 |
ໂອກາດນີ້, ທ່ານ ໄຊຊະນະ ໂຄດພູທອນ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງ ຕໍ່ການເຂົ້າມາຢ້ຽມຢາມ ແລະ ພົບປະໃນຄັ້ງນີ້ ຊຶ່ງມີຄວາມໝາຍຄວາມສຳຄັນປະກອບສ່ວນເຂົ້າໃນການຍົກສູງສາຍພົວພັນມິດຕະພາບ ແລະ ການຮ່ວມມືຢ່າງຮອບດ້ານໃນທຸກຂົງເຂດວຽກງານ ໂດຍສະເພາະໃນຂົງເຂດວຽກງານໄອຍະການປະຊາຊົນ ຂອງສອງປະເທດ ລາວ-ຫວຽດນາມ ໃຫ້ໄດ້ຮັບການພັດທະນາ ກ້າວເຂົ້າສູ່ລວງເລິກ ແລະ ເສີມຂະຫຍາຍຂຶ້ນຢ່າງບໍ່ຢຸດຢັ້ງ.
ໂອກາດດັ່ງກ່າວ, ທ່ານ ຫງວຽນ ມິງ ເຕິມ ໄດ້ສະແດງຄວາມຂອບໃຈຢ່າງສູງໃນການຕ້ອນຮັບອັນອົບອຸ່ນ ແລະ ຕີລາຄາສູງຕໍ່ສາຍພົວພັນມິດຕະພາບ ຫວຽດນາມ-ລາວ ພ້ອມທັງຢືນຢັນທີ່ຈະສືບຕໍ່ຮັກສາມູນເຊື້ອອັນດີງາມ ທີ່ປະທານ ໂຮ່ຈິມິນ ແລະ ປະທານ ສຸພານຸວົງ ຜູ້ນຳທີ່ແສນເຄົາລົບຮັກໄດ້ກໍ່ຕັ້ງ, ຈະຖືເອົາວຽກງານການຮ່ວມມື ລາວ-ຫວຽດນາມ ເປັນສຳຄັນ, ໃນຖານະເປັນເສນາທິການໃຫ້ແກ່ລັດຖະບານຫວຽດນາມ ຈະໃຫ້ການຊ່ວຍເຫຼືອຢ່າງຮອບດ້ານ ໂດຍສະເພາະການແລກປ່ຽນບົດຮຽນ ລະຫວ່າງ ອົງການໄອຍະການປະຊາຊົນ ແຫ່ງ ສສ ຫວຽດນາມ ແລະ ອົງການໄອຍະການປະຊາຊົນ ແຫ່ງ ສປປ ລາວ ເຊັ່ນ: ການຈັດຝຶກອົບຮົມແລກປ່ຽນບົດຮຽນຈາກຊ່ຽວຊານ ສສ ຫວຽດນາມ ບາງບັນຫາທີ່ພົ້ນເດັ່ນ ເປັນຕົ້ົນ ການດຳເນີນຄະດີອາຊະຍາກໍາທາງດ້ານຄອມພີວເຕີ, ການແກ້ໄຂບັນຫາຢາເສບຕິດ, ການຮ່ວມມືທາງດ້ານຍຸຕິທຳໃນບັນຫາອາຍາ ແລະ ອື່ນໆ ເພື່ອແນໃສ່ການພັດທະນາຂົງເຂດໄອຍະການໃຫ້ຫັນສູ່ທັນສະໄໝ.
ພ້ອມດຽວກັນນັ້ນ, ທັງສອງຝ່າຍຍັງໄດ້ໃຫ້ຄຳໝັ້ນສັນຍາໃນການຮ່ວມມື ແລະ ເສີມຂະຫຍາຍສາຍພົວພັນອັນດີງາມໃນຕໍ່ໜ້າໃຫ້ແໜ້ນແຟ້ນຂຶ້ນໄປເລື້ອຍໆ.
(ຂ່າວ-ພາບ: ອອປສ)
ຄໍາເຫັນ