ຫວຽດນາມ ຈັດກອງປະຊຸມຄັ້ງທີ 1 ສະພາເລືອກຕັ້ງແຫ່ງຊາດ

13:33 10/07/2025

ວິທະຍຸກະຈາຍສຽງຫວຽດນາມ ລາຍງານວ່າ: ກອງປະຊຸມຄັ້ງທີ 1 ຂອງສະພາເລືອກຕັ້ງແຫ່ງຊາດ ໄດ້ດຳເນີນໃນຕອນເຊົ້າວັນທີ 9 ກໍລະກົດ ຜ່ານມາ ທີ່ຫໍສະພາແຫ່ງຊາດຫວຽດນາມ ຢູ່ນະຄອນຫຼວງຮ່າໂນ້ຍ. ໂດຍການເປັນປະທານຂອງທ່ານ ເຈິ່ນແທັງເໝິນ ປະທານສະພາແຫ່ງຊາດ ປະທານສະພາເລືອກຕັ້ງແຫ່ງຊາດ.

ທ່ານ ເຈິ່ນແທັງເໝິນ ກ່າວຄຳເຫັນເປີດກອງປະຊຸມວ່າ: ນີ້ແມ່ນກອງປະຊຸມຄັ້ງທຳອິດ, ເພື່ອກຳນົດທິດວຽກງານການດຳເນີນການເລືອກຕັ້ງຢ່າງຮອບດ້ານ, ລຸລ່ວງ.

ໃນໄລຍະຈະມາເຖິງ, ທ່ານ ເຈິ່ນແທັງເໝິນ ສະເໜີວ່າ: ຕ້ອງເພີ່ມທະວີວຽກງານໂຄສະນາ, ເຜີຍແຜ່ກ່ອນດໍາເນີນ, ໃນເວລາດຳເນີນ ແລະ ຫຼັງການດຳເນີນການເລືອກຕັ້ງ, ໂດຍສະເພາະແມ່ນໂຄສະນາກ່ຽວກັບຄວາມຮັບຮູ້ຂອງປະຊາຊົນກ່ຽວກັບສິດ ແລະ ພັນທະຂອງພົນລະເມືອງໃນການເລືອກຕັ້ງ, ໂຄສະນາທັງຢູ່ພາຍໃນ ແລະ ຕ່າງປະເທດ. ບັນດາອົງການເຈົ້າໜ້າທີ່ຕ້ອງເປັນເຈົ້າການຕໍ່ສູ້, ປົກປັກຮັກສາສະພາບແວດລ້ອມຂໍ້ມູນຂ່າວສານທີ່ປອດໃສ, ໂດຍສະເພາະແມ່ນໃນສື່ສັງຄົມອອນລາຍ. ວຽກງານບຸກຄະລາກອນ ຕ້ອງປະຕິບັດຢ່າງແໜ້ນແຟ້ນ, ພາວະວິໄສ, ຖືກຕ້ອງຕາມມາດຕະຖານ, ຮັບປະກັນໂຄງປະກອບ, ອັດຕາຕາງໜ້າໃຫ້ເໝາະສົມ”.

ການເລືອກຕັ້ງສະມາຊິກສະພາແຫ່ງຊາດຊຸດທີ XVI ແລະ ຜູ້ແທນສະພາປະຊາຊົນອາຍຸການ 2025 – 2031 ຈະດຳເນີນໃນວັນທີ 15 ມີນາ 2026.

ຄໍາເຫັນ

ຂ່າວຕ່າງປະເທດ

ກອງປະຊຸມລະດັບລັດຖະມົນຕີການສົນທະນາລະຫວ່າງອະລິຍະທຳໂລກໄຂຂຶ້ນຢູ່ປັກກິ່ງ

10/07/2025 18:31

ວັນທີ 10 ກໍລະກົດນີ້, ກອງປະຊຸມລະດັບລັດຖະມົນຕີການສົນທະນາລະຫວ່າງອະລິຍະທຳໂລກ ໄດ້ໄຂຂຶ້ນຢູ່ນະຄອນຫຼວງປັກກິ່ງຂອງຈີນ.

ພັກກອມມູນິດຫວຽດນາມ ວາງບາງທິດທາງ ໜ້າທີ່ຕົ້ນຕໍໃນຕໍ່ໜ້າ

10/07/2025 15:30

ພັກກອມມູນິດຫວຽດນາມ ໄດ້ສືບຕໍ່ຢຶດໝັ້ນຢ່າງແນວແນ່ປົກປັກຮັກສາຄວາມເປັນເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນໃນສາຍສຳພັນອັນແໜ້ນແຟ້ນກັບການຮັກສາຄວາມເປັນສັນຕິພາບ, ສະຖຽນລະພາບ ເພື່ອພັດທະນາປະເທດຊາດ. ຢືດໝັ້ນຄວາມເປັນເອກະລາດ, ຄວາມເປັນ ເຈົ້າ; ຮັກສາອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນ, ພ້ອມດຽວກັນນັ້ນຕ້ອງການປົກປັກຮັກສາສະພາບແວດລ້ອມສັນຕິພາບ, ຄວາມໝັ້ນຄົງ ແລະ ຂໍ້ສະດວກໃຫ້ແກ່ການພັດທະນາປະເທດຊາດ.

ໄພນ້ຳຖ້ວມຢູ່ລັດເທັກຊັສ ເຮັດໃຫ້ມີຜູ້ເສຍຊີວິດ 111 ຄົນ ແລະ ຫາຍສາບສູນ 172 ຄົນ

10/07/2025 13:38

ຂ່າວສານຊີອາໄອລາຍງານວ່າ: ນັບມາຮອດວັນທີ 8 ກໍລະກົດ ຜ່ານມານີ້, ໄພນ້ຳຖ້ວມທີ່ເກີດຂຶ້ນຢູ່ລັດເທັກຊັສຂອງ ສະຫະລັດ ອາເມຣິກາ ໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍ 111 ຄົນ, ນອກນີ້ຍັງມີຜູ້ຫາຍສາບສູນ 172 ຄົນ.

ອິນໂດເນເຊຍ ລົງນາມຂໍ້ຕົກລົງດ້ານພະລັງງານ - ທັນຍາພືດ ກັບ ສະຫະລັດ ອາເມຣິກາ

10/07/2025 13:37

ຂ່າວຕ່າງປະເທດລາຍງານໃນວັນທີ 9 ກໍລະກົດ ຜ່ານມາວ່າ: ບໍລິສັດນ້ຳມັນແຫ່ງລັດ ແລະ ບໍລິສັດກະສິກຳ ຂອງອິນໂດເນເຊຍ ໄດ້ລົງນາມໃນຂໍ້ຕົກລົງເພື່ອເພີ່ມການຊື້ພະລັງງານ ແລະ ຜະລິດຕະພັນກະສິກຳ ຂອງ ສະຫະລັດ ອາເມລິກາ ເພື່ອຫຼີກເວັ້ນຜົນກະທົບຈາກການປະກາດເກັບພາສີນຳເຂົ້າ 32% ຂອງ ທ່ານ ໂດໂນ ທຣໍາ ປະທານາທິບໍດີ ສະຫະລັດ ອາເມຣິກາ.

ສິງກະໂປ ຈະຈ້າງຄູສອນໃໝ່ 1,000 ຄົນຕໍ່ປີ

10/07/2025 13:36

ຂ່າວຕ່າງປະເທດລາຍງານ ໃນວັນທີ 9 ກໍລະກົດ ຜ່ານມາວ່າ: ທ່ານ ເດສມອນ ລີ ລັດຖະມົນຕີກະຊວງສຶກສາທິການ ສິງກະໂປ ກ່າວວ່າ: ສິງກະໂປຈະຮັບສະໝັກຄູສອນໃໝ່ 1,000 ຄົນຕໍ່ປີໃນຊຸມຕໍ່ໄປ ຊຶ່ງເພີ່ມຂຶ້ນຈາກໄລຍະຜ່ານມາທີ່ໄດ້ຮັບສະໝັກ ປະມານ 700 ຄົນຕໍ່ປີ.

ກອງປະຊຸມລັດຖະມົນຕີການຕ່າງປະເທດ ອາຊຽນ ຮຽກຮ້ອງເພີ່ມທະວີການເຊື່ອມຕໍ່

10/07/2025 13:35

ວິທະຍຸກະຈາຍສຽງຫວຽດນາມ ລາຍງານວ່າ: ທ່ານ ອັນວາ ອິບຣາຮີມ ກ່າວຄຳເຫັນໃນພິທີເປີດກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 58 ໃນວັນທີ 9 ກໍລະກົດ ຜ່ານມາ ຢູ່ມາເລເຊຍ ວ່າ: ບັນດາລັດຖະມົນຕີການຕ່າງປະເທດ ແລະ ເສດຖະກິດໃນພາກພື້ນ ຕ້ອງສົມທົບກັນຢ່າງແໜ້ນແຟ້ນ, ຍ້ອນວ່າມີແຕ່ພ້ອມກັນກະທຳ, ອາຊຽນຈຶ່ງອາດສາມາດນຳຈິດໃຈສາມັກຄີກາຍເປັນໝາກຜົນຢ່າງລະອຽດ ແລະ ແທດຈິງໃຫ້ແກ່ພາກພື້ນ.

ສະຖາບັນວິທະຍາສາດຈີນ ນໍາສະເໜີຜົນການຄົ້ນຄວ້າຕົວຢ່າງຢູ່ພື້ນຜິວດວງຈັນ

10/07/2025 13:34

ຂ່າວສານຊີອາໄອລາຍງານວ່າ: ໃນວັນທີ 9 ກໍລະກົດນີ້, ສະຖາບັນວິທະຍາສາດຈີນ ໄດ້ຈັດກອງປະຊຸມຖະແຫຼງຂ່າວ ເພື່ອນໍາສະເໜີຄວາມຄືບໜ້າຫຼ້າສຸດໃນການຄົ້ນຄວ້າຕົວຢ່າງຢູ່ພື້ນຜິວດວງຈັນທີ່ເກັບໂດຍຍານສໍາຫຼວດດວງຈັນ “ສາງເອີ 6” ຂອງຈີນ, ພ້ອມທັງໄດ້ສະຫຼຸບຜົນການຄົ້ນຄວ້າຕ່າງໆໃນ 1 ປີຜ່ານມາຢ່າງເປັນລະບົບພາຍຫຼັງໄດ້ຮັບຕົວຢ່າງດັ່ງກ່າວ.

ທ່ານ ໂດໂນ ທຣໍາ ປະກາດອັດຕາພາສີ 25-40% ສຳລັບ 14 ປະເທດ

09/07/2025 14:06

ຂ່າວຕ່າງປະເທດລາຍງານ ໃນວັນທີ 8 ກໍລະກົດ ຜ່ານມາວ່າ: ທ່ານ ໂດໂນ ທຣຳ ປະທານາທິບໍດີ ສະຫະລັດ ອາເມຣິກາ ໄດ້ລົງຂ່າວໃນສື່ສັງຄົມອອນລາຍວ່າ: ຈະເກັບພາສີ 25% ຕໍ່ການນຳເຂົ້າສິນຄ້າຈາກຍີ່ປຸ່ນ ແລະ ສ ເກົາຫຼີ ຕາມລຳດັບ ເລີ່ມແຕ່ວັນທີ 1 ສິງຫາ ເປັນຕົ້ນໄປ. ໂດຍທ່ານ ໂດໂນ ທຣໍາ ໄດ້ລະບຸໃນຈົດໝາຍທີ່ຂຽນເຖິງຜູ້ນໍາຂອງສອງປະເທດວ່າມາດຕະການພາສີໃໝ່ຈະແຍກອອກຈາກພາສີຂະແໜງການອື່ນໆ.

ກອງປະຊຸມມໍລະດົກໂລກຄັ້ງທີ 47 ຈະພິຈາລະນາໂຄງການຂໍເປັນມໍລະດົກໂລກ 30 ໂຄງການ

09/07/2025 14:04

ຂ່າວສານຊີອາໄອ ລາຍງານວ່າ: ໃນວັນທີ 7 ກໍລະກົດ ຜ່ານມາ, ກອງປະຊຸມມໍລະດົກໂລກຄັ້ງທີ 47 ໄດ້ເປີດຂຶ້ນຢູ່ສຳນັກງານໃຫຍ່ອົງການອຸຍແນັສໂກ ຂອງອົງການສະຫະປະຊາຊາດ ທີ່ນະຄອນຫຼວງປາຣີ ປະເທດຝຣັ່ງ. ກອງປະຊຸມຄັ້ງນີ້ຈະພິຈາລະນາໂຄງການຂໍເຂົ້າເປັນມໍລະດົກໂລກ 30 ໂຄງການ ແລະ ຍັດຕິ ສອງສະບັບກ່ຽວກັບການປັບປຸງພື້ນທີ່ມໍລະດົກໂລກ 2 ແຫ່ງທີ່ຖືກຈັດເຂົ້າໃນບັນຊີລາຍຊື່ມໍລະດົກໂລກແລ້ວ.

ນັກວິທະຍາສາດ ສະຫະລັດ ອາເມຣິກາ ໃຊ້ຂໍ້ມູນດາວທຽມປະເມີນການຟື້ນຟູປ່າ

09/07/2025 14:03

ຂ່າວຕ່າງປະເທດລາຍງານ ໃນວັນທີ 8 ກໍລະກົດ ຜ່ານມາວ່າ: ນັກວິທະຍາສາດຂອງສູນຄົ້ນຄວ້າບັນຍາກາດແຫ່ງຊາດ ຊຶ່ງສັງກັດມູນນິທິວິທະຍາສາດແຫ່ງຊາດ ຂອງ ສະຫະລັດ ອາເມຣິກາ ໄດ້ພັດທະນາວິທີການນໍາໃຊ້ຂໍ້ມູນຈາກດາວທຽມເພື່ອປະເມີນການຟື້ນຟູຂອງປ່າໄມ້ຫຼັງເກີດໄຟໄໝ້ ຊຶ່ງອາດຈະປ່ຽນແປງວິທີການຈັດການພື້ນທີ່ ແລະ ຄວບຄຸມໄຟ ໄໝ້ປ່າໃນອະນາຄົດ.

ເພີ່ມເຕີມ