ຮອງປະທານປະເທດພົບປະໂອ້ລົມປະຊາຊົນບ້ານຄຳປ່າແໜ 

ຮອງປະທານປະເທດພົບປະໂອ້ລົມປະຊາຊົນບ້ານຄຳປ່າແໜ 
ເມື່ອບໍ່ດົນມານີ້, ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດແຫ່ງ ສປປ ລາວ ໄດ້ລົງພົບປະຢ້ຽມຢາມການນຳເມືອງ ແລະ ພໍ່ແມ່ປະຊາຊົນ ບ້ານຄຳປ່າແໜ ເມືອງຊົນນະບູລີ ແຂວງສະຫວັນນະເຂດ ໂດຍມີ ທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ ພ້ອມຄະນະ ຮ່ວມເຮັດວຽກນຳດ້ວຍ.
    ທ່ານ ສຸວິໄລ ຫຼວງຊະລາດ ກຳມະການພັກແຂວງ ເລຂາພັກເມືອງ ເຈົ້າເມືອງຊົນນະບູລີ ໄດ້ລາຍງານສະພາບການພັດທະນາເສດຖະກິດ-ສັງຄົມຂອງບ້ານຄຳປ່າແໜ ໂດຍຫຍໍ້ໃຫ້ ທ່ານຮອງປະທານປະເທດ ແລະ ຄະນະໄດ້ຮັບຊາບ. ຈາກນັ້ນ, ທ່ານ ສຸບິນ ຫຼວງດ້ວງ ຮອງຫົວໜ້າພະແນກກະສິກຳ-ປ່າໄມ້ແຂວງ ຕາງໜ້າຄະນະກໍ່ສ້າງຮາກຖານການເມືອງ ແລະ ພັດທະນາຊົນນະບົດ ລາຍງານໃຫ້ຮູ້ວ່າ:  ບ້ານຄໍາປ່າແໜ ມີເນື້ອທີ່ທັງໝົດ 924 ເຮັກຕາ, ປະກອບມີ 10 ໜ່ວຍ, ມີ 155 ຄອບຄົວ, ມີພົນລະເມືອງ 982 ຄົນ ຍິງ 473 ຄົນ, ຕັ້ງຢູ່ເຂດແດນລະຫວ່າງເມືອງຊົນນະບູລີ ແລະ ເມືອງຈໍາພອນ. ອາຊີບຕົ້ນຕໍຂອງປະຊາຊົນແມ່ນການເຮັດນາ, ລວມເນື້ອທີ່ນາມີ 310 ເຮັກຕາ. ມີຄອບຄົວທຸກຍາກທັງໝົດ 71 ຄອບຄົວ ເທົ້າ 46% (ໃນນັ້ນມີຄອບຄົວອານາຖາ 6 ຄອບຄົວ), ຄອບຄົວພົ້ນທຸກ 55 ຄອບຄົວ ເທົ້າ 35% ແລະ ຄອບຄົວທີ່ຂ້ອນຂ້າງຢູ່ດີກິນດີ 29 ຄອບຄົວ ເທົ້າ 19%. ການແກ້ໄຂຄວາມທຸກຍາກບ້ານຄໍາປ່າແໜ ໄດ້ຮັບການເອົາໃຈໃສ່ ຈາກການນໍາຂັ້ນສູນກາງ ແລະ ທ້ອງຖິ່ນ ມາເປັນເວລາຫຼາຍປີ, ເປັນຕົ້ນແມ່ນການຫັນພະນັກງານລົງເຮັດວຽກງານກໍ່ສ້າງຮາກຖານການເມືອງ ພັດທະນາຊົນນະບົດ ແກ້ໄຂຄວາມທຸກຍາກ. ໃນປີ 2016 ຈຶ່ງເກີດມີໂຄງການທີ່ມີຊື່ວ່າ: "ໂຄງການມີສ່ວນຮ່ວມໃນການລຶບລ້າງຄວາມທຸກຍາກ ບ້ານຄໍາປ່າແໜ ແລະ ປ່າກ້ວຍ" ໂດຍການສະໜັບສະໜູນຫຼັກ ຂອງທ່ານ ເກຍ ອູ໊ສິດທິເດດ (ວິລະຊົນແຮງງານຂອງ ສປປ ລາວ) ບວກກັບທຶນລັດ, ທຶນຊ່ວຍເຫຼືອສາກົນ ແລະ ທຶນການປະກອບສ່ວນຂອງສັງຄົມ ລວມມູນຄ່າ 17 ຕື້ 947 ລ້ານກວ່າກີບ. ໃນນັ້ນ 72% ແມ່ນທຶນຂອງທ່ານ ເກຍ ອູ໊ສິດທິເດດ, ສ່ວນເຫຼືອແມ່ນທຶນຂອງລັດ, ທຶນສາກົນ ແລະ ທຶນປະກອບສ່ວນຂອງສັງຄົມ, ໂຄງການໄດ້ຕັ້ງປະຕິບັດແຕ່ປີ 2016 ຫາ 2018 (ລວມເປັນ 2 ໄລຍະ) ໂດຍເລັ່ງໃສ່ ຊ່ວຍເຫຼືອຄອບຄົວທຸກຍາກ 77 ຄອບຄົວເປົ້າໝາຍ.
ໃນໂອກາດນີ້, ທ່ານ ຮອງປະທານປະເທດ ກໍໄດ້ໂອ້ລົມຕໍ່ປະຊາຊົນ ບ້ານຄຳປ່າແໜ ຊຶ່ງທ່ານໃຫ້ຮັກສາມູນເຊື້ອຄວາມສາມັກຄີພາຍໃນບ້ານ, ໃຫ້ການນຳບ້ານປຸກລະດົມປະຊາຊົນໃຫ້ຫັນໄປສູ່ການຜະລິດເປັນສິນຄ້າ, ບໍ່ໃຫ້ອອກໄປຂໍທານ, ຕ້ອງຜະລິດໃຫ້ກຸ້ມກິນ, ໃຫ້ຄະນະນຳຂອງເມືອງ ແລະ ແຂວງເລັ່ງແກ້ໄຂຄວາມທຸກຍາກຂອງປະຊາຊົນພາຍໃນບ້ານ. ໃນນັ້ນ ລວມມີກະສິກຳ (ສ້າງຕະຫຼາດ ແລະ ການຈຳໜ່າຍສິນຄ້າ), ສຶກສາ(ບໍ່ໃຫ້ເດັກນ້ອຍປະລະການຮຽນ), ສາທາລະນະສຸກ (ການຮັກສາສຸຂະອະນາໄມ) ແລະ ພ້ອມກັນແກ້ໄຂປະກົດການຫຍໍ້ທໍ້ໃນບ້ານໃຫ້ໝົດໄປ. ຈາກນັ້ນ, ທ່ານຮອງປະທານປະເທດ ພ້ອມດ້ວຍຄະນະ ກໍໄດ້ລົງເບິ່ງສະພາບການຜະລິດເຂົ້ານາແຊງ (ນາໄຮ່ໃຫຍ່) ເຂດບ້ານສະຄຶນ ເມືອງຈຳພອນຕື່ມອີກ./.
(ຂ່າວ: ສະຫວັນ)

ຄໍາເຫັນ

ຂ່າວວັດທະນະທຳ-ສັງຄົມ

ກອງປະຊຸມໃຫຍ່ສະມາຊິກສະຫະພັນແມ່ຍິງ ສຊປລ ຄັັ້ງທີ XIII

ກອງປະຊຸມໃຫຍ່ສະມາຊິກສະຫະພັນແມ່ຍິງ ສຊປລ ຄັັ້ງທີ XIII

ສະຫະພັນແມ່ຍິງສູນກາງຊາວໜຸ່ມປະຊາຊົນ ປະຕິວັດລາວ (ສຊປລ) ໄດ້ຈັດກອງປະຊຸມໃຫຍ່ສະມາ ຊິກສະຫະພັນແມ່ຍິງ ສຊປລ ຄັັ້ງທີ XIII ຂຶ້ນໃນວັນທີ 14 ກໍລະກົດນີ້ ທີ່ ສຊປລ ໂດຍການເປັນກຽດເຂົ້າຮ່ວມຂອງສະຫາຍນາງ ອາລີ ວົງໜໍ່ບຸນທໍາ ກໍາມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ), ສະຫາຍ ມອນໄຊ ລາວມົວຊົ່ງ ກຳມະການສຳຮອງສູນກາງພັກ ເລຂາຄະນະບໍລິຫານງານພັກ ເລຂາຄະນະບໍລິຫານງານ ສຊປລ ໂດຍການເປັນປະທານຂອງທ່ານນາງ ແກ້ວອຸດອນ ແສງມະນີ ປະທານສະຫະພັນແມ່ຍິງ ສຊປລ, ມີພະນັກງານບຳນານແມ່ຍິງຂອງ ສຊປລ, ສະມາຊິກສະຫະພັນແມ່ຍິງພາຍໃນ ສຊປລ ພ້ອມດ້ວຍແຂກຖືກເຊີນເຂົ້າຮ່ວມ.
ເມືອງສິງຈັດພິທີປ່ອຍປາຄືນສູ່ທໍາມະຊາດ

ເມືອງສິງຈັດພິທີປ່ອຍປາຄືນສູ່ທໍາມະຊາດ

ເມືອງສິງ ແຂວງຫຼວງນໍ້າທາ ໄດ້ຈັດພິທີປ່ອຍປາຄືນສູ່ທໍາມະຊາດ ເນື່ອງໃນໂອກາດ ວັນປ່ອຍປາ ແລະ ອະນຸລັກສັດນໍ້າ ແຫ່ງຊາດ (13 ກໍລະກົດ 1997-13ກໍລະກົດ2025) ຄົບຮອບ 28 ປີ ຂຶ້ນໃນວັນທີ່11 ກໍລະກົດຜ່ານມາ ທີ່ຂົວບ້ານຈຽງມູນ.
ນວ ກຳນົດມາດຕະການປັບໃໝຕໍ່ຜູ້ລະເມີດລະບຽບການຖິ້ມຂີ້ເຫຍື້ອ

ນວ ກຳນົດມາດຕະການປັບໃໝຕໍ່ຜູ້ລະເມີດລະບຽບການຖິ້ມຂີ້ເຫຍື້ອ

ໃນຮ່າງຂໍ້ຕົກລົງ ວ່າດ້ວຍການຄຸ້ມຄອງ ແລະ ກຳຈັດຂີ້ເຫຍື້ອໃນນະຄອນຫຼວງວຽງຈັນ (ນວ) ໄດ້ສະເໜີໃນກອງປະຊຸມສະໄໝສາມັນເທື່ອທີ 9 ຂອງກອງປະຊຸມສະພາປະຊາຊົນ ນວ ຊຸດທີ II, ທ່ານ ປັນຍາ ມະນີວົງ ຮອງຫົວໜ້າຫ້ອງການຄຸ້ມຄອງ ແລະ ບໍລິຫານຕົວເມືອງວຽງຈັນ ລາຍງານກ່ຽວກັບ ການກຳນົດມາດຕະການປັບໃໝຕໍ່ຜູ້ລະເມີດລະບຽບການຖິ້ມຂີ້ເຫຍື້ອ
ນວ ຈັດກິດຈະກຳ ເຕັ້ນແອໂຣບິກ ສະຫຼອງວັນກິລາ-ກາຍະກຳແຫ່ງຊາດ ຄົບຮອບ 59 ປິ

ນວ ຈັດກິດຈະກຳ ເຕັ້ນແອໂຣບິກ ສະຫຼອງວັນກິລາ-ກາຍະກຳແຫ່ງຊາດ ຄົບຮອບ 59 ປິ

ນະຄອນຫຼວງວຽງຈັນ (ນວ) ຈັດກິດຈະກຳເຕັ້ນແອໂຣບິກ ເພື່ອສ້າງຂະບວນການສະຫຼອງວັນສ້າງຕັ້ງກິລາ-ກາຍະກຳແຫ່ງຊາດລາວ ຄົບຮອບ 59 ປີ (13 ກໍລະກົດ 1966 – 13 ກໍລະກົດ 2025 ) ຢ່າງຄຶກຄື້ນເບີກບານ ແລະ ມ່ວນຊື່ນ.
ອຸທິຍານແຫ່ງຊາດຫີນໜາມໜໍ່ ຖືກຮັບຮອງເປັນມໍຣະດົກໂລກຢ່າງເປັນທາງການແລ້ວ

ອຸທິຍານແຫ່ງຊາດຫີນໜາມໜໍ່ ຖືກຮັບຮອງເປັນມໍຣະດົກໂລກຢ່າງເປັນທາງການແລ້ວ

ໃນວັນທີ 13 ກໍລະກົດ ນີ້, ໃນກອງປະຊຸມຄະນະກໍາມະການມໍຣະດົກໂລກ ຄັ້ງທີ 47 ທີ່ ປາຣີ ປະເທດຝຣັ່ງໄດ້ຮັບຮອງເອົາອຸທິຍານແຫ່ງຊາດຫີນໜາມໜໍ່ ຊຶ່ງຕັ້ງຢູ່ເມືອງບົວລະພາ ແຂວງຄຳມ່ວນ ຂອງສປປ ລາວ ເປັນພື້ນທີ່ມໍຣະດົກໂລກແບບຮ່ວມຊາຍແດນກັບອຸທິຍານແຫ່ງຊາດຟອງຫຍາ-ແກບາງ ມໍຣະດົກໂລກທາງທຳມະຊາດ ແຂວງກວາງຈິ ສສ ຫວຽດນາມ ຢ່າງເປັນທາງການ.
ຝຶກອົບຮົມການນຳໃຊ້ AI ໃຫ້ແກ່ພະນັກງານພາຍໃນ ຄອສພ

ຝຶກອົບຮົມການນຳໃຊ້ AI ໃຫ້ແກ່ພະນັກງານພາຍໃນ ຄອສພ

ໃນວັນທີ 14 ກໍລະກົດ ນີ້ ທີ່ຫ້ອງປະຊຸມທາງໄກ ກົມຂໍ້ມູນຂ່າວສານ (ຄອສພ) ໄດ້ຈັດຊຸດຝຶກອົບຮົມການນຳໃຊ້ AI ໃຫ້ແກ່ພະນັກງານພາຍໃນຄະນະໂຄສະນາອົບຮົມສູນກາງພັກ. ໃຫ້ກຽດເຂົ້າຮ່ວມເປັນປະທານ ທ່ານ ນາງ ວິລະວອນ ພັນທະວົງ ຄະນະປະຈຳພັກ ຮອງຫົວໜ້າຄະນະໂຄສະນາອົບຮົມສູນກາງພັກ ຜູ້ຊີ້ນຳກົມຂໍ້ມູນຂ່າວສານ, ທ່ານ ວັນຕຸລາ ຣັກນຸດ ຄະນະພັກ ຫົວໜ້າກົມຂໍ້ມູນຂ່າວສານ ມີພະນັກງານຈາກບັນດາກົມເຂົ້າຮ່ວມ.
ເມືອງເງິນ ຫາລືການສ້າງຕັ້ງຕາແສງຂັ້ນເມືອງ

ເມືອງເງິນ ຫາລືການສ້າງຕັ້ງຕາແສງຂັ້ນເມືອງ

ວັນທີ 11 ກໍລະກົດຜ່ານມາ ຢູ່ທ່ີຫ້ອງປະຊຸມຫ້ອງວ່າການເມືອງເງິນ ແຂວງໄຊຍະບູລີ ໄດ້ຈັດກອງປະຊຸມ ຄົ້ນຄົ້ວປຶກສາຫາລື ກ່ຽວກັບການສ້າງຕັ້ງຕາແສງຂັ້ນເມືອງ ໂດຍການເປັນປະມານຂອງ ທ່ານ ທອງພັນ ສຸກສະຫວັດ ເລຂາຄະນະບໍລິຫານງານພັກເມືອງ.
ພິທີມອບ ງົວພໍ່ພັນ-ແມ່ພັນ 100 ໂຕ ໃຫ້ປະຊາຊົນບັນດາເຜົ່າ ຢູ່ເຂດຫ່າງໄກຊອກຫຼິກ

ພິທີມອບ ງົວພໍ່ພັນ-ແມ່ພັນ 100 ໂຕ ໃຫ້ປະຊາຊົນບັນດາເຜົ່າ ຢູ່ເຂດຫ່າງໄກຊອກຫຼິກ

ໃນທ້າຍອາທິດຜ່ານມານີ້, ທ່ານ ອານີໄສ ສຸຂະວົງ ຕ່າງໜ້າຄອບຄົວທ່ານ ນາງ ສົມວິໄລວົງ ສຸຂະວົງ, ຄອບຄົວຂອງ ທ່ານ ເຈົ້າແຂວງໆ ຫຼວງນໍ້າທາ ໄດ້ນໍາເອົາງົວຈໍານວນ 100 ໂຕ ມີງົວພໍ່ພັນ 10 ໂຕ, ງົວແມ່ພັນ 90 ໂຕ. ໃນນີ້, ມີງົວແມ່ພັນທີ່ມີລູກໃນທ້ອງ 50 ໂຕ ລວມມູນຄ່າ 1 ຕື້ 800 ລ້ານກີບ ມອບໃຫ້ປະຊາຊົນຜູ້ທີ່ຢູ່ຫ່າງໄກຊອກຫຼິກ ຢູ່ກຸ່ມບ້ານຊຽງແຂງ ເມືອງສິງ ແຂວງຫຼວງນໍ້າທາ.
ສະຫວັນນະເຂດ ປ່ອຍປາລົງອ່າງເກັບນໍ້າບຶງວະ 150,000 ໂຕ ແລະ ຈະປ່ອຍປາ-ສັດນໍ້າຕື່ມອີກໃຫ້ໄດ້38 ລ້ານໂຕ

ສະຫວັນນະເຂດ ປ່ອຍປາລົງອ່າງເກັບນໍ້າບຶງວະ 150,000 ໂຕ ແລະ ຈະປ່ອຍປາ-ສັດນໍ້າຕື່ມອີກໃຫ້ໄດ້38 ລ້ານໂຕ

ວັນທີ 13 ກໍລະກົດ ເປັນວັນປ່ອຍປາ ແລະ ສັດນໍ້າແຫ່ງຊາດ. ດັ່ງນັ້ນ, ພະແນກກະສິກໍາ ແລະ ປ່າໄມ້ແຂວງສະຫວັນນະເຂດ ຮ່ວມກັບ ນະຄອນໄກສອນພົມວິຫານ ໄດ້ຈັດພິທີປ່ອຍປາປະຈໍາປີ 2025 ຢູ່ທີ່ອ່າງເກັບນໍ້າບຶງວະ ບ້ານບຶງວະ ນະຄອນໄກສອນພົມວິຫານ ຈໍານວນ 150,000 ໂຕ ແລະ ໃນປີນີ້ຈະປ່ອຍປາ-ສັດນໍ້າຕື່ມອີກລົງແຫຼ່ງນໍ້າທໍາມະຊາດ, ວັງສະຫງວນ ແລະ ໜອງປາຊຸມຊົນໃຫ້ໄດ້ 38 ລ້ານໂຕ ໂດຍການເຂົ້າຮ່ວມຂອງທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ, ມີຮອງເຈົ້າແຂວງ, ເຈົ້າເມືອງ-ຮອງເຈົ້າເມືອງ, ຫົວໜ້າ-ຮອງຫົວໜ້າພະແນກການ, ອໍານາດການປົກຄອງບ້ານ, ເຖົ້າແກ່ແນວໂຮມ, ປະຊາຊົນ ແລະ ນ້ອງນັກຮຽນ, ມີທ່ານກົງສູນໃຫຍ່ແຫ່ງ ສສ ຫວຽດນາມປະຈໍາແຂວງເຂົ້າຮ່ວມ.
ສາລະວັນ ຫາລືຮ່ວມລະຫວ່າງ ສະພາປະຊາຊົນຂັ້ນແຂວງ ແລະ ອົງການປົກຄອງແຂວງ

ສາລະວັນ ຫາລືຮ່ວມລະຫວ່າງ ສະພາປະຊາຊົນຂັ້ນແຂວງ ແລະ ອົງການປົກຄອງແຂວງ

ຕອນເຊົ້າວັນທີ 14 ກໍລະກົດນີ້ ທີ່ຫ້ອງປະຊຸມສະໂມສອນແຂວງສາລະວັນ ໄດ້ຈັດກອງປະຊຸມ ຮ່ວມລະຫວ່າງ ສະພາປະຊາຊົນແຂວງ ແລະ ອົງການປົກຄອງແຂວງ, ໂດຍການເປັນປະທານຂອງທ່ານ ຂັນໄຊ ລັດຖະເຮົ້າ ຄະນະປະຈໍາພັກແຂວງ ຮອງປະທານສະພາປະຊາຊົນແຂວງ, ມີທ່ານ ພູທົງ ຄໍາມະນີວົງ ຄະນະປະຈໍາພັກແຂວງ ຮອງເຈົ້າແຂວງສາລະວັນ, ມີຄະນະປະຈໍາພັກແຂວງ, ຮອງປະທານ ສະພາປະຊາຊົນແຂວງ, ກໍາມະການພັກແຂວງ, ຄະນະປະຈໍາພາຍໃນສະພາປະຊາຊົນແຂວງ, ສະມາຊິກສະພາ ແລະ ບັນດາທ່ານຫົວໜ້າພະແນກການອ້ອມຂ້າງແຂວງ-ອົງການລັດທຽບເທົ່າຂັ້ນແຂວງ ເຂົ້າຮ່ວມ.
ເພີ່ມເຕີມ