ໂດຍສຸມໃສ່ແກ້ໄຂ 8 ບັນຫາຕົ້ນຕໍທີ່ພົບພໍ້ຜ່ານມາ ແລະ ພວມປະເຊີນໜ້າຢູ່ໃນປັດຈຸບັນ, ເພື່ອແກ້ໄຂ 8 ບັນຫາຕົ້ນຕໍທີ່ແຂວງພວມປະເຊີນໜ້າຢູ່ນັ້ນຈຶ່ງໄດ້ກໍານົດທິດທາງ, ຄາດໝາຍສູ້ຊົນ ຫຼືວຽກງານຈຸດສຸມຮອດປີ 2025 ຊຶ່ງມີ 16 ວຽກດັ່ງນີ້:
1. ເຮັດໃຫ້ທົ່ວແຂວງສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍທີ່ໜັກແໜ້ນ; 2. ສືບຕໍ່ປັບປຸງບູລະນະລະບອບປະຊາທິປະໄຕປະຊາຊົນ ທີ່ພັກເຮົາເປັນແກນນໍາໃຫ້ມີຄວາມໜັກແໜ້ນເຂັ້ມແຂງ ແລະ ມີຄວາມສາມາດນໍາພາພາລະກິດປົກປັກຮັກສາ ແລະ ສ້າງສາພັດທະນາທ້ອງຖິ່ນໃນເງື່ອນໄຂໃໝ່; ເອົາໃຈໃສ່ໂຄສະນາເຜີຍແຜ່ແນວທາງ, ແຜນນະໂຍບາຍຂອງພັກໃຫ້ທົ່ວເຖິງ ແລະ ມີເນື້ອໃນທີ່ແທດເຖິງຕົວຈິງຢູ່ແຕ່ລະບ່ອນ ຕິດພັນກັບການສຶກສາອົບຮົມ, ນໍາພາການເມືອງແນວຄິດໃຫ້ພະນັກງານສະມາຊິກພັກ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າໃຫ້ເຂົ້າໃຈຢ່າງເລິກເຊິ່ງຕໍ່ການນໍາພາຂອງພັກ ແລະ ການຄຸ້ມຄອງຂອງລັດ, ມີຄວາມສາມັກຄີ, ຄວາມເປັນເອກະພາບ ແລະ ມີຄວາມປອງດອງ;3. ກໍ່ສ້າງ ແລະ ປັບປຸງກໍາລັງປະກອບອາວຸດ ແລະ ເຄິ່ງປະກອບອາວຸດໃຫ້ມີຄວາມເຂັ້ມແຂງ ແລະ ສາມາດປະຕິບັດໜ້າທີ່ຢ່າງເຕັມສ່ວນເພື່ອປົກປັກຮັກສາເຂດໜ້ານໍ້າແດນດິນ ແລະ ແກ້ໄຂບັນດາໜໍ່ແໜ່ງທີ່ກໍ່ຄວາມບໍ່ສະຫງົບໃນສັງຄົມໃຫ້ຫຼຸດໜ້ອຍຖອຍລົງ; 4. ກໍ່ສ້າງພື້ນຖານໂຄງລ່າງຮັບໃຊ້ແກ່ການພັດທະນາ, ການດໍາລົງຊີວິດ ແລະ ການແກ້ໄຂຄວາມທຸກຍາກຂອງປະຊາຊົນ ຕາມແລວທາງພັດທະນາທີ່ໄດ້ກໍານົດໄວ້ (11,4,5,6 ແລະ 22) ແລະ9 ແຜນງານ; ໃນ 5 ປີຕໍ່ໜ້າ ເສດຖະກິດຈະຂະຫຍາຍຕົວສະເລ່ຍໃນລະດັບ 5,88% ຕໍ່ປີ; ໃນປີ 2025ລວມຍອດຜະລິດຕະພັນພາຍໃນສະເລ່ຍໃສ່ຫົວຄົນໃຫ້ໄດ້ຫຼາຍກວ່າ 1,501ໂດລາ;ໂຄງປະກອບເສດຖະກິດໃຫ້ຫັນປ່ຽນໄປຕາມທິດຫັນເປັນອຸດສາຫະກຳ, ທັນສະໄໝ, ສີຂຽວ ແລະ ຍືນຍົງເທື່ອລະກ້າວ; ພື້ນຖານໂຄງລ່າງຮັບໃຊ້ໃຫ້ແກ່ການພັດທະນາເສດຖະກິດ-ສັງຄົມໃຫ້ມີຄວາມຮັບປະກັນໂດຍພື້ນຖານ, ການຜະລິດຕະພັນກະສິກໍາ ຕິດພັນກັບ ອຸດສາຫະກໍາປຸງແຕ່ງ ແລະ ການບໍລິການເພີ່ມຂຶ້ນຢ່າງຕໍ່ເນື່ອງ; 5. ສ້າງຖານແຫຼ່ງລາຍຮັບງົບປະມານໃຫ້ເພີ່ມຂຶ້ນ ຕິດພັນກັບ ການສົ່ງເສີມຫົວໜ່ວຍ SMEs,ປັບປຸງການເງິນຂັ້ນບ້ານໃຫ້ມີຄວາມເຂັ້ມແຂງ, ປັບປຸງການຈັດເກັບລາຍຮັບວິຊາການໃຫ້ສະດວກວ່ອງໄວ ແລະ ຈັດເກັບລາຍຮັບເຂົ້າງົບປະມານຂອງແຂວງໃຫ້ເພີ່ມຂຶ້ນ ແລະ ກວມ 3% ຂອງ GDPຂຶ້ນໄປ; 6. ຈະສຸມໃສ່ສ້າງໃຫ້ເມືອງຜົ້ງສາລີ ເປັນເມືອງທ່ອງທ່ຽວທີ່ມີເອກະລັກສະເພາະ; ສ້າງໃຫ້ເມືອງບຸນເໜືອ ເປັນເມືອງສີຂຽວ, ທັນສະໄໝ ແລະ ເປັນເມືອງໃຈກາງທາງດ້ານການບໍລິຫານລັດ ແລະ ບໍລິການຕ່າງໆທາງສັງຄົມ ແລະ ສ້າງໃຫ້ເມືອງອື່ນໆ ເປັນເມືອງພັດທະນາທາງດ້ານອຸດສາຫະກໍາ ແລະ ການບໍລິການທົ່ວໄປ; ສ້າງເຂດເສດຖະກິດພິເສດ ຢູ່ພາຍໃນແຂວງໃນບ່ອນທີ່ມີເງື່ອນໄຂ;7. ສືບຕໍ່ຫັນລົງກໍ່ສ້າງຮາກຖານການເມືອງໃຫ້ມີຄວາມເຂັ້ມແຂງ (4 ປະເພດຮາກຖານ), ຍູ້ການຈັດຕັ້ງປະຕິບັດວຽກງານ 3 ສ້າງ ແລະ ນໍາພາປະຊາຊົນເຮັດຕົວຈິງຢ່າງຕໍ່ເນື່ອງ ແລະ ສ້າງໄດ້ລະບົບການເມືອງຢູ່ຂັ້ນຮາກຖານໃຫ້ມີຄວາມເຂັ້ມແຂງຂຶ້ນ ແລະ ຄວາມເປັນເຈົ້າຂອງປະຊາຊົນນັບມື້ສູງຂຶ້ນ; ສຸມໃສ່ສ້າງບ້ານໃຫຍ່ໃຫ້ເປັນຕົວເມືອງໃນຊົນນະບົດໃຫ້ໄດ້ 15 ຈຸດ, ໃນນັ້ນສຸມໃສ່ໃຫ້ເກີດຕົວຈິງກ່ອນ 7 ຈຸດ;8. ຈັດສັນ ແລະ ນໍາໃຊ້ຊັບພະຍາກອນທໍາມະຊາດ ເປັນຕົ້ນແມ່ນ ການວາງແຜນນໍາໃຊ້ 8 ປະເພດທີ່ດິນຂັ້ນບ້ານແບບມີສ່ວນຮ່ວມ ໃຫ້ຖືກຕ້ອງຕາມລະບຽບກົດໝາຍ ແລະ ມີຄວາມຍືນຍົງ; 9. ສົ່ງເສີມການຜະລິດເປັນສິນຄ້າເພື່ອສົ່ງອອກ ທີ່ຕິດພັນກັບຕະຫຼາດ ແລະ ການຈັດສັນພູມລໍາເນົາ, ການຈັດສັນອາຊີບ, ການສ້າງລາຍໄດ້ໃຫ້ແກ່ປະຊາຊົນ ແລະ ໃຫ້ປະຊາຊົນຫຼຸດພົ້ນອອກຈາກຄວາມທຸກຍາກ ໂດຍສຸມໃສ່ການສົ່ງເສີມການຜະລິດກະສິກໍາສະອາດ ທີ່ນໍາໃຊ້ວິທະຍາສາດ ແລະ ເຕັກໂນໂລຊີ ຕິດພັນກັບການທ່ອງທ່ຽວ; 10. ສ້າງຂີດຄວາມສາມາດໃຫ້ພະນັກງານນໍາພາ-ຄຸ້ມຄອງ, ພະນັກງານສະມາຊິກພັກ ແລະ ພະນັກງານວິຊາການ ໃຫ້ສູງຂຶ້ນ ແລະ ທັງມີຄຸນສົມບັດສິນທໍາປະຕິວັດ, ມີຄວາມຮັບຜິດຊອບສູງຕໍ່ໜ້າທີ່ວຽກງານ ແລະ ມີຄວາມຈົງຮັກພັກດີຮັບໃຊ້ຊາດ, ຮັບໃຊ້ປະຊາຊົນ ຢ່າງສຸດໃຈ;11. ກໍ່ສ້າງຊັບພະຍາກອນມະນຸດ ໃຫ້ເປັນລະບົບເລີ່ມຈາກແມ່, ເດັກກ່ອນໄວຮຽນ, ລະບົບສາມັນສຶກສາ ແລະ ການກໍ່ສ້າງວິຊາສະເພາະແຕ່ລະດ້ານ ໃຫ້ສອດຄ່ອງກັບຄວາມຮຽກຮ້ອງການຂອງການພັດທະນາ ແລະ ຄວາມຕ້ອງການຕົວຈິງຢູ່ພາຍໃນແຂວງ ຕິດພັນກັບ ການຈັດຕັ້ງຫົວໜ່ວຍສົ່ງເສີມຈັດຫາງານ (ວຽກເຮັດງານທໍາ); 12. ສົ່ງເສີມການປະຕິບັດສິດສະເໝີພາບລະຫວ່າງເພດຍິງ ແລະ ເພດຊາຍ ແລະ ເພີ່ມທະວີຄວາມສາມັກຄີປອງດອງເປັນປຶກແຜ່ນພາຍໃນທ້ອງຖິ່ນ ແລະ ຄວາມສາມັກຄີ ຂອງປະຊາຊົນບັນດາເຜົ່າ ເພື່ອແກ້ໄຂບັນຫາຂໍ້ຂັດແຍ່ງຕ່າງໆໃຫ້ໝົດໄປ;13. ສົ່ງເສີມວັດທະນະທໍາອັນດີງາມຂອງຊາດ, ຂອງເຜົ່າ ແລະ ຮີດຄອງປະເພນີຂອງປະຊາຊົນບັນດາເຜົ່າຕ່າງໆ ຕິດພັນກັບການທ່ອງທ່ຽວ ແລະ ການຮຽນຮູ້ໜັງສື ແລະ ການຮູ້ເວົ້າພາສາລາວ; 14. ຕັ້ງໜ້າ ແລະ ເປັນເຈົ້າການໃນການພົວພັນຮ່ວມມືກັບພາຍໃນ ແລະ ພົວພັນຮ່ວມມືກັບຕ່າງປະເທດ ຕາມທິດເພີ່ມມິດຫຼຸດຜ່ອນສັດຕູ, ທັງຍາດແຍ່ງເອົາບົດຮຽນ, ເຕັກນິກວິທະຍາສາດ ແລະ ຕ່າງຝ່າຍຕ່າງມີຜົນປະໂຫຍດ; 15. ເພີ່ມທະວີຄວາມເຂັ້ມງວດ ໃນການຄຸ້ມຄອງລັດ, ຄຸ້ມຄອງສັງຄົມ ດ້ວຍລະບຽບກົດໝາຍ; ສົ່ງເສີມດ້ານດີ, ດ້ານຕັ້ງໜ້າ, ຫົວຄິດປະດິດສ້າງ ແລະ ກໍາຈັດປັດເປົ່າບັນຫາດ້ານອ່ອນ, ຂໍ້ຄົງຄ້າງ ແລະ ບັນຫາປະກົດການຫຍໍ້ທໍ້ໃຫ້ຫຼຸດໜ້ອຍຖອຍລົງ; 16. ເພີ່ມທະວີກໍ່ສ້າງໜ່ວຍພັກ ໃຫ້ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ມີຄວາມສາມາດກໍາອໍານາດ, ຄວາມສາມາດນໍາພາຮອບດ້ານ.
ເພື່ອຈັດຕັ້ງປະຕິບັດ16 ວຽກຕົ້ນຕໍ ກໍຄືທິດທາງ, ຄາດໝາຍສູ້ຊົນທີ່ໄດ້ກໍານົດໄວ້ໃນລາຍງານການເມືອງໃຫ້ປະກົດຜົນເປັນຈິງ ໃນແຜນພັດທະນາເສດຖະກິດ-ສັງຄົມ ໃນ 5 ປີຕໍ່ໜ້າ (2021-2025 ) ຈະໄດ້ສຸມໃສ່ຈັດຕັ້ງປະຕິບັດ 6 ເປົ້າໝາຍຕົ້ນຕໍ, 11ວຽກງານຈຸດສຸມ, 9 ແຜນງານ ແລະ 6 ທາງອອກຂອງແຂວງ, ລະອຽດມີເອກະສານ, ມີຄູ່ມືແລ້ວ.
ຂ່າວ: ພູວັນ
ຄໍາເຫັນ