ທີີ່ໝັ້ນຄົງໃນຫວຽດນາມ ພ້ອມກັບການຂະຫຍາຍເຄືອຂ່າຍລະຫວ່າງປະເທດເພື່ອຕອບສະໜອງຄວາມຕ້ອງການທີ່ເພີ່ມຂຶ້ນ ຂອງຜູ້ໂດຍສານ 200 ລ້ານຄົນ,ໃນໄລຍະເວລາດຽວກັນນີ້ ຫວຽດເຈັດ (Vietjet)ໄດ້ຂົນສົ່ງຜູ້ໂດຍສານຫຼາຍກວ່າ 19.6 ລ້ານຄົນ, ໂດຍຜ່ານ 104,000 ຖ້ຽວບິນ ຊຶ່ງເພີ່ມຂຶ້ນ 6% ແລະ 2% ເມື່ອທຽບກັບປີທີ່ແລ້ວ ສາຍການບິນມີຜູ້ໂດຍສານລະຫວ່າງປະເທດຫຼາຍກວ່າ 2.54 ລ້ານຄົນ ເພີ່ມຂຶ້ນ 9.1% ເມື່ອທຽບກັບປີທີ່ຜ່ານມາ.
ລາຍຮັບຈາກການຂົນສົ່ງທາງອາກາດ ໃນໄລຍະເວລານີ້ຢູ່ທີ່ 51.7 ລ້ານລ້ານດົງ (ປະມານ 44.8 ລ້ານລ້ານກີບ) ແລະ ລາຍຮັບລວມຢູ່ທີ່ 52.2 ລ້ານລ້ານດົງ (ປະມານ 45.25 ລ້ານລ້ານກີບ)ຊຶ່ງມີການເຕີບໂຕ 32% ແລະ 19% ເມື່ອປຽບທຽບກັບປີຜ່ານມາ.
Vietjetມີຖ້ຽວບິນທີ່ປະກອບດ້ວຍເຮືອບິນ 85 ລໍາ ໂດຍມີອັດຕາການໃຊ້ບ່ອນນັ່ງສະເລ່ຍທີ່ 87% ແລະ ອັດຕາຄວາມໜ້າເຊື່ອຖືທາງເຕັກນິກທີີ່ສູງເຖິງ 99.7%.ສາຍການບິນນີ້ ໃຫ້ບໍລິການທັງໝົດ 155 ເສັ້ນທາງ ໂດຍ 112 ເສັ້ນທາງເປັນເສັ້ນທາງລະຫວ່າງປະເທດ ປັດຈຸບັນມີຖ້ຽວບິນກົງທຸກມື້ ຈາກນະຄອນຫຼວງວຽງຈັນ ໄປຫາ ນະຄອນໂຮ່ຈິມີນ ເມືອງທີ່ໃຫຍ່ທີີ່ສຸດໃນຫວຽດນາມ ພ້ອມເຊື່ອມຕໍ່ໄປຫາຈຸດໝາຍປາຍທາງອື່ນໆ ທົ່ວພາກພື້ນອາຊີປາຊີຟີກ ຜ່ານເຄືອຂ່າຍຖ້ຽວບິນທີ່ກວ້າງຂວາງ.
Vietjetໄດ້ເປີດແນະນຳ ບໍລິການບິນໂດຍກົງໄປຫາປະເທດອິນເດຍ, ອົສຕຣາລີ ແລະ ຈີນ, ລວມເຖິງການເພີ່ມຄວາມຖີ່ຂອງຖ້ຽວບິນ ໃນຫຼາຍເສັ້ນທາງໄປຍັງ ສ ເກົາຫຼີ, ຍີ່ປຸ່ນ ແລະ ໃຕ້ຫວັນ, ນອກຈາກນີ້ຍັງມີການຈັດໂປຣໂມຊັນໃນເສັ້ນທາງລະຫວ່າງປະເທດ ເພື່ອສົ່ງເສີມການທອ່ງທ່ຽວໃນໄລຍະເທດສະການປີໃໝ່ທີ່ຈະມາເຖິງນີ້ດ້ວຍການເຕີບໂຕຂອງຜູ້ໂດຍສານຢ່າງແຂງແຮງ Vietjetຕ້ອນຮັບຜູ້ໂດຍສານທີ່ 200 ລ້ານຄົນ, ໃນໄຕມາດທີ 3ຂອງປີ 2024 ຊຶ່ງຖືເປັນບາດກ້າວສໍາຄັນໃນການເຊື່ອມຕໍ່ລະຫວ່າງຫວຽດນາມກັບທົ່ວໂລກ ແລະ ສົ່ງເສີມການທ່ອງທ່ຽວ ການຄ້າ ແລະ ການລົງທຶນລະຫວ່າງປະເທດ.
ໃນການ Farnborough International Airshow ເດືອນກໍລະກົດ Vietjetໄດ້ເຊັນສັນຍາກັບ Airbus ເພື່ອຊື້ເຮືອບິນ A330neo ໃໝ່ 20 ລຳ, ມູນຄ່າລວມ 7,4 ພັນລ້ານໂດລາ. (ປະມານ 162 ລ້ານລ້ານກີບ) ແລະ ໃນເດືອນຕຸລາ ສາຍການບິນໄດ້ຮັບເຮືອບິນໃໝ່ 3 ລໍາ ແລະ ຈະຍັງຄົງສົ່ງມອບເຮືອບິນທີ່ເປັນມິດກັບສິ່ງແວດລ້ອມຫຼາຍກວ່າໃນໄຕມາດທີ 4 ນີ້.
ນອກຈາກນີ້ຍັງໄດ້ສັນຍາກັບບໍລິສັດການບິນ ແລະ ອາວະກາດຊັ້ນນໍາ ລວມເຖິງ Rolls-Royce ແລະ Lufthansa Technik ໂດຍຢືນຢັນຄວາມມຸ່ງໝັ້ນໃນການລົງທຶນໃນໂຊລູຊັນ ແລະ ບໍລິການເຕັກໂນໂລຊີ ການບິນທີ່ທັນສະໄໝເພື່ອຮັກສາມາດຕະຖານສູງສຸດຂອງຄວາມປອດໄພ ແລະ ຄຸນນະພາບ.
Vietjetເປັນຜູ້ນຳໃນການຫຼຸດຜ່ອນການປ່ອຍມົນລະພິດ ແລະ ສົ່ງເສີມການພັດທະນາທີ່ຢັ້ງຢືນ (ESG) ໂດຍການພັດທະນາການວິໄຈ ແລະ ການໃຊ້ເຊື້ອເພີິງ ການບິນທີ່ຢັ້ງຢືນ (SAF) ສາຍການບິນຮ່ວມມືກັບ suppliers ລະຫວ່າງປະເທດທີ່ມີຊື່ສຽງ ເພື່ອສະໜັບສະໜູນ SAF ແລະ ບໍລິການດ້ານເຕັກນິກສໍາລັບເຮືອບິນທີ່ທັນສະໄໝ. ທີ່ສອດຄອງກັບພາລະກິດຂອງຕົນເພື່ອເຮັດໃຫ້ຜູ້ຄົນຫຼາຍລ້ານຄົນ, ສາມາດເຂົ້າເຖິງການບິນໄດ້ Vietjetຍົກລະດັບການບໍລິການຜູ້ບໍລິໂພກໃນເວທີການຄ້າອີຄອມເມີຊຂອງຕົນ, ໂດຍຈັດລະດັບຄວາມສຳຄັນຂອງບຸລິມະສິດການປະດິດສ້າງດ້ານດີຈີຕອນ ເພື່ອຄວາມສະດວກ ແລະ ຄວາມເພິ່ງພໍໃຈສູງສຸດຂອງຜູ້ໂດຍສານ.
(ຂ່າວ: ຕຸໄລເພັດ)
ຄໍາເຫັນ