ຮອງປະທານປະເທດໂອ້ລົມພະນັກງານຫຼັກແຫຼ່ງແຂວງຊຽງຂວາງ

ໃນວັນທີ21ພະຈິກຜ່ານມານີ້,ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈຳການ ຄະນະເລຂາທິການສູນກາງພັກ ຮອງປະທານປະເທດ ພ້ອມດ້ວຍຄະນະ ໄດ້ລົງຢ້ຽມຢາມ, ເຮັດວຽກ ແລະ ໂອ້ລົມພະນັກງານຫຼັກແຫຼ່ງແຂວງຊຽງຂວາງ.ໃນໂອກາດນີ້, ທ່ານ ບຸນຈັນ ສີວົງພັນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຊຽງຂວາງ ໄດ້ລາຍງານ ການພັດທະນາເສດຖະກິດ-ສັງຄົມ ຂອງແຂວງຊຽງຂວາງ ເປັນຕົ້ນແມ່ນການຈັດຕັ້ງປະຕິບັດມະຕິກອງປະຊຸມໃຫຍ່ຂອງແຂວງ, ການແກ້ໄຂຄວາມທຸກຍາກ, ວຽກງານລົງກໍ່ສ້າງຮາກຖານການເມືອງ ຕິດພັນກັບວຽກງານ3ສ້າງ, ວຽກງານກວດກາ, ວຽກງານຈັດຕັ້ງພະນັກງານ, ວຽກງານປກຊ-ປກສ ເຮັດໃຫ້ແຂວງຊຽງຂວາງມີຄວາມສະຫງົບສຸກ, ສະເລ່ຍລາຍຮັບໄດ້1,116ໂດລາສະຫະລັດຕໍ່ຄົນຕໍ່ປີ, ເສດຖະກິດຂະຫຍາຍຕົວ6%, ໄດ້ພົວພັນຮ່ວມມືກັບປະເທດເພື່ອມິດຍຸດທະສາດ ໂດຍສະເພາະແມ່ນ ສສຫວຽດນາມ, ສປ ຈີນ ເພື່ອຍາດແຍ່ງເອົາການຊ່ວຍເຫຼືອ, ການລົງທືຶນຈາກຕ່າງປະເທດ.