ຂ່າວລະບຸວ່າ: ເມື່ອແລກປ່ຽນກ່ຽວກັບບັນດາບັນຫາການຮ່ວມມືສອງຝ່າຍ, ການນຳສອງທ່ານໄດ້ສະແດງຄວາມຕັດສິນໃຈນຳການພົວພັນສອງປະເທດໃຫ້ພັດທະນາຂຶ້ນກວ່າເກົ່າ, ກາຍເປັນຂົວຕໍ່ໃຫ້ກັນຢູ່ທະວີບ ອາຊີ - ເອີຣົບ. ກ່ຽວກັບຂົງເຂດເສດຖະກິດ - ການຄ້າ - ການລົງທຶນ, ທ່ານ ຟ້າມມິງຈິງ ໄດ້ກ່າວເຖິງການຫັນເປັນຫຼາຍຮູບຫຼາຍແບບ, ນັ້ນແມ່ນ ຫັນຕະຫຼາດ, ລະບົບສະໜອງ ແລະ ຜະລິດຕະພັນເປັນຫຼາຍຮູບຫຼາຍແບບ; ພ້ອມທັງສະເໜີໃຫ້ຝຣັ່ງ ສົມທົບກັບ ຫວຽດນາມ ຢ່າງແໜ້ນແຟ້ນໃນການຊຸກຍູ້ການຄ້າສອງຝ່າຍ ແລະ ເປີດປະຕູຕະຫຼາດໃຫ້ກັນຫຼາຍກວ່າເກົ່າ. ທ່ານນາຍົກລັດຖະມົນຕີຫວຽດນາມ ສະເໜີໃຫ້ຝຣັ່ງ ສືບຕໍ່ເອົາໃຈໃສ່, ຮັບຮອງເອົາ ບັນດາວິວັດການ, ລະບຽບການໃຫ້ສັດຕະຍາບັນ ສັນຍາອາລັກຂາການລົງທຶນ ຫວຽດນາມ - EU (EVIPA) ແລະ ຊຸກຍູ້ຄະນະກຳມະການເອີຣົບ ຍົກເລີກ “ບັດເຫຼືອງ” IUU ສຳລັບສິນໃນນ້ຳ ຫວຽດນາມ ໃນໄວໆນີ້.
ທ່ານນາຍົກລັດຖະມົນຕີຫວຽດນາມສະເໜີໃຫ້ຝຣັ່ງ ໜູນຊ່ວຍ ຫວຽດນາມ ຍົກສູງກຳລັງຄວາມສາມາດໃນບັນດາຂົງເຂດຍຸດທະສາດ. ນອກຈາກນັ້ນ, ການນຳສອງທ່ານກໍໄດ້ແລກປ່ຽນກ່ຽວກັບບັນດາບັນຫາສາກົນ ແລະ ພາກພື້ນ ທີ່ຕ່າງຝ່າຍຕ່າງມີຄວາມສົນໃຈ. ເນື່ອງໃນໂອກາດນີ້, ທ່ານ ຟ້າມມິງຈິງ ກໍເຊື້ອເຊີນ ຝຣັ່ງ ແຕ່ງຕັ້ງຄະນະຜູ້ແທນຂັ້ນສູງ ເດີນທາງມາ ຫວຽດນາມ ເຂົ້າຮ່ວມພິທີລົງນາມໃນສົນທິສັນຍາ ສປຊ ວ່າດ້ວຍການຕ້ານອາດຊະຍາກຳທາງເຄືອຂ່າຍອິນເຕີເນັດ ຢູ່ນະຄອນຫຼວງຮ່າໂນ້ຍ ໃນເດືອນຕຸລາ 2025 ນີ້.
ຄໍາເຫັນ