 |
ຜ່ານການແຂ່ງຂັນ, ເຮືອນັນຕະໄຊ ຕົວແທນຈາກແຂວງສະຫວັນນະເຂດ ສາມາດປ້ອງກັນແຊ້ມເຮືອຊ່ວງໄດ້ຕໍ່ເນື່ອງ ທີ່ສະໜາມແຂ່ງຂັນ ເມືອງສາລະວັນ, ເອົາຊະນະສີພາຍເຮືອຊ່ວງ ແກ້ວມັງກອນ (ທະຫານແຂວງ) ແບບດຸເດືອດ ໃນປະເພດເຮືອໃຫຍ່ 35 ສີພາຍ ໄດ້ຮັບລາງວັນຊະນະເລີດ, ເງິນສົດ 35 ລ້ານກີບ ພ້ອມຂັນ 1 ໜ່ວຍ, ທີ 2 ໄດ້ແກ່ເຮືອແກ້ວມັງກອນ ຮັບເງິນສົດ 15 ລ້ານກີບ, ທີ 3 ເຮືອໜຸ່ມສາລະວັນ+ຣາຊາ ໄດ້ຮັບເງິນສົດ 10 ລ້ານກີບ. ສຳລັບປະເພດເຮືອ 29 ສີພາຍ (ຊາຍ) ເຮືອບ້ານບັງຄານ້ຳ (ສຸຣິຍະເທບ) ສາມາດປ້ອງກັນແຊ້ມໄດ້, ຮັບຂັນ 1 ໜ່ວຍ, ເງິນສົດ 25 ລ້ານກີບ, ທີ 2 ເຮືອແກ້ວມັງກອນ (ທະຫານແຂວງ) ຮັບເງິນສົດ 14 ລ້ານກີບ, ທີ 3 ເຮືອບ້ານເຕເມສັງທອງ ໄດ້ຮັບເງິນສົດ 7 ລ້ານກີບ. ເຮືອ 29 ສີພາຍ ປະເພດຍິງ, ທີ 1 ເຮືອບ້ານໜອງໂພ+ບັງຄານ້ຳ ທີ່ສາມາດປ້ອງກັນແຊ້ມໄດ້, ຮັບຂັນ 1 ໜ່ວຍ, ເງິນສົດ 25 ລ້ານກີບ, ທີ 2 ບ້ານຈານລານເຊ, ຮັບເງິນ 14 ລ້ານກີບ, ທີ 3 ເຮືອທ່າເມືອງເຊ ຮັບເງິນສົດ 7 ລ້ານກີບ.
 |
ສໍາລັບເຮືອປະເພດ 12 ສີພາຍ (ຊາຍ), ຊະນະເລີດ ເຮືອທິດາວາປີ2, ທີ 2 ເຮືອຈານລານເຊ, ທີ 3 ເຮືອບ້ານບັງຄານໍ້າ. ປະເພດຍິງ ທີ 1 ໄດ້ແກ່ເຮືອບ້ານໂພນຕານ, ທີ 2 ເຮືອເທບກໍາໄລເພັດ, ທີ 3 ເຮືອບ້ານຄັນໝາກໂຍດ. ສ່ວນເຮືອ 12 ສີພາຍ (ພາຍໃນເມືອງ) ເພດຊາຍ, ທີ 1 ເຮືອບ້ານຫຼັກສອງ, ທີ 2 ແມ່ນເຮືອບ້ານໂພນແພງ, ທີ 3 ເຮືອບ້ານຄັນໝາກໂຍດ. ເຮືອຊ່ວງ 12 ສີພາຍ (ພາຍໃນເມືອງ) ເພດຍິງ, ທີ 1 ແມ່ນເຮືອບ້ານທ່າເມືອງເຊ1, ທີ 2 ບ້ານຄັນໝາກໂຍດ, ທີ 3 ເຮືອບ້ານທ່າເມືອງເຊ2. ສໍາລັບລາງວັນເຮືອປະເພດ 12 ສີພາຍ: ທີ 1 ໄດ້ຮັບຂັນ 1 ໜ່ວຍ ພ້ອມເງິນສົດ 17 ລ້ານກີບ, ທີ 2 ໄດ້ຮັບເງິນສົດ 10 ລ້ານກີບ, ທີ 3 ຮັບເງິນສົດ 5 ລ້ານກີບ. ໃຫ້ກຽດມອບໂດຍ ທ່ານ ດາວວົງ ພອນແກ້ວ ເຈົ້າແຂວງສາລະວັນ, ທ່ານ ປະເດີມພອນ ສົນທະນີ ຮອງເຈົ້າແຂວງ, ທ່ານ ຈັນສີລອນ ສີສົມບູນ ປະທານຈັດງານບຸນຊ່ວງເຮືອ ປະຈຳປີ 2025 ໄດ້ຜັດປ່ຽນກັນມອບລາງວັນຕາມລໍາດັບ. ສໍາລັບເຮືອຕີຊ້າງນໍ້ານອງ (ເຮືອງາມ) ທີ 1 ເຮືອບ້ານບຶງໄຊ, ທີ 2 ເຮືອບ້ານໜອງໃສ ແລະ ທີ 3 ເຮືອບ້ານໂພນບົກ.
(ຂ່າວ-ພາບ: ວິໄລວອນ ສິດທິໄຊ)
ຄໍາເຫັນ