ພ້ອມຄະນະ ເຄື່ອນໄຫວຕິຕາມກວດກາການຈັດຕັ້ງປະຕິບັດວຽກງານ 3 ສ້າງ ໂດຍການຕ້ອນຮັບຂອງທ່ານ ສີເຮັງ ຫອມສົມບັດ ປະທານສະພານປະຊາຊົນແຂວງສາລະວັນ ພ້ອມດ້ວຍ ຄະນະນໍາຂອງເມືອງເຂົ້າຮ່ວມ.
ການລົງເຮັດວຽກງານຢູ່ເມືອງສາລະວັນຄັ້ງນີ້, ເພື່ອຕິດຕາມກວດກາຄວາມຄືບໜ້າຂອງການຈັດຕັ້ງປະຕິບັດມະຕິກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ VII ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດເຮັດທົດລອງ ວຽກງານສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ສະບັບເລກທີ 02/ສພຊ, ລົງວັນທີ 28 ມັງກອນ 2016 ເພື່ອຊອກໃຫ້ເຫັນຜົນງານ, ຂໍ້ສະດວກ, ຂໍ້ ຫຍຸ້ງຍາກ ແລະ ບົດຮຽນທີ່ຖອດຖອນໄດ້ຜ່ານການຈັດຕັ້ງປະຕິບັດຕົວຈິງຂອງ ສູນກາງ ແລະ ທ້ອງຖິ່ນ ໃນໄລຍະຜ່ານມາ; ເພື່ອເກັບກຳຂໍ້ມູນການຈັດຕັ້ງປະຕິບັດການແບ່ງຂັ້ນຄຸ້ມຄອງລະຫວ່າງສູນກາງກັບແຂວງ, ແຂວງກັບເມືອງ ແລະ ເມືອງກັບບ້ານ.
ທ່ານ ຈັນສີລອນ ສີສົມບູນ ເຈົ້າເມືອງສາລະວັນ ໄດ້ລາຍງານໂດຍສັງເຂບກ່ຽວກັບການຈັດຕັ້ງປະຕິບັດວຽກງານ ການສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາຕາມທິດ 3 ສ້າງ ຊຶ່ງຍົກໃຫ້ເຫັນຜົນສຳເລັດຫຼາຍດ້ານ ໂດຍສະເພາະ ວຽກງານກໍ່ສ້າງຮາກຖານການເມືອງໄດ້ຫັນປ່ຽນເຂົ້າສູ່ລວງເລີກຕາມ 4 ເນື້ອໃນ 4 ຄາດໝາຍຢ່າງແຂງແຮງ, ການພັດທະນາຊົນນະບົດ ແລະ ແກ້ໄຂຄວາມທຸກຍາກໄດ້ຮັບການຍົກລະດັບຊີວິດການເປັນຢູ່ຂອງປະຊາຊົນດີຂຶ້ນເທື່ອລະກ້າວ ແລະ ວຽກງານອື່ນ. ຈາກນັ້ນ, ຜູ້ເຂົ້າຮ່ວມກອງປະຊຸມໄດ້ ຄົ້ນຄວ້າຮ່າງບົດລາຍງານຜົນການຕິດຕາມ ກວດກາ ແລະ ແລກປ່ຽນຄໍາຄິດຄໍາເຫັນເຊິ່ງກັນ ແລະ ກັນ ເພື່ອເອກະພາບທິດທາງ, ແຜນການໃນຕໍ່ໜ້າ.
(ພາບ-ຂ່າວ: ລັດຕະນາ ແສງສຸວັນ)
ຄໍາເຫັນ