ຂ່າວລະບຸວ່າ: ທ່ານໂຕເລິມເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ, ທ່ານຟ້າມມິງຈິງນາຍົກລັດຖະມົນຕີ ຫວຽດນາມ, ທ່ານສອນໄຊ ສີພັນດອນນາຍົກລັດຖະມົນຕີ ລາວ, ທ່ານ ອາບີ ອາເໝັດ ອາລີນາຍົກລັດຖະມົນຕີ ເອທີໂອປີ, ທ່ານ ເນັດ ຊາເວືອນຮອງນາຍົກລັດຖະມົນຕີ ກຳປູເຈຍ ແລະ ທ່ານ ອາມິນາ ໂມອາມ ຮອງເລຂາທິການໃຫຍ່ ສປຊ, ພ້ອມດ້ວຍຜູ້ແທນ 1.000 ກວ່າຄົນ ທີ່ມາຈາກ 40 ປະເທດ ແລະ ບັນດາອົງການຈັດຕັ້ງສາກົນ ໄດ້ເຂົ້າຮ່ວມ.
ທ່ານ ໂຕເລິມ ກ່າວຄຳເຫັນໃນກອງປະຊຸມວ່າ:ເສັ້ນທາງປະຕິບັດບັນດາເປົ້າໝາຍໃຫ້ປະກົດຜົນເປັນຈິງ ຕ້ອງຮັບປະກັນຫຼັກການຍືນຍົງ, ກວມລວມ, ກົມກຽວ. ການພັດທະນາໄວຕ້ອງໄປຄຽງຄູ່ກັບຄວາມຍືນຍົງ, ມີຄຸນນະພາບສູງ, ສ້າງຄວາມກົມກ່ຽວລະຫວ່າງການພັດທະນາເສດຖະກິດ ກັບວັດທະນະທຳ, ສັງຄົມ, ປົກປັກຮັກສາສິ່ງແວດລ້ອມ ແລະ ຮັບມືກັບການປ່ຽນແປງຂອງດິນຟ້າອາກາດ. ການພັດທະນາປະເທດຊາດຕ້ອງໄປຄຽງຄູ່ກັບຄວາມຮັບຜິດຊອບສາກົນ, ປະກອບສ່ວນເຂົ້າໃນການສ້າງສັນຕິພາບ, ສະຖຽນລະພາບ, ເພື່ອຄວາມສຸກຂອງມະນຸດ ແລະ ສີວິໄລທົ່ວໂລກ ນັບມື້ນັບຫຼາຍຂຶ້ນ. ໃນວິວັດທະນາການພັດທະນາຕ້ອງຖືປະຊາຊົນເປັນໃຈກາງ, ປະຊາຊົນຕ້ອງໄດ້ຊົມໃຊ້ທຸກໝາກຜົນຂອງການພັດທະນາ.
ກ່ອນໜ້ານັ້ນ, ທ່ານ ຟ້າມມິງຈິງ ກໍໄດ້ເນັ້ນໜັກເຖິງສານ ແລະ ຄຳໝັ້ນສັນຍາດັ່ງກ່າວໃນບົດກ່າວປາໄສເປີດກອງປະຊຸມ P4G, ເມື່ອຢັ້ງຢືນວ່າການຫັນເປັນສີຂຽວ ແມ່ນການເລືອກເຟັ້ນຍຸດທະສາດຂອງ ຫວຽດນາມ ໃນສະພາບການປັດຈຸບັນ:“ການເຂົ້າຮ່ວມການປະກອບສ່ວນ ແລະ ຊົມໃຊ້ຜົນງານຂອງວິວັດທະນາການຫັນເປັນສີຂຽວ ທັງແມ່ນຄວາມຮັບຜິດຊອບ, ທັງແມ່ນຜົນປະໂຫຍດຂອງທຸກປະເທດ. ສຳລັບ ຫວຽດນາມ, ໄປຄຽງຄູ່ກັບການຫັນເປັນດີຈີຕອນ, ພວກຂ້າພະເຈົ້າຖືການຫັນເປັນສີຂຽວເປັນຄວາມຮຽກຮ້ອງຈຳເປັນພາວະວິໄສ, ແມ່ນປັດໄຈແກ່ນສານ ແລະ ກຳລັງໜູນເພື່ອບຸກທະລຸ”.
ໃນວາລະປຶກສາຫາລື, ທ່ານ ຟ້າມມິງຈິງ ກໍໄດ້ຍົກ3 ຂໍ້ສະເໜີ ດັ່ງນີ້: ຊຸກຍູ້ການສ້າງຈິນຕະນາການສີຂຽວໃຫ້ສົມບູນແບບ; ສ້າງປະຊາຄົມສີຂຽວມີຄວາມຮັບຜິດຊອບ; ຍູ້ແຮງການຮ່ວມມືສາກົນ, ການຮ່ວມມືລະຫວ່າງພາກລັດ ກັບເອກະຊົນ.
ຄໍາເຫັນ