Moody's ລະບຸວ່າ: ລັດຖະບານມາເລເຊຍຄາດຄະເນວ່າການໃຊ້ພະລັງງານຂອງສູນຂໍ້ມູນໃນແຫຼມມາເລ ຈະກວມເອົາ 31% ຂອງການໃຊ້ໄຟຟ້າທັງໝົດພາຍໃນປີ 2035, ເພີ່ມຂຶ້ນຈາກ 4% ໃນປີ 2025. ສິ່ງດັ່ງກ່າວຈະຊ່ວຍສະໜັບສະໜູນການເຕີບໂຕຂອງຄວາມຕ້ອງການໄຟຟ້າໃນໄລຍະຍາວ, ເຖິງແມ່ນວ່າຂະໜາດ ແລະ ອັດຕາຄວາມໄວຂອງການຂະຫຍາຍຕົວຈະຂຶ້ນກັບຄວາມສ່ຽງດ້ານຕະຫຼາດ ແລະ ການດຳເນີນງານ.
ບໍລິສັດ ສາທາລະນູປະໂພກ ແລະ ຜູ້ຜະລິດໄຟຟ້າເອກະຊົນຂອງມາເລເຊຍ ຈະຕ້ອງເພີ່ມກຳລັງການຜະລິດໄຟຟ້າຢ່າງໜ້ອຍ 14-17 ກິກະວັດ ໃນໄລຍະທົດສະວັດຕໍ່ໄປ ເພື່ອຕອບສະໜອງຄວາມຕ້ອງການທີ່ເພີ່ມຂຶ້ນ ຊຶ່ງຕ້ອງມີການລົງທຶນ 80-95 ຕື້ຣິງກິດ (ສະກຸນເງິນມາເລເຊຍ).
Moody's ລະບຸວ່າ: ການຂະຫຍາຍຕົວຂອງຄວາມຕ້ອງການໄຟຟ້າທີ່ຂັບເຄື່ອນໂດຍສູນຂໍ້ມູນຈະສົ່ງຜົນກະທົບໃນທາງບວກຕໍ່ການຈັດອັນດັບຄວາມເຊື່ອໝັ້ນໃນໄລຍະຍາວ. ຖ້າຫາກບໍລິສັດສາທາລະນູປະໂພກສາມາດດຳເນີນໂຄງການຜະລິດ, ສົ່ງ ແລະ ຈຳໜ່າຍພະລັງງານໄດ້ຢ່າງມີປະສິດທິພາບ, ແຕ່ພາລະໜີ້ສິນຂອງບໍລິສັດທີ່ໄດ້ຮັບການຈັດອັນດັບເພີ່ມຂຶ້ນໃນໄລຍະການພັດທະນາ ຈະຫຼຸດກອບຄວາມຍືນຍຸ່ນທາງການເງິນ.
ຄໍາເຫັນ