 |
ໂອກາດນີ້, ສະຫາຍ ບຸນທອງ ຈິດມະນີ ໄດ້ຮຽກຮ້ອງໃຫ້ບັນດາຄະນະບໍລິຫານງານຊາວໜຸ່ມແຕ່ລະຂັ້ນຍົກສູງພາລະບົດບາດ ແລະ ເອົາໃຈໃສ່ 7 ບັນຫາສໍາຄັນດັ່ງນີ້: 1) ພ້ອມກັນສືບຕໍ່ກະກຽມຄວາມພ້ອມທຸກດ້ານໃຫ້ແກ່ການດໍາເນີນກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດຄັ້ງທີ IX ໃຫ້ເລິກເຊິ່ງແທດເຖິງຕົວຈິງ, ຖືກຕ້ອງຕາມລະບຽບ ແລະ ກົດໝາຍຂອງຊາວໜຸ່ມ-ເຍົາວະຊົນ ແລະ ທັນຕາມກໍານົດເວລາທີ່ພວກສະຫາຍກໍານົດໄວ້, ສຳລັບ ບຸກຄະລາກອນຕ້ອງຮັບປະກັນເງື່ອນໄຂ-ມາດຖານທີ່ວາງໄວ້, ມີໂຄງປະກອບທີ່ຖືກຕ້ອງ: ມີຜູ້ເກົ່າ, ຜູ້ໃໝ່, ມີເພດຍິງ ແລະ ຊົນເຜົ່າທີ່ອັດຕາສ່ວນເໝາະສົມ, ພາຍຫຼັງກອງປະຊຸມໃຫຍ່ຄັ້ງທີ IX ຂອງພວກສະຫາຍ ຕ້ອງເຮັດໃຫ້ວຽກງານຊາວໜຸ່ມ-ເຍົາວະຊົນມີການຫັນປ່ຽນໃໝ່ທີ່ຕັ້ງໜ້າ, ສາມາດນໍາພາຍູ້ຂະບວນການຮອບດ້ານຂອງຊາວໜຸ່ມ, ແກ້ໄຂໄດ້ສະພາບການຫຍໍ້ທໍ້ຕ່າງໆໃນຖັນແຖວສະມາຊິກຊາວໜຸ່ມປະຊາຊົນ ປະຕິວັດລາວ ແລະ ໄວໜຸ່ມລາວບັນດາເຜົ່າ, ສ້າງຄ່ານິຍົມທີ່ຖືກຕ້ອງໃຫ້ແກ່ຊາວໜຸ່ມ-ເຍົາວະຊົນ, ຕີຖອຍແນວຄິດ ແລະ ແບບແຜນດໍາລົງຊີວິດແບບເຊື່ອມຊາມ ຂັດກັບວັດທະນະທໍາອັນດີງາມຂອງຊາດ-ຂອງເຜົ່າ; 2) ຄະນະຊາວໜຸ່ມປະຊາຊົນ ປະຕິວັດລາວ ແຕ່ລະຂັ້ນຕ້ອງເພີ່ມທະວີວຽກງານສຶກສາອົບຮົມການເມືອງ-ນໍາພາແນວຄິດໃຫ້ສະມາຊິກຊາວໜຸ່ມ-ເຍົາວະຊົນ ແລະ ໄວໜຸ່ມບັນດາເຜົ່າມີຄວາມຕື່ນຕົວເປັນເຈົ້າການປະກອບສ່ວນປົກປັກຮັກສາ ແລະ ພັດທະນາປະເທດຊາດ ເປັນເຈົ້າການພັດທະນາຕົນເອງຕາມທິດສ້າງເສດຖະກິດເອກະລາດເປັນເຈົ້າຕົນເອງ, ຕື່ນຕົວຊອກຮູ້ຮ່ໍາຮຽນຍົກລະດັບຄວາມຮູ້-ຄວາມສາມາດທາງດ້ານວິທະຍາສາດ-ເຕັກໂນໂລຊີ, ມີສີມືດ້ານວິຊາຊີບຕ່າງໆ; ສຶກສາອົບຮົມສະມາຊິກຊາວໜຸ່ມ-ເຍົາວະຊົນ ແລະ ຖັນແຖວໄວໜຸ່ມໃຫ້ມີຄວາມເຊື່ອໝັ້ນຕໍ່ການນໍາຂອງພັກ-ການຄຸ້ມຄອງຂອງລັດ, ຍົກສູງສະຕິເຄົາລົບປະຕິບັດລະບຽບ-ກົດໝາຍ ແລະ ຄວາມເສຍສະຫຼະເພື່ອປະເທດຊາດ; 3) ໃນສະພາບການສາກົນ ແລະ ພາກພື້ນມີການຜັນແປໄປຢ່າງສັບສົນ ອົງການຈັດຕັ້ງຊາວໜຸ່ມຈະຕ້ອງພ້ອມກັນຕິດຕາມກໍາ ແໜ້ນ ແລະ ມີສະຕິລະວັງຕົວສູງກຽມພ້ອມເຂົ້າຮ່ວມທຸກສະຖານະການທີ່ອາດຈະສົ່ງຜົນກະທົບເຖິງສະຖຽນລະພາບຂອງປະເທດເຮົາ, ຕັ້ງໜ້າເຄື່ອນໄຫວປະກອບສ່ວນຢ່າງກວ້າງຂວາງ, ແຂງແຮງເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ, ນໍາພາເຕົ້າໂຮມຄວາມສາມັກຄີໃນຖັນແຖວສະມາຊິກຊາວໜຸ່ມ-ເຍົາວະຊົນລາວບັນດາເຜົ່າ, ມີຄວາມສາມັກຄີລະຫວ່າງສະມາຊິກຊາວໜຸ່ມປະຊາຊົນ ປະຕິວັດລາວ ກັບຖັນແຖວໄວໜຸ່ມໃຫ້ເປັນນ້ຳໜຶ່ງໃຈດຽວ ເພື່ອເປັນກໍາລັງແຮງໃຫ້ແກ່ການປົກປັກຮັກສາ ແລະ ພັດທະນາປະເທດຊາດ, ຕໍ່ໄປໃຫ້ພ້ອມກັນກຽມສ້າງສະຫະພັນຊາວໜຸ່ມ; ໄລຍະບໍ່ທັນສ້າງຕັ້ງສະຫະພັນຊາວໜຸ່ມນັ້ນ, ການຈັດຕັ້ງຊາວໜຸ່ມປະຊາຊົນ ປະຕິວັດລາວ ຢູ່ແຕ່ລະບ່ອນຕ້ອງຮັບຜິດຊອບຖັນແຖວໄວໜຸ່ມທັງໝົດ ໃຫ້ຢູ່ໃນການຄຸ້ມຄອງ-ນໍາພາຂອງຕົນບໍ່ປະໃຫ້ຢູ່ນອກການຈັດຕັ້ງ ແລະ ເຄື່ອນໄຫວບໍ່ດີ; 4) ສືບຕໍ່ສົ່ງເສີມການມີວຽກເຮັດງານທໍາໃຫ້ແກ່ຊາວໜຸ່ມລົງເຖິງຮາກຖານ, ຕິດຕາມ, ກວດກາສະພາບການເຄື່ອນໄຫວຂອງຊາວໜຸ່ມ ຊອກໃຫ້ເຫັນຄວາມມຸ້ງມາດປາຖະໜາຂອງຊາວໜຸ່ມ, ຕີຖອຍປະກົດການແຮງງານໜຸ່ມທີ່ອອກໄປເຮັດວຽກຢູ່ນອກປະເທດ ບໍ່ຖືກຕ້ອງຕາມລະບຽບ-ກົດໝາຍສົມທົບກັບພາກສ່ວນຕ່າງໆ ສ້າງວຽກເຮັດງານທຳໃຫ້ຊາວໜຸ່ມເພື່ອດຶງເອົາຊາວໜຸ່ມເຂົ້າໃນການຈັດຕັ້ງ, ພັດທະນາສີມືແຮງງານໃຫ້ຊາວໜຸ່ມໄດ້ມີອາຊີບເພື່ອພັດທະນາຕົນເອງໃຫ້ດີຂຶ້ນເລື້ອຍໆ; 5) ສ້າງກອງອາສາສະໝັກຊາວໜຸ່ມຕະລຸມບອນໃຫ້ຫຼາຍ ແລະ ເຂັ້ມແຂງໜັກແໜ້ນ ກຽມພ້ອມຮັບໃຊ້ຊາດໃນຖານະເປັນແຂວນຂວາຂອງພັກ; ສ້າງເຍົາວະຊົນ, ອານຸຊົນກ່ຽວກັບຈິດໃຈຊາດ, ຄວາມບໍລິສຸດສັດຊື່, ສະຕິຕໍ່ລະບຽບ-ກົດໝາຍ ແລະ ສ້າງຄ່ານິຍົມທີ່ຖືກຕ້ອງ; 6) ຊຸກຍູ້ການສ້າງອາຊີບໃຫ້ຊາວໜຸ່ມ ຕິດພັນການປະຕິບັດ-ແກ້ໄຂພວກເສບຕິດສົມທົບກັບກະຊວງແຮງງານ ແລະ ສະຫວັດດີການ-ສັງຄົມ ແລະ ບໍລິສັດຕ່າງໆ ຈັດຝຶກອົບຮົມແຮງງານໜຸ່ມສະໜອງໃຫ້ບໍລິສັດຕ່າງໆທີ່ຕ້ອງການແຮງງານ; 7) ໄປພ້ອມກັບການກະກຽມດໍາເນີນກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດຄັ້ງທີ IX ຕ້ອງກະກຽມ ແລະ ດໍາເນີນກອງປະຊຸມໃຫຍ່ອົງຄະນະພັກ ສຊປລ ຄັ້ງທີ VI ໃຫ້ເລິກເຊິ່ງຕາມ 3 ເນື້ອໃນທີ່ໄດ້ກໍານົດໄວ້ໃນຄໍາສັ່ງຂອງຄະນະເລຂາທິການສູນກາງພັກ ແລະ ບົດແນະນໍາຂອງບັນດາອົງການກ່ຽວຂ້ອງ.
 |
ຂ່າວ: ຄຳສິງ ວິໄລຄຳ
ຄໍາເຫັນ