28 ຄອບຄົວ. ບ້ານດົງບາກໃໝ່ຫີນຄຳ ຖືວ່າເປັນບ້ານໜຶ່ງທີ່ມີການຈັດສັນວຽກງານ ອາຊີບທີ່ໝັ້ນຄົງ ແລະ ແກ້ໄຂຊີວິດການເປັນຢູ່ໃຫ້ດີຂຶ້ນເທື່ອລະກ້າວ ໂດຍປັດຈຸບັນແມ່ນໄດ້ເນັ້ນໃສ່ການຜະລິດລະດູຝົນ ປີ 2023 ຊຶ່ງໄດ້ຜະລິດເຂົ້ານາປີ ລວມເນື້ອທີ່ທັງໝົດ 544 ເຮັກຕາ ນອກນັ້ນແມ່ນໄດ້ເນັ້ນການປູກມັນຕົ້ນ.
ໂອກາດທີ່ມີຄວາມໝາຍ, ຄວາມສຳຄັນນັ້ນ ທ່ານຮອງປະທານປະເທດ ກໍໄດ້ມີຄຳເຫັນໂອ້ລົມ ກັບພໍ່ແມ່ປະຊາຊົນ ຊຶ່ງທ່ານໄດ້ຢ້ຽມຢາມຖາມຂ່າວ ຊີວິດການເປັນຢູ່ຂອງພໍ່ແມ່ປະຊາຊົນ ແລະ ໄດ້ຂອບໃຈທີ່ໃຫ້ການຕ້ອນຮັບຢ່າງອົບອຸ່ນ ແລະ ທ່ານ ກໍໄດ້ເນັ້ນໜັກ ໃຫ້ພໍ່ແມ່ປະຊາຊົນ ເປັນເຈົ້າການພັດທະນາຊີວິດການເປັນຢູ່ດ້ວຍການອອກແຮງງານ ເພີ່ມພູນຜະລິດຜົນ ປູກຝັງ-ລ້ຽງສັດ ພັດທະນາຊີວິດຄອບຄົວໃຫ້ມີຢູ່ມີກິນ ຫຼຸດພົ້ນຈາກຄວາມທຸກຍາກເທື່ອລະກ້າວ, ປຸກລະດົມສົ່ງເສີມໃຫ້ເດັກນ້ອຍ, ຊາວໜຸ່ມເຍົາວະຊົນໄດ້ຮັບການສຶກສາຮ່ຳຮຽນຢ່າງຖົ່ວເຖິງ ແລະ ໄດ້ເນັ້ນໃຫ້ຄະນະພັກ, ອຳນາດການປົກຄອງບ້ານຈົ່ງເພີ່ມຄວາມຮັບ ຜິດຊອບຂອງຕົນໃນການນຳພາ-ຊີ້ນຳພໍ່ແມ່ປະຊາຊົນໃຫ້ເປັນເຈົ້າການໃນການປະຕິບັດລະບຽບກົດໝາຍ, ການສ້າງສາພັດທະນາຊີວິດການເປັນຢູ່ຂອງຄອບຄົວ ແລະ ເນັ້ນໃຫ້ 2 ກຳລັງ ຈົ່ງໜັກແໜ້ນໃນການຮັກສາຄວາມສະຫງົບ, ຄວາມປອດໄຟ ພາຍໃນບ້ານ ຢ່າງເຂັ້ມແຂງ ແລະ ຕໍ່ເນື່ອງ. ຈາກນັ້ນກໍໄດ້ເດີນທາງໄປພົບປະຢ້ຽມຢາມ ແລະ ໂອ້ລົມ ກັບພໍ່ແມ່ປະຊາຊົນ ບ້ານສະໜອງໃໝ່ປີນດົງອີກ.
ໂອກາດັ່ງກ່າວ, ທ່ານ ບຸນທອງ ຈິດມະນີ ຍັງໄດ້ມອບປຶ້ມ 2.400 ຫົວ ແລະ ບິກຂຽນ 2.000 ກ້ານ ໃຫ້ທັງ 2 ບ້ານ ດັ່ງກ່າວອີກດ້ວຍ.
(ຂ່າວ-ພາບ ວິໄລສັກ ແກ້ວຫຼວງໂຄດ)
ກ່ອນອື່ນ ທ່ານ ບຸນທອງ ຈິດມະນີ ພ້ອມດ້ວຍຄະນະນຳທີ່ມາຈາກສູນກາງ ແລະ ການນຳຂອງແຂວງ ກໍໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານ ແລະ ສະພາບລວມຂອງບ້ານ ຈາກອຳນາດການປົກຄອງບ້ານ ຊຶ່ງບ້ານດົງບາກໃໝ່ຫີນຄຳນີ້ ກໍແມ່ນບ້ານໜຶ່ງທີ່ຂຶ້ນກັບເທດສະບານເມືອງ ມີເນື້ອທີ່ທັງໝົດປະມານ 5.891 ເຮັກຕາ ໃນນີ້ມີເນື້ອທີ່ເຮັດການຜະລິດ 752 ເຮັກຕາ. ທົ່ວບ້ານມີ 2 ຄຸ້ມ, ມີ 32 ໜ່ວຍ, ມີປະຊາຊົນອາໄສຢູ່ຮ່ວມກັນ 2 ເຜົ່າໃຫຍ່ຄື: ເຜົ່າລາວລຸ່ມ ແລະ ເຜົ່າໂອຍ, ມີພົນລະເມືອງທັງໝົດ 2.039 ຄົນ, ມີ 420 ຄົວເຮືອນ, ມີ 574 ຄອບຄົວ ໃນນັ້ນ ຄອບຄົວທີ່ພົ້ນທຸກມີ 380 ຄອບຄົວ, ຄອບຄົວທີ່ກຸ້ມກິນ ມີ 166 ຄອບຄົວ ແລະ ຄອບຄົວທີ່ທຸກຍາກມີ 28 ຄອບຄົວ. ບ້ານດົງບາກໃໝ່ຫີນຄຳ ຖືວ່າເປັນບ້ານໜຶ່ງທີ່ມີການຈັດສັນວຽກງານ ອາຊີບທີ່ໝັ້ນຄົງ ແລະ ແກ້ໄຂຊີວິດການເປັນຢູ່ໃຫ້ດີຂຶ້ນເທື່ອລະກ້າວ ໂດຍປັດຈຸບັນແມ່ນໄດ້ເນັ້ນໃສ່ການຜະລິດລະດູຝົນ ປີ 2023 ຊຶ່ງໄດ້ຜະລິດເຂົ້ານາປີ ລວມເນື້ອທີ່ທັງໝົດ 544 ເຮັກຕາ ນອກນັ້ນແມ່ນໄດ້ເນັ້ນການປູກມັນຕົ້ນ.
ໂອກາດທີ່ມີຄວາມໝາຍ, ຄວາມສຳຄັນນັ້ນ ທ່ານຮອງປະທານປະເທດ ກໍໄດ້ມີຄຳເຫັນໂອ້ລົມ ກັບພໍ່ແມ່ປະຊາຊົນ ຊຶ່ງທ່ານໄດ້ຢ້ຽມຢາມຖາມຂ່າວ ຊີວິດການເປັນຢູ່ຂອງພໍ່ແມ່ປະຊາຊົນ ແລະ ໄດ້ຂອບໃຈທີ່ໃຫ້ການຕ້ອນຮັບຢ່າງອົບອຸ່ນ ແລະ ທ່ານ ກໍໄດ້ເນັ້ນໜັກ ໃຫ້ພໍ່ແມ່ປະຊາຊົນ ເປັນເຈົ້າການພັດທະນາຊີວິດການເປັນຢູ່ດ້ວຍການອອກແຮງງານ ເພີ່ມພູນຜະລິດຜົນ ປູກຝັງ-ລ້ຽງສັດ ພັດທະນາຊີວິດຄອບຄົວໃຫ້ມີຢູ່ມີກິນ ຫຼຸດພົ້ນຈາກຄວາມທຸກຍາກເທື່ອລະກ້າວ, ປຸກລະດົມສົ່ງເສີມໃຫ້ເດັກນ້ອຍ, ຊາວໜຸ່ມເຍົາວະຊົນໄດ້ຮັບການສຶກສາຮ່ຳຮຽນຢ່າງຖົ່ວເຖິງ ແລະ ໄດ້ເນັ້ນໃຫ້ຄະນະພັກ, ອຳນາດການປົກຄອງບ້ານຈົ່ງເພີ່ມຄວາມຮັບ ຜິດຊອບຂອງຕົນໃນການນຳພາ-ຊີ້ນຳພໍ່ແມ່ປະຊາຊົນໃຫ້ເປັນເຈົ້າການໃນການປະຕິບັດລະບຽບກົດໝາຍ, ການສ້າງສາພັດທະນາຊີວິດການເປັນຢູ່ຂອງຄອບຄົວ ແລະ ເນັ້ນໃຫ້ 2 ກຳລັງ ຈົ່ງໜັກແໜ້ນໃນການຮັກສາຄວາມສະຫງົບ, ຄວາມປອດໄຟ ພາຍໃນບ້ານ ຢ່າງເຂັ້ມແຂງ ແລະ ຕໍ່ເນື່ອງ. ຈາກນັ້ນກໍໄດ້ເດີນທາງໄປພົບປະຢ້ຽມຢາມ ແລະ ໂອ້ລົມ ກັບພໍ່ແມ່ປະຊາຊົນ ບ້ານສະໜອງໃໝ່ປີນດົງອີກ.
ໂອກາດັ່ງກ່າວ, ທ່ານ ບຸນທອງ ຈິດມະນີ ຍັງໄດ້ມອບປຶ້ມ 2.400 ຫົວ ແລະ ບິກຂຽນ 2.000 ກ້ານ ໃຫ້ທັງ 2 ບ້ານ ດັ່ງກ່າວອີກດ້ວຍ.
(ຂ່າວ-ພາບ ວິໄລສັກ ແກ້ວຫຼວງໂຄດ)
ຄໍາເຫັນ