ຂ່າວລະບຸວ່າ: ບັນດາຜູ້ຂຽນ ໄດ້ຍົກສາເຫດຈຳນວນໜຶ່ງທີ່ເຮັດໃຫ້ ຫວຽດນາມຮຸ່ງແຈ້ງຂຶ້ນ, ໃນນັ້ນຕ້ອງເວົ້າເຖິງປັດໄຈທຳອິດ ແມ່ນກຳລັງແຮງດ້ານເສດຖະກິດ. ພື້ນຖານເສດຖະກິດ ຫວຽດນາມ ໄດ້ຮັບການຄາດຄະເນຈະມີການເຕີບໂຕແຕ່ 5 – 6%/ປີ, ດ້ວຍການບໍລິໂພກ, ການສົ່ງອອກ ແລະ ການລົງທຶນຢ່າງແຮງ. ຄວາມເປັນປົກກະຕິດ້ານການເມືອງ ນຳມາຊຶ່ງສະພາບແວດລ້ອມທີ່ຄາດຄະເນຢ່າງງ່າຍດາຍ ຊຶ່ງແມ່ນສິ່ງທີ່ຫາຍາກຢູ່ບັນດາຕະຫຼາດຫາກໍ່ພົ້ນເດັ່ນຂຶ້ນ. ບົດຂຽນ ໄດ້ສະຫຼຸບວ່າ, ຫວຽດນາມ ພົ້ນເດັ່ນຂຶ້ນຍ້ອນມີຄວາມຂະຫຍັນຂັບເຄື່ອນດ້ານເສດຖະກິດ, ມີທ່າໄດ້ປ່ຽບດ້ານຄ່າໃຊ້ຈ່າຍ ແລະ ບັນດານະໂຍບາຍຍຸດທະສາດ. ຄວາມສາມາດໃນການດຶງດູດການລົງທຶນເຕັກໂນໂລຊີສູງ ແລະ ການເຊື່ອມໂຍງເຂົ້າກັບລະບົບສະໜອງທົ່ວໂລກ ໄດ້ນຳຫວຽດນາມ ກາຍເປັນປະເທດນຳໜ້າ ກ່ຽວກັບການດຶງດູດ FDI ໃນພາກພື້ນອາຊີຕາເວັນອອກສ່ຽງໃຕ້.
ຄວາມໝັ້ນທ່ຽງຂອງສາຍພົວພັນຈີນ - ອາເມຣິກາ ແມ່ນຜົນປະໂຫຍດຂອງໂລກ
ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 13 ພຶດສະພາ ຜ່ານມາ, ທ່ານ ໂດໂນ ທຣຳ ປະທານາທິບໍດີອາເມຣິກາໄດ້ເລີ່ມດຳເນີນການຢ້ຽມຢາມຈີນທາງລັດຖະກິດເປັນເວລາ 3 ວັນ. ໃນສະຖານະການສາກົນປັດຈຸບັນທີ່ມີຄວາມຜັນແປ ແລະ ສັບສົນ, ການພົບປະເຈລະຈາກັນລະຫວ່າງປະມຸກລັດສອງປະເທດຈີນ-ອາເມຣິກາບໍ່ພຽງແຕ່ຈະສົ່ງຜົນສະທ້ອນໃຫ້ແກ່ການຂະຫຍາຍການພົວພັນລະຫວ່າງສອງປະເທດໃນຕໍ່ໜ້າ, ຍັງຈະສົ່ງຜົນສະທ້ອນຕໍ່ສະພາບການເມືອງ-ເສດຖະກິດໂລກ ແລະ ການປ່ຽນແປງຂອງລະບຽບສາກົນ.
ຄໍາເຫັນ